Այլ

Բուլղարիայում ավարտված ծանրամարտի Եվրոպայի առաջնությունում Հայաստանը երկամարտի 10 մեդալով առաջինն է: Երկրորդ տեղում 7 մեդալով Բուլղարիան է: Լավագույն եռյակը եզրափակում է Իտալիան՝ 4 մեդալ։ 17 ծանրորդով Եվրոպայի առաջնությանը մասնակցած Հայաստանի թիմը նվաճել է 4 ոսկե, 3 արծաթե եւ 3 բրոնզե մեդալներ: Եվրոպայի չեմպիոն են դարձել Ալեքսանդրա Գրիգորյանը (55 կգ), Գոռ Սահակյանը (67 կգ) եւ Հակոբ Մկրտչյանը (96 կգ): Արծաթե մեդալակիրներ են դարձել Դավիթ Հովհաննիսյանը (96 կգ), Սամվել Գասպարյանը եւ Սիմոն Մարտիրոսյանը: Բրոնզե մեդալներ են նվաճել՝ Ռաֆիկ Հարությունյանը…

ՌԴ նախագահ Վլադիմիր Պուտինը հայտարարել է, որ Ռուսաստանը յուրահատուկ ժամանակներ է ապրում, որակապես փոխվում է ներսից և դառնում առավել ինքնաբավ երկիր, գրում է «Комсомольская правда»-ն։ «Ռուսաստանը որակապես փոխվում է ներսից՝ դառնալով ավելի ինքնաբավ, ինքնիշխան և ինքնավստահ։ Սա Ռուսաստանի ժամանակն է»,- ասել է նա՝ ելույթ ունենալով «Ուժեղ գաղափարներ նոր ժամանակի համար» ֆորումի լիագումար նիստում։ Պուտինի խոսքով՝ Ռուսաստանին մեկուսացնելու նպատակները, որոնք իրենց առջեւ դրել էին Արեւմուտքի երկրները, տապալվել են։        

Վարազդատ Լալայանն առաջին անգամ կարիերայում նվաճեց Եվրոպայի չեմպիոնի տիտղոսը: Բուլղարիայի մայրաքաղաք Սոֆիայում անցկացվող ծանրամարտի Եվրոպայի առաջնության վերջին մրցումային օրը Վարազդատ Լալայանը երկամարտի 455 կգ արդյունքով հռչակվեց Եվրոպայի չեմպիոն (205+250): Այս քաշային կարգում Հայատանի մյուս ներկայացուցիչ Սիմոն Մարտիրոսյանը երկամարտի 437 կգ  արդյունքով արծաթե մեդալակիր է (190+247): Վարազդատ Լալայանը պոկում վարժությունում առաջին մոտեցմամբ բարձրացրեց 200 կգ, երկրորդով՝ 205 կգ: Երրորդ մոտեցման 210 կգ-ը ձախողեց: Այս վարժությունում Լալայանը փոքր ոսկե մեդալակիր է: Սիմոն Մարտիրոսյանը հաջող կատարեց միայն առաջին…

  ՊՆ-ի փոխանցմամբ progressarmenia.com-in  փետրվարի 20-ին ՀՀ պաշտպանության նախարար Սուրեն Պապիկյանի գլխավորությամբ անցկացվել է աշխատանքային խորհրդակցություն, որին մասնակցել են ՀՀ ՊՆ և ԶՈՒ ղեկավար, ինչպես նաև բանակային զորամիավորումների հրամանատարական կազմերը: Մինչ օրակարգային հարցերի քննարկմանն անցնելը Սուրեն Պապիկյանը շնորհավորել է օրեր առաջ ՀՀ զինված ուժերում տեղի ունեցած կադրային մի շարք փոփոխությունների արդյունքում պաշտոնների նոր նշանակված զինվորականներին, մաղթել քաջառողջություն, ծառայողական նորանոր հաջողություններ, հայրենիքին անմնացորդ ծառայելու կամք ու կորով: Խորհրդակցության ընթացքում քննարկվել են զինված ուժերում ընթացող աշխատանքներին առնչվող…

Մեկնարկել են Մ-3, ՀՀ պետական սահման-Մարգարա-Վանաձոր-Տաշիր-ՀՀ պետական սահման միջպետական նշանակության ավտոճանապարհի կմ35+535-կմ39+500 հատվածի հիմնանորոգման աշխատանքները։ Ճանապարհն անցնում է Աշտարակ քաղաքով և տանում դեպի Էջմիածին։ Այս մասին հայտնում են Ճանապարհային դեպարտամենտ հիմնադրամից: Այս պահին շինարարը քանդում է ճանապարհի գոյություն ունեցող ծածկը‚ տեղադրվում են ջրահեռացման վաքերը և մայթերի եզրաքարերը։ Ճանապարհը հիմնանորոգումից հետո կկահավորվի անվտանգության տարրերով։ Կնորոգվեն նաև ճանապարհին առկա կամուրջն ու ստորգետնյա անցումը։ Մոտ 4կմ երկարությամբ ճանապարհի շինաշխատանքների ավարտը նախատեսված է մինչև ընթացիկ տարվա վերջ։ Հիմնանորոգումը կատարվում է…

Բնապահպանության և ընդերքի տեսչական մարմնի աշխատակիցներն  Արարատի մարզում «Միքայել Շահվերդյան» Ա/Ձ-ին և Արսեն Խաչատրյանին պատկանող ձկնաբուծարաններում կատարած ստուգումների ընթացքում արձանագրել են ապօրինի ջրօգտագործման դեպքեր։ Պարզվել է, որ Մասիսի Նորամարգ և Զորակ բնակավայրերում համապատասխանաբար 4 և 3 գրունտային հորից առանց ջրօգտագործման թույլտվությունների առկայության իրականացվել է ապօրինի ջրառ։ Տեսչական մարմնի Արարատի տարածքային բաժնի պետի որոշումներով ապօրինի 7 հորի շահագործումը կասեցվել է։ Կիրառվել են վարչական պատասխանատվության միջոցներ, ներկայացվել շրջակա միջավայրին հասցված վնասի հատուցման պահանջ։        

Երեքշաբթի առավոտյան նավթի գնանշումներն ընկնում են։ Brent-ի ապրիլյան ֆյուչերսները Լոնդոնի ICE Futures բորսայում էժանացել են 9 սենթով՝ մեկ բարելը 83,47 դոլար։ Երկուշաբթի Brent-ը թանկացել էր 9 սենթով՝ մեկ բարելը 83,56 դոլար։ WTI-ի ապրիլյան ֆյուչերսները Նյու Յորքի NYMEX ապրանքային բորսայում էժանացել են 10 սենթով՝ մեկ բարելը 78,36 դոլար։ Նախօրեին WTI-ի աճուրդներ չէին կայացել՝ ԱՄՆ-ում պետական տոնի հետ կապված։        

Հայաստանում այս կամ այն գործիչների պատվավոր կոչումները պետք է հանվեն, քանի որ այդ մոտեցումը կորցրել է իր ակտուալությունը։ Այս մասին Ազգային ժողովում, պետաիրավական հարցերի խորհրդարանական մշտական հանձնաժողովի նիստում,  «Հայաստանի Հանրապետության պետական պարգեւների եւ պատվավոր կոչումների մասին» օրենքի երկրորդ եւ վերջնական ընթերցման եւ կից օրենքներում փոփոխություններ եւ լրացումներ կատարելու մասին օրինագծերի փաթեթի քննարկման ժամանակ, փետրվարի 20-ին ասել է արդարադատության փոխնախարար Արմենուհի Հարությունյանը։ Խոսքը ընդհանուր առմամբ մոտ 1 100 մարդու մասին է։ Արված առաջարկները կրում են զուտ տեխնիկական…