Առողջապահություն

Հայաստանի հիվանդանոցներն ու պոլիկլինիկաները կդադարեն ֆլյուորոգրաֆիա անել, իսկ համապատասխան սարքավորումները դուրս կբերվեն շահագործումից։ Համապատասխան որոշումն ընդունվեց ՀՀ կառավարության այսօրվա՝ փետրվարի 13-ի նիստում։ Որոշումն ընդունվեց` հաշվի առնելով այն հանգամանքը, որ, ըստ առողջապահության նախարարության եզրակացության, ֆլյուորոգրաֆիկ հետազոտությունը չի համապատասխանում ներկայիս բժշկագիտության պահանջներին։ Ֆլյուորոգրաֆիկ հետազոտությունն ունի ախտորոշման նվազ աստիճանի արդյունավետություն, գործնականում որոշ հիվանդությունների ժամանակ անհրաժեշտություն է առաջանում լրացուցիչ իրականացնել նաև ռենտգենաբանական կամ ճառագայթային այլ ախտորոշիչ հետազոտություններ (օր․՝ թվային ռենտգեն, համակարգչային տոմոգրաֆիա)։ Միաժամանակ տեխնոլոգիաների զարգացմանը զուգահեռ մի քանի անգամ…

  «ՎԿԳ» ՍՊԸ-ին պատկանող հանրային սննդի կետում  իրականացրած կրկնակի ստուգայցի ընթացքում ՀՀ սննդամթերքի անվտանգության տեսչական մարմնի Լոռու մարզային կենտրոնի տեսուչները խախտումներ չեն հայտնաբերել (Լոռու մարզ, գ. Արջուտ, Վանաձոր-Սպիտակ մայրուղի): ՍԱՏՄ ղեկավարի որոշմամբ՝ հանրային սննդի կետի արտադրական գործունեության կասեցումը վերացվել է։                

Հիթիտ համալսարանի (HU) թուրք գիտնականները մշակել են սոխի եւ խնձորի կեղեւից պատրաստված վիրակապային նյութեր: Բացահայտման մասին տեղեկացվել է գիտական ​​հաստատության պաշտոնական կայքում։ Մասնագետների կարծիքով՝ սոխի կճեպը հագեցած է կվերցետին կոչվող հակաօքսիդանտով, որն ունի հակաբակտերիալ հատկություններ: Թիմը նաեւ մշակել է խնձորի վրա հիմնված բիոպոլիմեր՝ պուլուլան, որը կարող է փոխարինել օսլային խտացնող եւ թաղանթ ձեւավորող հատկություններով։ «Մենք ստեղծել ենք երկու տեսակի նյութեր՝ բարակ թաղանթ մակերեսային վերքերի համար եւ ներարկվող գել, որը թանձրանում է լույսի ազդեցության տակ եւ հարմար է խոր եւ անհարթ վերքերի համար: Այն հարմարվում է վերքի ձեւին եւ խթանում հյուսվածքների վերականգնումը»,- նշել է հայտնագործության համահեղինակ, պոլիմերային նյութերի ամբիոնի դոցենտ Բենգի Օզքահրամանը: Հետազոտությունը հաստատել է, որ սոխի կճեպի էքստրակտի վրա հիմնված վիրակապային նյութն ունի առեւտրային անալոգների հատկությունները: Բացահայտումը վկայում է կենսաբժշկության մեջ բնական ռեսուրսների օգտագործման բարձր ներուժի մասին:        

Հայաստանի առողջապահության նախարարությունը վերջին մեկ ամսվա ընթացքում ակտիվ աշխատանք է տանում բնակչության իրազեկման ուղղությամբ։ Այս մասին փետրվարի 12-ին Ազգային ժողովի նիստում հայտարարեց հանրապետության առողջապահության նախարար Անահիտ Ավանեսյանը՝ պատասխանելով պատգամավորների հարցերին՝ քաղաքացիներին էլեկտրոնային դեղատոմսերի մասին իրազեկելու վերաբերյալ։ Այսպես, իշխող «Քաղաքացիական պայմանագիր» կուսակցության պատգամավոր Արման Էգոյանը նշեց, որ 90 տոկոս դեպքերում բժիշկները պարզապես էլեկտրոնային դեղատոմսեր չեն գրում։ Արդյունքում դեղատների սեփականատերերը, որոնք ստիպված են եղել ընդունել հին թղթի վրա հիմնված բժշկական դեղատոմսերը, հայտնվում են տեսչական ծառայությունների հսկողության տակ,…

Մարդկանց և կենդանիների շրջանում SARS-CoV-2 կորոնավիրուսի շրջանառությունը սպառնում է նոր վտանգավոր վիրուսների առաջացմամբ։ Այս մասին ասվում է Առողջապահության համաշխարհային կազմակերպության (ԱՀԿ) զեկույցում։ «COVID-19-ից հանրային առողջության համաշխարհային ռիսկը մնում է բարձր», – ասվում է զեկույցում: ԱՀԿ-ն նշել է, որ SARS-CoV-2-ի նկատմամբ կոլեկտիվ իմունիտետն այժմ զգալիորեն աճել է: Սակայն դրա շրջանառությունը զգալի մակարդակով շարունակվում է։ Ըստ կազմակերպության՝ այդ մասին է վկայում «փորձարկման դրական արդյունքների և կեղտաջրերի նմուշառման տոկոսը»։ SARS-CoV-2 համաճարակը սկսվել է Չինաստանի Ուհան քաղաքում 2019 թվականի…

Փորտսմուտի համալսարանի գիտնականները պարզել են, որ կետոնային մոնոեթերները, որոնք սովորաբար պարունակվում են ավոկադոյում եւ ընկույզի մեջ, կարող են բարելավել սրտի աշխատանքի ինդեքսը եւ արյան շրջանառությունը փոքր անոթներում: Հետազոտության արդյունքները հրապարակվել են Journal of Applied Physiology (JAP) ամսագրում: Նշված մթերքներում պարունակվող կետոններն օրգանիզմում կարող են առաջանալ բջիջների ածխաջրային քաղցի արդյունքում, որը կոչվում է կետոզ։ Այդ պրոցեսն օգնում է օրգանիզմին էներգիա արտադրել ճարպերից, ինչը թույլ է տալիս գոյատեւել, երբ արյան մեջ գլյուկոզայի մակարդակը ցածր է: Որոշ հետազոտություններ ցույց են տվել, որ կետոնները կարող են կանխել կոգնիտիվ խանգարումները ճարպակալում ունեցող մարդկանց մոտ: Սակայն նոր աշխատանքի հիմնական ուշադրության կենտրոնում եղել է այն, թե ինչպես են կետոնային եթերներն ազդում սրտի վրա: Հետազոտությանը մասնակցել են 2-րդ տեսակի դիաբետ ունեցող մարդիկ: Օրգանիզմը կետոզի վիճակի մեջ դնելու համար կամավորներին հանձնարարվել է հեղուկ կետոնային եթերային հավելում ընդունել: Երկրորդ փուլում փորձը կրկնվել է դատարկահաբով։ Հետազոտության ընթացքում գիտնականները գնահատել են մասնակիցների սրտի աշխատանքը, ոլոքի մկաններում թթվածնի մակարդակը եւ անոթների աշխատանքը: Արդյունքները ցույց են տվել, որ կետոնային ըմպելիքը խմելուց հետո մասնակիցների սրտերն ավելի արդյունավետ են աշխատել ինչպես հանգստի, այնպես էլ չափավոր վարժությունների ժամանակ։ Նկատվել է նաեւ փոքր անոթներում արյան շրջանառության բարելավում: Գիտնականները բացատրել են, որ կետոնային մոնոեթերները կարելի է ստանալ ոչ միայն հավելումների, այլեւ սննդի միջոցով։ Սպանախի, բրոկոլիի, ավոկադոյի, ընկույզի, ձիթապտղի, կոկոսի յուղերի, պանրի եւ ձկան մշտական ներառումը սննդակարգում կարող է օգտակար լինել սրտի առողջության համար:        

ԱՄՆ Բժշկական հետազոտությունների վերահսկման գործակալությունը հայտարարել է համալսարանների և գիտահետազոտական ​​կենտրոնների ֆինանսավորման զգալի կրճատումների մասին, ինչը խստորեն դատապարտում են գիտնականները, որոնք հայտարարում են, որ դա կվնասի քաղցկեղի և այլ հիվանդությունների հետազոտություններին, հաղորդում է AFP-ն: Առողջապահության ազգային ինստիտուտը (NIH) ուրբաթ ուշ երեկոյան հայտարարել է, որ սահմանում է 15 տոկոսի սահմանաչափ հետազոտությունների հետ կապված «անուղղակի» կամ վերադիր ծախսերի ֆինանսավորման վրա: Գործակալության տվյալներավ, դա անուղղակի ծախսերի միլիարդավոր դոլարների կտրուկ կրճատում է, որոնք ներկայումս կազմում են որոշ կազմակերպությունների կողմից…

ՀՀ սննդամթերքի անվտանգության տեսչական մարմնի արագ արձագանքման բաժնի տեսուչները, քաղաքացու ահազանգի հիման վրա, վերահսկողություն են իրականացրել «Մարմարին» ՍՊԸ-ին պատկանող հացի արտադրամասում (Երևան, Հ․ Հակոբյան փողոց): Պարզվել է, որ քաղաքացու ահազանգը ժամանակին և արդարացված էր. արտադրամասում հայտնաբերվել են սանիտարահիգիենիկ նորմերի խախտումներ, այն է՝ կառույցի պատերի մակերևույթները հնարավոր չէ լվանալ և անհրաժեշտության դեպքում ախտահանել․ ունի վերանորոգման կարիք, սանհանգույցի դուռը բացվում էր արտադրական տարածքի մեջ: Հացի արտադրամասի արտադրական գործունեությունը կասեցվել է, սահմանվել է խախտումները վերացնելու ժամկետ:        

ՀՀ սննդամթերքի անվտանգության տեսչական մարմնի ղեկավարի որոշմամբ՝ կասեցվել է «Ծիրան մարկետ» ՍՊԸ-ին պատկանող երկու՝ Երևանի Գայի պողոտա 8/2 հասցեում գործող աղցանների, խոհարարական արտադրանքի և Տիգրան Պետրոսյան 44/1 հասցեում գործող կրեմային հրուշակեղենի և ալրային կիսապատրաստվածքների արտադրամասերի արտադրական գործունեությունը։ Այս մասին  տեղեկացնում է ՍԱՏՄ-ը: Որոշման համար հիմք են ծառայել այն խախտումները, որոնք հայտնաբերել են Տեսչական մարմնի Երևանի կենտրոնի տեսուչները նշված արտադրամասերում իրականացրած ստուգումների ընթացքում։ Մասնավորապես՝ աղցանների, խոհարարական արտադրանքի արտադրամասում՝ սանհանգույցի դուռը բացվել է դեպի արտադրական շինություն. շինությունները սարքավորված…