Եվրամիության արտգործնախարարները երկուշաբթի՝ հունիսի 24-ին կքննարկեն Վրաստանի դեմ հնարավոր սահմանափակումները՝ օտարերկրյա գործակալների մասին օրենքի ընդունման առնչությամբ։ Դրա մասին հայտնել է Euractiv պորտալը։ Նախագծում ասվում է, որ որպես անհապաղ պատասխան ԵՄ-ն ԵՄ-Վրաստան Ասոցացման համաձայնագրի շրջանակում կարող է դադարեցնել բարձր մակարդակի երկկողմ այցերը, հանդիպումներն ու միջոցառումները, միաժամանակ սառեցնել քննարկումները, բանակցությունները և երկկողմ համաձայնագրերի ստորագրումը։ Բացի դրանից, ԵՄ երկրները քննարկում են Վրաստանի ղեկավարության ներկայացուցիչների նկատմամբ սահմանափակումներ մտցնելու հնարավորությունը, դադարեցնելու «Վրաստանի իշխանություններին օգուտ բերող» նախագծերի ֆինանսավորումը և քննարկում են…

Հունիսի 21-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։ Հայտնում են կուսակցությունից: Ամփոփվել են Կուսակցության 4-րդ Քաղաքական ժողովի նախապատրաստական աշխատանքները։

ԱԺ-ում ընդդիմադիր ֆրակցիաների կողմից հրավիրված «Կառավարության հրաժարականի և նոր կառավարություն ձևավորելու անհրաժեշտության մասին» թեմայով արտահերթ նիստին զուգահեռ, որին ՔՊ-ն, հերթական անգամ խախտելով Սահմանադրությունը, հրաժարվեց մասնակցել, փոխարենը ԱԺ քննարկման օրակարգ բերեց «Հայաստանի` Եվրոպական միությանն անդամակցության հայտ ներկայացնելու հարցով հանրաքվե անցկացնելու առաջարկի շուրջ» լսումներ անցկացնելու հարցը:Այս մասին ասվում է ԱԺ «Հայաստան» խմբակցության հայտարարությունում: Ըստ խմբակցության` այս հարցը ներկայումս օրակարգ բերելը խիստ արհեստական է, աշխարհաքաղաքական իրողություններից կտրված և ներքաղաքական իմաստով՝ կեղծ։ Այն նպատակ ունի շեղել հանրության ուշադրությունը գործող…

Հայաստանն այլևս ճանաչում է Պաղեստինի պետությունը, իսկ Բաքվի բարբարոսական վարչախումբն Արցախի հայության նկատմամբ իրականացրած ցեղասպանական բնույթի էթնիկ զտումից հետո էներգակիրներ է մատակարարում Գազայի խաղաղ բնակչության նկատմամբ անմարդկային գործողություններով աչքի ընկած Նեթանյահուի վարչախմբին։ Այս մասին իր էջում գրել է իրանագետ Վարդան Ոսկանյանը: Նա, մասնավորապես, նշել է. «Սա է այն ճշմարտությունը, որը պետք է իմանա իսլամական և արաբական աշխարհը պարբերաբար իսլամի և իսլամական համերաշխության մասին ճամարտակող Բաքվի երեսպաշտ վարչախմբի իրական բնույթի մասին։ Այսուհետ ցանկացած իսլամական երկիր՝ և…

Հունիսի 21-ը նշվում է որպես Բուժաշխատողի օր: Այդ կապակցությամբ ՆԳՆ Ոստիկանության բուժվարչության և ենթակա ստորաբաժանումների մի խումբ աշխատողներ արժանացել են խրախուսանքի։ Աշխատանքային պարտականությունները բարեխղճորեն և բարձր պատասխանատվությամբ կատարելու համար ՆԳՆ Ոստիկանության բժշկական վարչության պետ, բժշկական ծառայության գնդապետ Սուսաննա Մուրադյանը շնորհակալագրեր է հանձնել մի շարք աշխատակիցների։

  ՀՀ Ոստիկանության փոխանցմամբ՝   մեր  հանրապետությունը գտնվելով Արաբական և Եվրասիական տեկտոնական սալերի բախման գոտում՝ Հայաստանում ցանկացած պահի կարող է երկրաշարժ տեղի ունենալ։ Հաշվի առնելով նախկինում տեղի ունեցած ավերիչ երկրաշարժերը՝ 1991 թվականին ստեղծվեց ՀՀ կառավարությանն առընթեր Սեյսմիկ պաշտպանության ազգային ծառայությունը: 2015 թվականին վերագործարկվեց Գառնիի երկրաֆիզիկական դիտարանը: Այսօր արդեն դիտացանցը բաղկացած է 48 դիտակայաններից, որոնցում տեղադրված են 122 չափիչ սարքեր և սարքավորումներ, որոնց նպատակն է կանխատեսել և նվազեցնել սեյսմիկ ռիսկը։ «Կենտրոնի հիմնական խնդիրը հանրապետությունում սեյսմիկ ռիսկի նվազեցումն…

Երկու ադրբեջանցի Ռուսաստանից արտահանձնվել են Ադրբեջանին, Ադրբեջանի գլխավոր դատախազության մամուլի ծառայությանը վկայակոչելով՝ հայտնել է ԱՊԱ-ն։ «Միջազգային պայմանագրերից բխող դրույթների համաձայն՝ որոշում է ընդունվել Ռուսաստանից արտահանձնել Ադրբեջանի քաղաքացիներ Հուսեյնով Ռախիբ Սահիբ օղլուն և Իբրահիմով Մուրադ Թեյուբ օղլուն։ Քրեական գործերի շրջանակում, որոնց նախաքննությունն անցկացվել է Աբշերոնի շրջանի ոստիկանության բաժանմունքում, հիմքեր են պարզվել, որ Իբրահիմով Մուրադ Թեյուբ օղլուն կատարել է հանցագործություն՝ դիտավորությամբ առողջությանը ծանր վնաս պատճառելով, իսկ Հուսեյնով Ռախիբ Սահիբ օղլուն՝ զգալի վնաս պատճառող խարդախություն։ Ուստի նրանց նկատմամբ…

2020 թվականին ընդունվել էր երեխա ունեցող ընտանիքների բնակարանային ապահովության պետական աջակցության՝ 2020-2023 թվականների ծրագիրը: 2023-ին ծրագիրն ամփոփելուց ու արդյունավետությունը գնահատելուց հետո որոշվել էր, որ այն պետք է շարունակել, և 2024 թվականի մարտին որոշվել էր երկարաձգել ծրագիրը մինչև 2026 թվականը: Այդ մասին Կառավարության հունիսի 20-ի նիստին ասաց ԱՍՀ նախարար Նարեկ Մկրտչյանը: «Ծրագրի շրջանակում 2024-ին աջակցություն է ստացել 827 շահառու մինչև 2023 թվականի դեկտեմբերի 31-ը ստանձնած պարտավորությունների մասով, և վճարվել է շուրջ 552 մլն դրամ, իսկ ընդհանուր…

ԱՄՆ նախագահ Ջո Բայդենի վարչակազմը կասկածում է, որ Իսրայելը եւ պաղեստինյան արմատական ՀԱՄԱՍ շարժումը կկարգավորեն հակամարտությունը առաջիկայում։ Այս մասին տեղեկացրել է Politico թերթը։ «Իմ կարծիքով՝ դա կշարունակվի առնվազն մինչեւ 2024թ. վերջ»,- թերթը մեջբերել է Սպիտակ տան աղբյուրի խոսքերը։ Նա պարզաբանել է, որ Իսրայելի զորքերի դուրսբերման հարցը սեկտորից դարձել է գայթաքար ճգնաժամի լուծման հարցում։ Բայդենի վարչակազմում մտահոգ են, որ քանի որ կողմերից ոչ մեկը պատրաստ չէ զիջումների, մարտական գգործողությունները Գազայում կարող են շարունակվել եւս մի քանի…