Մի  քանի օր առաջ իրանական իշխանությունները ձերբակալել են Իրանի նախկին նախագահ Հասան Ռուհանիին և նախկին արտգործնախարար Մոհամմադ Ջավադ Զարիֆին, գրում է «Первый ближневосточный» թելեգրամյան ալիքը: «Ռուհանին և Զարիֆը արմատական ​​​​բարեփոխիչների խմբից են, որոնք պաշտպանում են Արևմուտքի հետ սերտ կապերը։ Երկու քաղաքական գործիչներն էլ պատասխանատու են Իրանում 2015 թվականի չափազանց ժողովրդական միջուկային համաձայնագրի համար։ Պահպանողական հայրենակիցները նրանց դավաճաններ են համարում»։ Ռուհանիի և Զարիֆի ձերբակալության լուրը դեռևս պաշտոնապես չի հաստատվել. այն հայտնի Jedaal թոք-շոուի ժամանակ հայտարարել են խորհրդարանի…

Սերը կո՞ւյր է։ Հնարավոր է՝ այն նաև մի փոքր հիմար է, կամ առնվազն ընտրողական։ Ցյուրիխի համալսարանի նոր ուսումնասիրությունը պարզել է, որ բարձր ինտելեկտ ունեցող մարդիկ ավելի հակված են ավելի երկար մնալ միայնակ, քան իրենց՝ պակաս ինտելեկտ ունեցող հասակակիցները։ «Մեր արդյունքները ցույց են տալիս, որ ինչպես սոցիալ-դեմոգրաֆիկ գործոնները, ինչպիսիք են կրթությունը, այնպես էլ հոգեբանական բնութագրերը, ինչպիսիք են ներկայիս բարեկեցությունը, օգնում են կանխատեսել, թե ով կմտնի ռոմանտիկ հարաբերությունների մեջ, իսկ ով՝ ոչ»,-ասել է ուսումնասիրության համահեղինակ Մայքլ Կրամերը։…

Կենտրոնական բանկը տեղեկացնում է, որ ՀՀ կառավարության 2012 թ. դեկտեմբերի 27-ի N 1691-Ն որոշման սոցիալական փաթեթի ծրագրով (այսուհետ՝ Ծրագիր) շահառուների սոցիալական փաթեթի հաշիվները սպասարկող բանկերն իրավասու չեն Ծրագրով և բանկի կողմից սահմանված պահանջներին բավարարող քաղաքացիներին մերժելու՝ բացել հաշիվներ, ինչպես նաև հաշվի բացումը պայմանավորել այլ ծառայությունից օգտվելու նախապայմաններով (օրինակ՝ աշխատավարձի տեղափոխում, հավելյալ ծառայությունների ձեռքբերում և այլն)։ Համապատասխանաբար խնդրում ենք սոցիալական փաթեթի հաշիվների բացման հետ կապված խնդիրների առաջացման դեպքում․ ներկայացնել գրավոր դիմում-բողոք տվյալ բանկի պաշտոնական էլեկտրոնային հասցեին՝ մանրամասն նկարագրելով դեպքը և պահանջելով հաշվի բացում ու պարզաբանումներ մերժման պատճառների մասին, դիմումի պատճենում նշել նաև Կենտրոնական բանկի secretariat@cba.am էլեկտրոնային հասցեն: Սոցիալական փաթեթի հաշիվները…

Համայնքային ոստիկանության Քանաքեռ-Զեյթունի բաժնի կողմից որպես անհետ կորած որոնվում է 1951 թվականին ծնված Սլավիկ Պողոսյանը: Նա հունվարի 15-ի կեսօրին դուրս է եկել Ազատության պողոտայի բնակարանից և այլևս չի վերադարձել։ Նրա գտնվելու վայրի վերաբերյալ տեղեկություններ ունեցողներին խնդրում ենք դիմել Ոստիկանության մոտակա բաժին կամ զանգահարել 1-02։ `Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Հունվարի 9-ին Համայնքային ոստիկանության Նոր Նորքի բաժնում ստացվեց հաղորդում «Յութուբյան» ալիքով մի քաղաքացու կողմից մեկ այլ քաղաքացու հասցեին հայհոյանքներ հնչեցնելու մասին։ Արդեն հաջորդ օրը բաժնում ստացվեց հաղորդում․ տղամարդը սեռական բնույթի հայհոյանքներ էր հնչեցրել քաղաքացու և նրա ընտանիքի հասցեին, ապա տեսանյութը չտարածելու դիմաց պահանջել խոշոր գումար։ Մայրաքաղաքի Լվովյան փողոցի 62-ամյա բնակիչը ձերբակալվեց ու տեղափոխվեց բաժին։ Նույն օրը նախաձեռնվեց քրեական վարույթ՝ խուլիգանության և շորթման հատկանիշներով։ 62-ամյա տղամարդը տեղափոխվեց ձերբակալվածների պահման վայր։ Հունվարի 14-ին դատարանի որոշմամբ տղամարդու նկատմամբ…

Արտակարգ իրավիճակներում քաղաքացիների զանգերին առավել օպերատիվ և համակարգված արձագանք ապահովելու նպատակով Ներքին գործերի նախարարությունը փետրվարի 15-ից գործարկում է Միասնական զանգերի կենտրոնը, որը մեկտեղում է Ոստիկանություն և Փրկարար ծառայություն ուղղված զանգերը: Քաղաքացիները 112 հեռախոսահամարին զանգահարելով՝ հնարավորություն կունենան մեկ զանգով կապ հաստատել ՆԳՆ ենթակա ծառայությունների հետ, ինչի շնորհիվ օգնության տրամադրումն ավելի արագ և արդյունավետ կլինի․ այն թույլ կտա ապահովել ոստիկանների և փրկարարների միաժամանակյա արձագանքը, կրճատել ժամանակը՝ նպաստելով քաղաքացիների անվտանգության բարձրացմանը։ մեկ զանգ, արագ արձագանք #112 #արագարձագանքում

ՀՀ կենտրոնական բանկի կայքում տեղադրվել է ցանկ, որտեղ առկա է տեղեկատվություն այն անձանց մասին, որոնք առանց Կենտրոնական բանկի համապատասխան լիցենզիայի հանդես են գալիս տարբեր ֆինանսական ծառայությունների մատուցման առաջարկով: Հիշեցնում ենք, որ Հայաստանի Հանրապետությունում ֆինանսական ծառայությունների մատուցումը կարգավորվում է օրենսդրությամբ, և նման գործունեություն իրականացնելու իրավունք ունեն միայն Կենտրոնական բանկի կողմից լիցենզիա ստացած կազմակերպությունները։ Զեղծարարություններից և  ֆինանսական կորուստներից խուսափելու նպատակով քաղաքացիներին հորդորում ենք օգտվել բացառապես Կենտրոնական բանկի կողմից լիցենզավորված ֆինանսական կազմակերպություններից, որոնց ցանկը և կոնտակտային տվյալները ներկայացված են Կենտրոնական բանկի պաշտոնական ինտերնետային կայքի…

2026 թվականից դրսեկության ձևով (էքստեռն) ավարտական (հիմնական կրթության վկայական ստանալու համար) և պետական ավարտական (միջնակարգ կրթության ատեստատ ստանալու համար) քննությունների դիմումների ընդունումը կիրականացվի միայն էլեկտրոնային եղանակով՝ Կրթության կառավարման տեղեկատվական համակարգում այդ նպատակով ստեղծված հարթակի միջոցով: Էքստեռն քննությունների անցկացման համար նախատեսված էլեկտրոնային հայտագրման համակարգը բաց է. հայտագրման վերաբերյալ մանրամասն տեղեկատվությունը և հաջորդական քայլերը ներկայացված են ուղեցույցում: Դիմորդները կարող են հայտերը ներկայացնել առցանց՝ մինչև 2026 թվականի հունվարի 30-ը ներառյալ: Հիշեցնենք՝ 2026 թվականի 1-ին քննաշրջանի դրսեկության ձևով (էքստեռն)…

Ադրբեջանական գերությունից հայրենիք վերադարձած Գևորգ Սուջյանը «Ֆեյսբուք»-ի իր էջում 2 գրառում է կատարել: «Ես ձեզ չեմ լքել, տղանե՛ր, հոգիս թողել եմ ձեզ հետ։ Քանի դեռ գերության դաժան ճիրաններում եք, ես հանգիստ չեմ ունենալու, երդվում եմ»,- գրառումներից մեկում գրել է Սուջյանը՝ դիմելով Ադրբեջանի բանտերում մնացած հայերին: Մեկ այլ գրառմամբ Սուջյանը կիսվել է ապրումներով ու ապագայի տեսլականով. «Այսօր ես ոտք դրեցի իմ երկրի սուրբ հողին, ու այս օրը իմ համար անգին է։ Ու ես վայելում եմ այս…