Նորություններ

Քրեական ոստիկանության թմրամիջոցների անօրինական շրջանառության դեմ պայքարի վարչության ծառայողները ստացել էին օպերատիվ տեղեկություն, որ Աբովյան քաղաքի մի բնակիչ իրացման նպատակով ձեռք է բերելու մաքսանենգ ճանապարհով Հայաստան ներկրված խոշոր չափերի թմրանյութ։ Տեղեկությունն իրացվեց փետրվարի 11-ին։ Համագործակցելով Կոտայքի մարզի պարեկների հետ՝ քրեական ոստիկանները Երևան-Աշտարակ ավտոճանապարհին ձերբակալեցին 29-ամյա աբովյանցուն և «Օպել» մակնիշի մեքենայով հանդերձ տեղափոխեցին Համայնքային ոստիկանության Դավթաշենի բաժին։ Տղամարդը հայտնեց, որ իր վերցրած թմրամիջոցի փաթեթը մեքենայի մեջ է։ Նախաձեռնվեց քրեական վարույթ, որի շրջանակում «Օպելի» խուզարկությամբ հայտնաբերվեց մեկ…

2025 թվականի ընթացքում ՀՀ մարդու իրավունքների պաշտպանը՝ որպես կանխարգելման ազգային մեխանիզմ, շարունակել է իրականացնել ակտիվ և հետևողական գործունեություն՝ խոշտանգումների և վատ վերաբերմունքի կանխարգելման ուղղությամբ։ Մշտադիտարկումների շրջանակներում չհայտարարված այցեր են իրականացվել Շիրակի մարզի առաջին ատյանի ընդհանուր իրավասության դատարանի Գյումրու և Մարալիկի, Արմավիրի մարզի առաջին ատյանի ընդհանուր իրավասության դատարանի Էջմիածնի և Արմավիրի, ինչպես նաև Տավուշի մարզի առաջին ատյանի ընդհանուր իրավասության դատարանի Իջևանի, Բերդի և Նոյեմբերյանի նստավայրեր։ Իրականացված մշտադիտարկման այցերի ընթացքում ուսումնասիրվել են դատարաններում ազատությունից զրկված անձանց ժամանակավոր…

Փետրվարի 19-ին  Ամենայն հայոց բանաստեղծ Հովհաննես Թումանյանի ծննդյան օրն է, որն ավելի քան 15 տարի Հայաստանում նշվում է նաև որպես Գիրք նվիրելու օր: Տոնի շրջանակում ՀՀ կրթության, գիտության, մշակույթի և սպորտի նախարարությունը Կառավարության նիստի բոլոր մասնակիցներին նվիրել է գրքեր, որոնք տարբեր տարիներին հրատարակվել են պետության աջակցությամբ։ ԿԳՄՍ նախարար Ժաննա Անդրեասյանը տեղեկացրել է, որ պետական աջակցությամբ հրատարակված գրքերի զգալի մասը Հովհաննես Թումանյանի ստեղծագործություններն են. ընդգրկվել են նաև ժամանակակից հայ գրողների աշխատանքներ, ինչպես նաև թարգմանական գրականության նմուշներ։…

Սննդամթերքի անվտանգության տեսչական մարմնի Երևանի կենտրոնի տեսուչները «Սի Ար Էֆ Ռիթեյլ» ՍՊԸ-ին (ապրանքանիշը՝ «Քարֆուր») պատկանող հացաբուլկեղենի, ալրային հրուշակեղենի, կրեմային հրուշակեղենի արտադրամասում (ք․ Երևան, Արշակունյաց պողոտա) իրականացվող ստուգման ընթացքում նմուշառում են կատարել «Կրուասան կրեմով», «Դոնաթ (փքաբլիթ) նուտելայով» և «Նուտելայով տորթ» արտադրատեսակներից և հանձնել լաբորատոր փորձաքննության: Հետազոտության արդյունքում պարզվել է, որ արտադրվել է վտանգավոր սննդամթերք: Այսպես. «Կրուասան կրեմով» արտադրատեսակի նմուշը՝ մեզոֆիլ աէրոբ և ֆակուլտատիվ անաէրոբ մանրէներ (ՄԱՖԱՆՄՔ), աղիքային ցուպիկի խմբի մանրէներ (ԱՑԽՄ), «S.aureus», իսկ «Դոնաթ (փքաբլիթ) նուտելայով»…

Փետրվարի 20-ին Մարդու իրավունքների պաշտպան Անահիտ Մանասյանն աշխատանքային այց է իրականացրել Շիրակի մարզ։ Այցի շրջանակում հանդիպում է տեղի ունեցել Շիրակի մարզպետ Դավիթ Առուշանյանի հետ: Հանդիպմանը մասնակցել են մարզպետի և ՄԻՊ աշխատակազմերի ներկայացուցիչները: Քննարկվել են մարզում մարդու իրավունքների պաշտպանությանն առնչվող խնդիրներ, սոցիալ-տնտեսական հիմնահարցեր, ինչպես նաև ընդգծվել դրանց համակարգային լուծումների կարևորությունը։ Ի թիվս այլնի, անդրադարձ է կատարվել երկրաշարժից տուժած անձանց բնակարանային ապահովմանը և անօթևանության խնդրին, թափառող կենդանիների խնդրին, խոսքի ազատության երաշխավորմանը և ատելության խոսքի տարածման կանխմանը, ինչպես…

ԿԳՄՍ նախարար Ժաննա Անդրեասյանն այսօր ընդունել է ՀՀ-ում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Ալեքսանդրա Քոուլին: Հանդիպմանը մասնակցել են նաև ԿԳՄՍ նախարարի տեղակալ Արթուր Մարտիրոսյանը և Բրիտանական խորհրդի հայաստանյան մասնաճյուղի ղեկավար Ադդէ Հովասափյանը: Ժաննա Անդրեասյանը ողջունել է հյուրերին՝ ընդգծելով Հայաստանի և Միացյալ Թագավորության միջև ձևավորված վստահելի ու կայուն գործընկերությունը՝ համակարգային բարեփոխումների փուլում կարևորելով համագործակցության շարունակականությունը։ Ժաննա Անդրեասյանն առանձնահատուկ ընդգծել է Բրիտանական խորհրդի հայաստանյան գրասենյակի դերակատարությունը՝ այն գնահատելով որպես երկկողմ ծրագրերի…

  Մրցակցության և սպառողների շահերի պաշտպանության հանձնաժողովի ներկայացուցիչները մասնակցել են «Հայաստանում մրցակցության և սպառողների շահերի պաշտպանությունը թվային հարթակների զարգացման համատեքստում» միջոցառմանը, որի շրջանակում քննարկվել են թվային հարթակների միջոցով ոչ կանոնավոր ուղևորափոխադրման ծառայությունների ոլորտի զարգացմանն առնչվող հարցեր։ Միջոցառմանը մասնակցել են պետական պաշտոնյաներ, մասնավոր հատվածի ներկայացուցիչներ, փորձագետներ։ Հիշեցնենք, որ առցանց տաքսիների ոլորտի բարելավման նպատակով Հանձնաժողովը Yandex Go-ի հետ ստեղծել էր աշխատանքային խումբ, որի շրջանակում մինչ այժմ իրականացվել են մի շարք կարևոր աշխատանքներ՝ ուղղված ինչպես վարորդների, այնպես էլ…

ՀՀ կենտրոնական բանկի հունվարի 13-ի խորհրդի որոշմամբ հստակեցվել են վճարահաշվարկային կազմակերպությունների տնտեսական նորմատիվների հաշվարկման կարգը և ապահովագրության (երաշխիքի) կիրառման առանձնահատկությունները: Մասնավորապես՝ Վճարահաշվարկային կազմակերպությունների ընդհանուր կապիտալի կազմը և կառուցվածքը համապատասխանեցվել են միջազգային պրակտիկայում առկա մոտեցումներին: Հստակեցվել է հիմնական կապիտալի հաշվարկում չբաշխված շահույթի/վնասի ներառման կարգը, ինչպես նաև նախատեսվել են կապիտալի հաշվարկից նվազեցումներ այլ անձանց կանոնադրական կապիտալում ներդրումների մասով: Սահմանվել է, որ վճարահաշվարկային կազմակերպության առաջին մակարդակի հիմնական կապիտալի մեծությունը նվազեցվում է. ոչ նյութական ակտիվների հաշվեկշռային արժեքի չափով, բացառությամբ՝…

Փետրվարի 19-ին Հայաստանի որոշ շրջաններում սպասվում են տեղումներ, գիշերը լեռներում՝ ձյուն, ցերեկը՝ ձնախառն անձրև, նախալեռներում և հովիտներում՝ անձրև։ Օդերևութաբանները նաև կանխատեսում են հարավարևմտյան քամիների ուժգնացում՝ տեղ-տեղ մինչև 14-18 մ/վրկ արագությամբ, լեռներում՝ ձնաբուք և ցածր տեսանելիություն։ Հաջորդ երկու օրերի ընթացքում ջերմաստիճանը աստիճանաբար կնվազի 4-5 աստիճանով, իսկ Լոռու, Տավուշի և Սյունիքի մարզերում՝ 7-10 աստիճանով։ Ինչպես հայտնել են ՀՊԾ-ից, գիշերը և կեսօրին Երևանում սպասվում են կարճատև անձրևներ։ Մայրաքաղաքում գիշերը ջերմաստիճանը կհասնի +6-ից +8 աստիճանի, իսկ վաղը կեսօրին՝ +14-ից +16…

Ռեշտ-Աստարա երկաթուղային նախագծի գործնական իրականացումը, որը Հյուսիս-Հարավ միջազգային տրանսպորտային միջանցքի մաս է կազմում, կսկսվի 2026 թվականի ապրիլի 1-ին։ Այս մասին լրագրողներին հայտարարել է Ռուսաստանի էներգետիկայի նախարար Սերգեյ Ցիվիլևը՝ Ռուսաստանի և Իրանի միջև առևտրատնտեսական համագործակցության միջկառավարական հանձնաժողովի նիստի շրջանակներում։ Էներգետիկայի նախարարի խոսքով՝ կողմերին հաջողվել է լուծել նախագծի մեկնարկը խոչընդոտող բոլոր վիճելի հարցերը։ «Հյուսիս-Հարավ միջանցքը ոչ միայն էներգետիկ միջանցք է, այլև տրանսպորտային։ Ռեշտ-Աստարա երկաթուղային գծի կառուցումը կապված է դրա հետ։ Մենք լուծել ենք նախկինում չլուծված գրեթե բոլոր…