Քաղաքականություն

Telegram-ի համահիմնադիր Պավել Դուրովին ուղղված հարցեր Ռուսաստանն էլ ուներ, բայց այստեղ նրան ոչ ոք չի ձերբակալել։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը «Մոսկվա. Կրեմլ. Պուտին» ծրագրի հարցազրույցում, որից մի դրվագ լրագրող Պավել Զարուբինը հրապարակել է իր թելեգրամ-ալիքում, տեղեկացրել է ՏԱՍՍ-ը։ Զարուբինը Պեսկովին հարց է տվել, թե արդյոք Կրեմլն ասելու բան ունի եվրոպացի քաղաքական գործիչներին, որոնք Ռուսաստանում Դուրովին ձերբակալելու դեպքում կարող էին բավական կոշտ արձագանքել։ «Ոչ, ես նրանց բնավ ասելու բան չունեմ,-…

Ադրբեջանը քննադատում է, որ Հայաստանը Ֆրանսիայի, Հնդկաստանի հետ ունի ռազմատեխնիկական համագործակցություն: Այս մասին, այսօր՝ օգոստոսի 31-ին, Կարեն Դեմիրճյանի անվան մարզահամերգային համալիրում իր ասուլիսի ժամանակ նշեց ՀՀ վարչապետ Նիկոլ Փաշինյանը: «Բայց մենք գիտենք, որ Ադրբեջանը զենք է ձեռք բերում, օրինակ, Իտալիայից: Ինչո՞ւ Ադրբեջանը կարող է զենք ձեռք բերել Իտալիայից, Հայաստանը չի կարող զենք ձեռք բերել Ֆրանսիայից: Ադրբեջանը զենք է ձեռք բերում Պակիստանից: Ինչու Ադրբեջանը կարող է զենք ձեռք բերել Պակիստանից, Հայաստանը չի կարող զենք ձեռք բերել…

Հայ առաքելական եկեղեցու Արցախի թեմը Արցախի Հանրապետության օրվան նվիրված հանդիպում է նախաձեռնել, որի ժամանակ ներկաներն անդրադարձել են Արցախի Հանրապետության 33-ամյա ուղուն, արժևորել անկախությունը, պետականության պահպանումը։ Այս մասին ռեպորտաժ է  պատրաստել առցանց հարթակներում գործող Արցախի հանրային հեռուստաընկերությունը:  Հանդիպման մասնակիցներն ընդգծել են՝ Արցախ վերադարձի երազանքին հասնելու համար համախմբված լինելն այլընտրանք չունի:        

Երևան, Հայաստան (30․08․2024թ․) – Հայաստանի Հանրապետության պետական կառավարման համակարգում սփյուռքահայ մասնագետների «իԳործ» 2023-2024թթ․ շրջափուլի ծրագրի մասնակիցներն ավարտեցին իրենց մեկամյա աշխատանքը:   Հավաստագրերի հանձնման հանդիսավոր արարողությանը ներկա են գտնվել ՀՀ սփյուռքի գործերի գլխավոր հանձնակատարի Զարեհ Սինանյանը, Աշխատանքի և սոցիալական հարցերի նախարար Նարեկ Մկրտչյանը, Բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը, Պաշտպանության նախարարության մամուլի խոսնակ Արամ Թորոսյանը, ԿԳՄՍ բարձրագույն կրթության և գիտության կոմիտեի նախագահի տեղակալ Հարություն Սարգսյանը։   «Այսօր մենք բարի երթ ենք մաղթում «իԳործ» ծրագրի…

Թուրքիայի, Իրաքի, Կատարի և Արաբական Միացյալ Էմիրությունների տրանսպորտի նախարարները հինգշաբթի Ստամբուլում կքննարկեն բազմամիլիարդանոց տարածաշրջանային տրանսպորտային նախագիծը, որն, ըստ թուրքական լրատվամիջոցների՝ նախատեսված է Իրաքով Ասիայից Եվրոպա ապրանքների տեղափոխումը հեշտացնելու համար: Առաջարկվող 20 միլիարդ դոլար արժողությամբ ավտոմայրուղու նախագիծը նպատակ ունի դյուրացնել բեռների փոխադրումը Պարսից ծոցից դեպի Եվրոպա Իրաքի Բասրա քաղաքի հարավային Գրանդ Ֆաու նավահանգստի միջոցով: Նավահանգիստը երկաթուղիների և ճանապարհների ճյուղավորված ցանցի միջոցով կմիանա Թուրքիային, այնուհետև Եվրոպային։ Անցյալ տարի հրապարակված նախաձեռնությունն Իրաքը կվերածի խոշոր տրանսպորտային հանգույցի՝ խթանելով երկրի…

Ուկրաինայի վերաբերյալ բանակցությունների նախադրյալներ ներկա պահին չկան, լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, տեղեկացրել է ՏԱՍՍ-ը։ «Ներկա պահին ավելի քան ակնհայտ է, որ որեւէ նախադրյալ նման բանակցությունների համար չկա»,- ասել է Կրեմլի ներկայացուցիչը։ Միեևնույն ժամանակ, Պեսկովը տեղեկացրել է, որ Հնդկաստանի վարչապետ Նարենդրա Մոդին ՌԴ նախագահ Վլադիմիր Պուտինի հետ հեռախոսազրույցում չի առաջադրել Ուկրաինայի վերաբերյալ խաղաղության նախաձեռնության իր պլանը։        

Արցախի Ազգային Ժողովի նախաձեռնությամբ, այսօր՝ օգոստոսի 28-ին, Արցախի ժողովրդի հավաքական հայրենադարձության և հիմնարար այլ իրավունքների պաշտպանության հանձնախմբի անդամները հանդիպում են ունեցել Արցախի Խորհրդարանի պատգամավորների հետ: Հանդիպմանը մասնակցել են հանձնախմբի աշխատանքները համակարգող, ՀՀ նախկին արտգործնախարար Վարդան Օսկանյանը, անդամներ՝  Արցախի Հանրապետության ՄԻՊ Գեղամ Ստեփանյանը, քաղաքագետ Կարեն Բեքարյանը, ներկա է եղել նաև Արցախի Հանրապետության ԱԳ նախարար Սերգեյ Ղազարյանը: Հանձնախմբի կատարած աշխատանքների մասին զեկույց է ներկայացրել համակարգող Վարդան Օսկանյանը: Կարեն Բեքարյանը ներկայացրել է քարոզչական դաշտում ծավալվող աշխատանքները և կարևորել…

Մոսկվայի դիրքորոշումը Բաքվի և Երևանի միջև կապերն ապաշրջափակելու հարցում ակնհայտ է, քանի որ դա հայտնի է։ Դրա մասին այսօր՝ օգոստոսի 28-ին, ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով այսպես կոչված «Զանգեզուրի միջանցքի» կառուցման գաղափարը և այդ հարցում Իրանի դիրքորոշումը։ «Մենք ելնում ենք նրանից, որ համապատասխան պայմանավորվածությունները ձեռք կբերվեն և կիրականացվեն կողմերի փոխադարձ համաձայնությամբ և փոխընդունելի պայմաններով այնպես, որ կբավարարեն և՛ Ադրբեջանի, և՛ Հայաստանի, ինչպես նաև տարածաշրջանի հարևան երկրների՝ Ռուսաստանի, Իրանի և Թուրքիայի…

ՄԱԿ-ի Անվտանգության խորհուրդը չորեքշաբթի միաձայն քվեարկել է Լիբանանում երկարաժամկետ խաղաղապահ առաքելությունը ևս մեկ տարով երկարաձգելու օգտին, հայտնում է Reuters-ը։ 1978 թվականին ձևավորված ՄԱԿ-ի ժամանակավոր ուժերը Լիբանանում (UNIFIL) պարեկություն են իրականացնում Իսրայելի հետ Լիբանանի հարավային սահմանին: Գործողության մանդատը թարմացվում է ամեն տարի, և դրա գործող թույլտվության ժամկետը լրացել է շաբաթ օրը: Քվեարկությունն անցկացվել է իսրայելա-լիբանանյան սահմանին «Հըզբոլլահ»-ի և իսրայելական զինվորականների միջև ինտենսիվ մարտերից մի քանի օր անց:        

Ադրբեջանի արտաքին գործերի նախարար Ջեյհուն Բայրամովն աշխատանքային այցով մեկնել է Թուրքիա։ Այս մասին տեղեկացրել են Ադրբեջանի ԱԳՆ-ում։ Այցի շրջանակում նախատեսված է Ջեյհուն Բայրամովի հանդիպումը թուրք գործընկերոջ՝ Հաքան Ֆիդանի հետ Անկարայում։ Նախօրեին թուրքական ԶԼՄ-ները տեղեկացրել էին, որ Բայրամովը Թուրքիա մեկօրյա այցի ընթացքում Հաքան Ֆիդանի հետ քննարկելու է խաղաղության գործընթացը Բաքվի եւ Երեւանի միջեւ։ Նախարարները նաեւ քննարկելու են երկկողմ հաչաբերությունները եւ տարածաշրջանային հարցերը, ինչպես նաեւ Անկարայի եւ Երեւանի միջեւ հարաբերությունների կարգավորումը։