«Առաջադեմ Հայաստան» քաղաքացիական նախաձեռնության անդամ Խաչիկ Մնացականյանը կոչով դիմում է ցուցարարներին և ոստիկաններին , որպեսզի զերծ մնան սադրանքներից և բախումների չտանեն մեր ժողովրդին:
Մասնավորապես նրա կոչում ասվում է. « Սիրելի հայրենակիցներ , քույրեր և եղբայրներ մենք ուշադիր հետևում ենք ներքաղաքական զարգացումներին: Սփյուռքի մեր հայրենակիցները նույնպես մտահոգված են հայաստանյան ներքաղաքական զարգացումներով : Ինչ խոսք, որ այսօր մեր երկրում ներքաղաքական լարված իրավիճակ է և մեր երկիրը դժվար ժամանակներ է ապրում. Երեկ խորհրդարանի շենքի դիմաց ցուցարարների նկատմամբ ոստիկանների կողմից հատուկ միջոցներ կիրառելու արդյունքում տուժել են մեր բազմաթիվ համաքաղաքացիներ, սակայն ոստիկանները նույնպես մերն են և անկախ սեռից, տարիքից , զբաղեցրած պաշտոնից և քաղաքական հայացքներից մենք բոլորս նույն ազգից ենք և անկախ այն հանգամանքից , որ այս պահին մեր հայրենակիցների մի զգալի մասը հայրենիքից դուրս են, սակայն սփյուռքում նույնպես անհանգստացած են այս օրերին տիրող իրավիճակից, համացանցում տարածված բռնության տեսարաններից:
Ուստի այս պահի լրջությունը կարևորելով դիմում եմ ձեզ , որպեսզի զերծ մնաք սադրանքներից , բռնությունից ու բախումներից՝ մեր միասնական ու սրտացավ քայլերով ՝ կարող ենք պահպանել խաղաղությունը և կանխել հետագա ողբերգությունները»։
Լրատվություն