ՀՀ կրթության, գիտության, մշակույթի և սպորտի նախարարությունը հայտարարում է «Մեկնարկ» տաղանդի զարգացման նպատակային ծրագրին նոր անդամների ընդգրկման հայտերի ընդունման մեկնարկի մասին:
«Մեկնարկ» տաղանդի զարգացման նպատակային ծրագիրն ուղղված է առավել տաղանդավոր պատանի երաժիշտ-կատարողների (դասական երաժշտական գործիքներ՝ դաշնամուր, ջութակ, թավջութակ) զարգացմանը, կատարելագործմանը և խրախուսմանը` հետագայում միջազգային ասպարեզում հայկական կատարողական արվեստը ներկայացնելու նպատակով:
Ծրագիրն իրականացնում է «Հարմոնիում» երաժշտական զարգացման կենտրոն» հասարակական կազմակերպությունը (գեղարվեստական ղեկավար՝ պրոֆեսոր, դաշնակահար Արմեն Բաբախանյան):
Լսումներին կարող են մասնակցել 9-18 տարեկան երաժիշտ-կատարողներ՝ երեք մասնագիտություններով՝ դաշնամուր, ջութակ և թավջութակ։
Հայտերն ընդունվում են մինչև 2025 թ. փետրվարի 5-ը ներառյալ:
Մասնակցության հայտ կարող են ներկայացնել միայն նոր հավակնորդները։
Անդամների ընտրությունը կկատարվի «Մեկնարկ» տաղանդի զարգացման նպատակային ծրագրում ընդգրկված հայաստանյան առաջատար մասնագետների կողմից՝ լսումների միջոցով:
Լսումները տեղի կունենան 2025 թ. փետրվարի 10-ին Երևանի Կոմիտասի անվան պետական կոնսերվատորիայում:
Մասնակցության համար անհրաժեշտ է ներկայացնել տեսաձայնագրության առցանց հղումը /Youtube, որի տևողությունը պետք է լինի 15 րոպեից ոչ պակաս: Կատարվող ծրագիրը՝ ազատ ոճի ստեղծագործություններ:
Տեսաձայնագրության առցանց հղումը և հայտաձևը (կցված է) անհրաժեշտ է ուղարկել meknark2020@gmail.com էլեկտրոնային հասցեին:
Պատասխան նամակով կտրամադրվի լսումներին ներկայանալու ժամանակացույց: