Ակնկալվում է, որ Իրանը կդիմադրի ՝ բարձր հարստացված ուրանի իր պաշարները երրորդ երկրի, մասնավորապես՝ Ռուսաստանին փոխանցելու՝ Թեհրանի քաղաքացիական միջուկային ծրագիրը սահմանափակելու և միջուկային զենք ստեղծելու համար դրա օգտագործումը կանխելու Վաշինգտոնի ջանքերի շրջանակում Միացյալ Նահանգների առաջարկին, գրում է The Guardian-ը:
Խնդիրը, որը դիտվում է որպես ապագա համաձայնագրի հիմնական խոչընդոտներից մեկը, բարձրացվել է Օմանի Մուսկատ քաղաքում Իրանի արտգործնախարար Աբբաս Արաղչիի և Դոնալդ Թրամփի հատուկ բանագնաց Սթիվ Ուիթքոֆի նախնական բանակցությունների ժամանակ:
Իրանը պնդում է, որ վերջին չորս տարիների ընթացքում կուտակված պաշարները պետք է մնան Իրանում՝ Ատոմային էներգիայի միջազգային գործակալության խիստ վերահսկողության ներքո։ Թեհրանը դա դիտարկում է որպես նախազգուշական միջոց, եթե ԱՄՆ ապագա վարչակազմը դուրս գա գործարքից, ինչպես դա արեց Դոնալդ Թրամփը 2018 թվականին, երբ մերժեց Օբամայի՝ 2015 թվականին միջնորդությամբ կնքված գործարքը: