Ինչպիսի՞ն է Հայաստանում ցորենի ինքնաբավության մակարդակը․ էկոնոմիկայի նախարարության տվյալները

ՀՀ էկոնոմիկայի նախարարության կողմից կատարված օպերատիվ վերլուծության հիման վրա 2021թ․ ցորենի ինքնաբավության մակարդակը կազում է շուրջ 26.4 տոկոս: Այս մասին NEWS.am-ի գրավոր հարցմանն ի պատասխան հայտնում են ՀՀ էկոնոմիկայի նախարարությունից։ 

Միաժամանակ հայտնում ենք, որ համաձայն Վիճակագրական կոմիտեի կողմից հրապարակված տվյալների 2021թ․ հացահատիկային մշակաբույսերի ցանքատարածությունը կազմել է 123 314 հեկտար, որից ցորենինը՝   58 967 հեկտար, իսկ ըստ մարզպետարաններից ստացված օպերատիվ տեղեկատվության 2021թ․ աշնանը կատարվել է շուրջ 53 335 հեկտար մակերեսով աշնանացան ցորենի ցանք։

2021թ․  ՀՀ մարզպետարաններից ստացված օպերատիվ տեղեկատվության համաձայն հացահատիկային մշակաբույսերի համախառն բերքը կազմել է շուրջ 144 055 տոննա (ցորեն, գարի, եգիպտացորեն), որից ցորենինը՝ կազմել է շուրջ 96 262 (աշնանացան ցորեն՝ 94 241 տոննա, իսկ գարնանացան ցորեն՝ 2020,5 տոննա)։