Այսօր խորհրդարանի տնտեսական հարցերի մշտական հանձնաժողովը արտահերթ նիստում երկրորդ ընթերցմամբ քննարկել է ««Ավտոմոբիլային տրանսպորտի մասին» օրենքում փոփոխություններ եւ լրացումներ կատարելու մասին» օրենքի նախագիծը:
Հիմնական զեկուցող, ՀՀ տարածքային կառավարման եւ ենթակառուցվածքների նախարարի տեղակալ Արմեն Սիմոնյանը նշել է, որ առաջարկվում է միասնական երթուղային ցանցերի առանձին երթուղիների ուղեգծերի եւ սխեմաների փոփոխության դեպքում վերանայել փոխադրավարձը, կամ միասնական օպերատորի ընտրության մրցույթով չնախատեսված նոր երթուղիների ձեւավորման դեպքում սահմանել փոխադրավարձն առանց մրցույթի:
Նշվել է, որ փոխադրավարձը կարող է վերանայվել մրցութային հանձնաժողովի ներկայացմամբ եւ հաստատվել երթուղային ցանցը կազմակերպող համապատասխան մարմնի որոշմամբ, իսկ փոխադրավարձի վերանայման պահանջները հաստատում է Կառավարությունը:
Ըստ փոխնախարարի՝ կվերանայվի նաեւ բազմաբնակավայր համայնքների ներհամայնքային կանոնավոր ուղեւորափոխադրումները սպասարկող տրանսպորտային միջոցները հաշմանդամություն ունեցող անձանց հարմարեցվածության պահանջը:
Նշվել է, որ առաջին ընթերցումից հետո ներկայացվել են տեխնիկական բնույթի առաջարկներ, որոնք ընդունվել են:
Հանձնաժողովականները դրական եզրակացություն են տվել լրամշակված օրենքի նախագծին:
Հ.Գ. Հիշեցնենք, որ միասնական երթուղային ցանցերի ներդրման պիլոտային ծրագիրը , որպես այդպիսին դեռևս 2021 թվականին ներդրվեց Կոտայքի մարզում:Կառավարության կողմից հայտարարված մրցույթում հայտ ներկայացրեց մասնակցել հիշյալ մրցույթից ընդամենը 2 ամիս առաջ պետռեգիստրում գրացված ՝ ԲՀԿ նախագահ Գագիկ Ծառուկյանի որդուն ՝ Նվեր Ծառուկյանին 100 % բաժնեմաս պատկանող« Մուլտի տրանսպորտ» ՍՊԸ-ն:Ի դեպ նախկին փոխադրավարձերի համեմատ ընկերությունը մրցույթը շահեց համեմատած բարձր ՝ կախված երթուղուց նվազագույնը շուրջ 150 % և ավելի բարձր գնով, որի հետ կապված եղան դժգոհություններ, բողոքներ և ձևավորվեց քաղաքացիական նախաձեռնող ակտիվ ՀԿ, սակայն դրանից հետո մի նոր մրցույթ հայտարարվեց Արարատի մարզը սպասարկող երթուղու համար և ահա այստեղ ևս կառավարությունը խնդիրներից չկարողացավ խուսափել՝ շուրջ 25 տարի մարզի( երթուղիները) սպասարկող «Լիգա» ՍՊԸ-ն մասնակցելով մրցույթին պահանջված բոլոր նորմատիվ-պահանջներին համապատասխան ՝ ինչպես նշում են ընկերության պատասխանատուները , սակայն մրցույթը շահեց նորելուկ դեռևս չձևավորված ընկերություն, որը ներկայացված փաստաթղթերից բացի ոչինչ չուներ (փոխադրամիջոցներ՝ ավտոբուսներ, ավտոպարկ և այլն) միայն անհավանական ցածր փոխադրավարձ էր առաջարկել փաթեթով և այդ փաստի հիմքով շահեց և մինչ այս պահը պարտավորությունը չկատարեց, « իբր» պետք է 6 ամսվա ընթացքում ավտոբուսներ կներդնի, սակայն երկու անգամ հետաձգված ժամանակացույցն էլ տապալելով խանգարեց մասնակից մյուս ընկերության և քաղաքացիների շահերն ու իրավունքները անկատար թողնելով պարտավորությունները:
Մենք պատրաստվում ենք հարցում ուղարկել ՀՀ ՏԵԿ նախարարություն որոշ հարցերի պարզաբանման նպատակով:
Հոդվածը՝ ԿԱՐԻՆԵ ՍԱՐԳՍՅԱՆԻ