«Սպառողների Ասոցիացիա» ՀԿ-ը՝ «Զրույց » թերթի հետ համատեղ շարունակում են հանդիպումները հայրենական արտադողներին, ծանոթանալով նրանց ձեռքբերումներին և բացթողումներին:Արարատի մարզում ինչպես գիտենք գյուղացիները խաղողի և պտուղ-բանջարեղենի մթերման խնդիրներ ունեն , որի հետ կապված կառավարությունը մի շարք առաջարկություններ և միջոցառումներ է իրականացրել մինչև անգամ սուբսիդավորել է գործարաններին խաղողի մթերման նպատակով, սակայն նախորդ տարիների հետագիծը ցույց տվեց , որ գյուղացիները դժգոհել և բողոքել են որոշ գործարանների տնօրինություններից, ովեքեր ոչ պատշաճ կերպով են իրականացրել, գումարներ են շորթել և տարբեր մեքենայությունների միջոցով գյուղացիներին խաբել:Սակայն այգեգործների հետ մենք ևս ունեցանք հանդիպումներ և այս ֆոնին պարզվեց, որ կան գյուղացիների հետ պատշաճ կերպով աշխատող գործարաններ: Որպեսզի մեր ասածը մերկապարանոց չլինի՝ Արարատի մարզի Նորաշեն, Այգեստան, Մասիս, Ազատավան գյուղական բնակավայրերի մի շարք այգետերերից լսեցինք, որ տարածաշրջանի ամենապատասխանատուն՝ Այգեստանում գործող ՝« Պռոշյանի»կոնյակի և պահածոների գործարանի մասնաճյուղն է՝ ՎԱՐՈՒԺԱՆ ԱՌԱՔԵԼՅԱՆԻ գլխավորությամբ:«Յուրաքանչյուր տարի խաղողի ընդունման պայմանգիր ենք կնքում և հանձնում ենք գործարանին շուկայական գներով, հերթեր չեն գոյանում , որ խաղողը հյութաքամ լինի ու հերթն առաջ տալու համար էլ ուրիշ գործարանների նման փող (կաշառք ) չեն վերցնեն գյուղացիներից: Առաքելյանը շատ ուշադիր է և գյուղացիների կողքին կանգնած , նա իրեն թույլ չի տա , որ անգամ թեթև խնդիրներ առաջացնեն մեր համար:Չնայած, որ այս տարի մյուս գործարանների ձենը չի լսվում խաղողը կը՞նդունեն թե չէ, բայց «Պռոշյանի» գործարանն առաջինն է , որ մեզանից մթերման պայմանգրերը նախորդ տարիների նման կապեց ու այդ մասին կցանկանամ , որ տեղեկանա մեր մարզպետը, կառավարությունը, իսկ մյուս գործարանների տնօրենները թող մեծահոգի լինեն և գյուղացու դրության մեջ մտնեն ,լրացուցիչ խնդիրներ չառաջացնեն փող վերցնելու նպատակով՝ այլ թող Առաքելյանի նման խելացի կերպով կարողանան բերքը մթերել և ժամանակին գումարն էլ վճարեն»,-մեզ հետ զրույցում պատմեց խաղողագործ Հասմիկ Մաթևոսյանը:
Մեր հանդիպումների շրջանակներում հերթական անգամ հանդիպեցինք Արարատի մարզի Այգեստան գյուղում գործող «Պռոշյանի» կոնյակի գործարանի մասնաճյուղի տնօրեն՝ ՎԱՐՈՒԺԱՆ ԱՌԱՔԵԼՅԱՆԻ հետ:Ում հետ զրուցեցինք առաջիկա գործարանի վերազինման, մասնաճյուղի ձեռքբերումների և մթերումների ընթացքի շուրջ:
– Պարոն Առաքելյան , ո՞րն է Ձեր հաջողության գրավականը, որ կարողանում եք գյուղացիների բերքը մթերել և համերաշխ աշխատել նրանց հետ:
-Ա՛յո Ճիշտ նկատեցիք , մթերումը բարդ պրոցես է դարձել մի շարք դրդապատճառներով:Հաշվի առնելով տնտեսական, ոչ շահավետ որոշ փոփոխություններր , աշխարհաքաղաքական այս ֆոնին դրամ-ռուբլի տարադրամի կուրսի փոփոխություններն և այլ հանգամանքներ, սակայն մենք կարողանում ենք մեր գյուղացիների հետ աշխատել հնարավորինս պարզ և պարտաճանաչ, որ մեր գյուղացիների բերքն իրացնելուց բացի , վերազինենք գործարանը նոր և ժամանակակից հոսքագծերեվ, որոնց աշխատանքը կարգավորում է բերքի արագ և առանց կորուստների մթերման գործընթացը, խթանելով հերթականության մթերման նորմալ ընթացքին:
–Ի՞նչ պայմաններով եք խաղողագործների հետ պայամնագրեր կնքում և ե՞րբ է սկսվել այդ գործընթացը:
-Խաղողի մթերման ծավալները 2023 թվականին ճիշտ ժամանակին նախատեսված կարգով գյուղացիների հետ կնքված պայամնագրերի չափով իրականացրեցինք մթերումը:Ընթացիկ տարում խաղողագործների հետ պայմանագրերը սկսել ենք կնքել դեռևս հուլիսի 17-ից սկսած, ակտիվությունը մեծ է օրեկան 30-40 պայմանգիր ենք կնքել:Ինչպես նախորդ տարի այս տարի ևս տեխնիկական խաղողի (սև) տեսակը կիլոգրամն ըստ պայամանագրի ընդունում ենք 120-150 դրամով:Իսկ գյուղացիների դժգոհությունները միշտ էլ եղել են, սակայն դրանք հաճախ լինում են սուբյեկտիվ պատճառներով, բայց ամեն դեպքում մեր գործարանի հետ կապ չեն ունեցել հատկապես այն դժգոհությունները , որոնք վերաբերվում են սակագնին կամ մթերման ծավալներին:Երբևէ գյուղացիների հետ վերոհիշյալ թեմաների հետ կապված խնդիրեր չեն առաջացել և այս տարի ևս սպասվում է խաղողի մթերման և ծավալների անխափան ընդունում և ժամանակին վճարում, կարծում եմ, որ սա մեր ավանդույթը դարձած գործելակերպն է, որն էլ տարածաշրջանում դարձել է մեր հաջողության և առաջընթացի գրավականը:
–Պարոն Առաքելյան Դուք երկար տարիներ ղեկավարում եք գործարանը , ի՞նչ առաջընթաց է նկատվում մասնաճյուղում տեխնիկական վերազինման հետ կապված( ժամանակակից հոսքագծեր):
-Մենք ժամանակի ընթացքում պարբերաբար ըստ անհրաժեշտության վերազինում ենք գործարանը: Այդ տրամաբանության մեջ նախորդ տարի մենք հերթական անգամ ձեռք բերեցինք մեր գործարանի համար խաղողի մթերման համար ժամանակակից եվրոպական ստանդարտներին համապատասխան երեք նոր հոսքագծեր, որը նոր հնարավորություն է տալիս որակյալ կերպով խաղողը մթերելու համար, կորուստները հասցնելով նվազագույնի, իսկ հյութը՝ առանց կորուստների ընդունել գյուղացիներից: Ընթացիկ տարում նոր ձեռքբերումների թիվը չի սահմանափակվում թվարկվածով, այս անգամ ներդրում կատարեցինք նաև կաթիլային ոռոգման համակարգում, որը կապահովի ավելի քան 5 հա. խաղողի նոր այգիների հիմնելու համար ոռոգման ջրի հասանելիություն:Բացի այդ ընդլայնվել է մեր աշխատողների քանակը՝ սեզոնի բնույթով (մթերման և այլ) պայմանավորված ընդունել ենք ավելի քան 20-30 հոգի , ովքեր օրավարձով ստանում են շուրջ 5.000-9.000 դրամ աշխատավարձ, սակայն մեր աշխատանքները նոր աշխատատեղերի ստեղծման հետ կապված ավելի ընդլայներու հեռանկարներ ունենք:
-Ինչպես գիտենք գործարանում մթերվում է նաև բանջարեղենի և արարատյան դաշտի արևահամ մրգերի լայն տեսականի, մթերման պայմաններ են գործել ընթացիկ տարում:
-Այո՛: Դուք ճիշտ նկատեցիք մեր մասնաճյուղը այս տարի «Royal» պահածոների արտադրության նպատակով մայիս –հունիս ամիսներից սկսված գյուղացիներից մթերում է նաև պտուղ –բանջարեղենի լայն տեսականի: Ի դեպ պետք է նշեմ , որ մենք այն ձեռք ենք բերում շուկայական գներով և գյուղացիներին վճարում ենք սահմանված կարգով ճիշտ ժամանակին:Պահածոների արտադրության տեսականին այս ընթացքում ընդլայնվել է տասնյակներով, հաշվի առնելով բանջարեղենային տարատեսակ պահածոների և անուշահամ մրգերից պատրաստվող ջեմերի և մուրաբաների լայն տարբերակաները, նրանք մեծ սպառում են գտել մեր սպառողների շրջանում: Այս ուղղությամբ ևս պետք է արձանագրենք, որ զգալի են մեր հաջողությունները, սակայն զարգացման տեսլականը դրված է մեր առջև և որդեգրած տնտեսական մեր քաղաքականության տրամաբանությամբ գնում ենք այդ ճանապարհով:
Ի դեպ «Պռոշյան»-ի կոնյակի գործարանի արտադրանքը հայտն է տեղական սպառողներին ինչպես նաև մեր սահմաններից դուրս :Բանն այն է, որ գինու և կոնյակի հատընտիր արտադրատեսակները ավանդական ձևով արտադրվում են գործարանում սակայն , այն վերազինվել է ժամանակակից սարքավորումներով, որը կարողացել է շուրջ 30 տարի նոր խոսք ասել արտադրության մեջ քանի–որ գործարանի արտադրամասերը մշտապես վերազինվում են ժամանակակից տեխնոլոգիաներով , համալրվելով լավագույն գինեգործ–վարպետներով, որը խթանել է արտադրության որակի բարձրացմանը և այն պահպանելով լավագույն դիրքը հայկական շուկայում: Խոսելով գործարանի ձեռքբերումների մասով անհնարին է չանդրադառնալ նրա ստեղծման պատմությանը ՝ 1995թվականին ընկերներ Արմեն Գասպարյանն ու Էդուարդ Չոբանյանը ձեռք բերեցին Պռոշյան գյուղում գտնվող, սովետական տարիներից մնացած փոքր գործարան ու այնտեղ հիմնեցին փրփրուն գինիների արտադրություն: Արդեն 2 տարի անց գործարանը բավականին զարգացում էր ապրել՝ ընդլայնելով արտադրվող տեսականին, այդ թվում՝ նռան գինիներ, օղի, շամպայն, կոնյակ: Սկսած 2001թվականից գործարանն սկսում է իր արտադրանքն արտահանել մի շարք երկրներ՝ ԱՄՆ, Ռուսաստան, Բելառուս, Իսրայել, Գերմանիա և այլն:
2006 թվականին Արարատի մարզի Արտաշատի տարածաշրջանում բացվեց Պռոշյանի կոնյակի գործարանի նոր արտադրամասը, որն արդեն երկար տարիներ ղեկավարում է ՎԱՐՈՒԺԱՆ ԱՌԱՔԵԼՅԱՆԸ , ով ամենօրյա իր գործունեությամբ նպաստում և խթանում է գործարանի հիմնադիրների նպատակները , ապահովելով արտադրությունների ճիշտ կազմակերպումը՝ և նրա զարգացման տեսլականը: Նա գյուղացիների հետ միաժամանակ ստեղծել է այնպիսի վստահելի գործընկերային փոխհարաբերություններ , որ վերջիններս ցանկանում են իրենց բերքը հանձնել «Պռոշյանի» մասնաճյուղին, այդ մասին փաստում են գյուղացիների խոսքերն ու գոհունակություններ:
Հարցազրույցը՝ ԿԱՐԻՆԵ ՍԱՐԳՍՅԱՆԻ