Իսրայելի վարչապետ Բենիամին Նեթանյահուն առաջին անգամ հայտարարել է, որ Իսրայելը Սիրիայի նոր իշխանություններին թույլ չի տա Դամասկոսից հարավ ստորաբաժանումներ տեղակայել։ Դրա մասին հայտնում է «Այսօր Իսրայելում» պորտալը։ Նեթանյահուն միաժամանակ պարտավորվել է պաշտպանել սիրիացի դրուզներին, եթե նրանք հարձակման ենթարկվեն: Ավելի վաղ հաղորդվել էր, որ իսրայելական բանակն ուժեղացնում է հակաահաբեկչական գործողությունը Հորդանան գետի հյուսիսում` Ջենինի շրջանում տանկային դիվիզիա տեղակայելով: Սա առաջին դեպքն է, երբ 2002 թվականին «Պաշտպանիչ պատ» գործողությունից հետո տարածաշրջանում զրահատեխնիկա է տեղակայվում:

Ադրբեջանում Հայաստանի հետ սահմանը շարունակում են համառորեն անվանել «պայմանական»։ Ինչպես հայտնել է APA-ն, Ադրբեջանի պաշտպանության նախարար Զաքիր Հասանովի գլխավորությամբ տեղի է ունեցել պաշտպանության նախարարության կոլեգիայի նիստ 2024թ. արդյունքների վերաբերյալ։ Պաշտպանության նախարարը հատկապես ընդգծել է «Ադրբեջանի պաշտպանական հզորության եւ տարածաշրջանի գլոբալ ուժային կենտրոնի վերածվելու կարեւորությունը» եւ, հետեւաբար, հանգամանորեն խոսել է ընթացիկ տարվա բանակաշինության պլանների մասին։ Մասնավորապես, խոսվել է «ադրբեջանական բանակի զինանոցում նորագույն տեխնոլոգիաների հիման վրա ստեղծված ժամանակակից սպառազինության համակարգերի մասին»։ «Վերլուծվել է նաեւ ադրբեջանա-հայկական պայմանական սահմանին առկա օպերատիվ իրավիճակը»։ «Տրվել են համապատասխան հանձնարարականներ՝ պայմանական պետական ​​սահմանին մարտական ​​հերթապահություն կազմակերպելու, անվտանգության կանոնների խստիվ պահպանման, զգոնության բարձրացման, հակառակորդի գործողությունների շարունակական մոնիթորինգն ու վերահսկողությունն առավել ուժեղացնելու ուղղությամբ։ Պաշտպանության նախարարը համապատասխան հանձնարարականներ է տվել պաշտոնատար անձանց՝ հենակետերում եւ մարտական ​​դիրքերում բոլոր տեսակի ռեզերվների ստեղծմանն ուղղված մշտական ​​ուշադրության առումով»,- հայտնել են լրատվամիջոցները։

Աստղագիտության սիրահարներն աննախադեպ հնարավորություն կունենան դիտելու եզակի երկնային երևույթ՝ մեծ մոլորակային շքերթ, որը տեղի կունենա 2025 թվականի փետրվարի 28-ին։ ScienceAlert-ի տվյալներով՝ այդ օրը Արևային համակարգի յոթ մոլորակները միաժամանակ կերևան գիշերային երկնքում։ Ի՞նչ է մոլորակների շքերթը Չնայած գրքերում և ֆիլմերում մոլորակները հաճախ պատկերվում են կատարյալ ուղիղ գծով դասավորված, իրականում դրանք պարզապես տեղակայվում են էկլիպտիկա կոչվող երևակայական հարթության երկայնքով։ Սա տեղի է ունենում, երբ մոլորակները հայտնվում են Արևի նույն կողմում, ստեղծելով այս յուրահատուկ տեսարան։ Մոլորակային շքերթները կարող…

  Լուսիկ Կարապետյան ԱՁ-ին պատկանող հանրային սննդի օբյեկտում իրականացրած կրկնակի ստուգայցի ընթացքում ՀՀ սննդամթերքի անվտանգության տեսչական մարմնի Արարատի մարզային կենտրոնի տեսուչներն անհամապատասխանություններ չեն հայտնաբերել  (Արարատի մարզ, ք․ Մասիս):   ՍԱՏՄ ղեկավարի որոշմամբ՝ հանրային սննդի օբյեկտի արտադրական գործունեության կասեցումը վերացվել է։

  ՀՀ կրթության, գիտության, մշակույթի և սպորտի նախարարության աջակցությամբ և Երևանի Սայաթ-Նովայի անվան երաժշտական դպրոցի նախաձեռնությամբ 2025 թվականի մայիս-հունիս ամիսներին կանցկացվի «Փայտփորիկ» սոլֆեջոյի առաջին հանրապետական օլիմպիադան: Օլիմպիադայի կազմկոմիտեն՝ ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանի ղեկավարությամբ, նախարարությունում կայացած նիստի ընթացքում հաստատել է օլիմպիադայի կանոնակարգը, ինչպես նաև օլիմպիադայի շրջանակում իրականացվող սոլֆեջոյի դասավանդման մեթոդական աշխատանքների մրցույթի կարգը: Առաջին անգամ Հայաստանում իրականացվող ծրագրի շրջանակում ՀՀ-ում գործող երաժշտական և արվեստի դպրոցների սովորողները մրցակցային պայմաններում կներկայացնեն «Սոլֆեջո» առարկայի…

   Պատրաստվեք դիտել անմոռանալի ներկայացում, որտեղ երազանքները իրականություն են դառնում։ Նոր ծրագրում.  Խելահեղ ակրոբատիկա և օդային մարմնամարզություն  Ծիծաղաշարժ ծաղրածուներ և կախարդական պատրանքներ  Ձեռնածություն, ֆրիսթայլ և աներևակայական կերպարանափոխություններ  Ազատ մետաղալարով քայլող լարախաղաց և այլն։ Դրանից բացի, ձեզ համար հատուկ առաջարկ ենք պատրաստել. 5000դր և ավելի տոմս գնելու դեպքում ստանում եք նվեր՝ տոմս դեպի DinoPark։  Ներկայացումները տեղի են ունենում ամեն շաբաթ և կիրակի՝ ժամը 17:00-ին:  Հասցե՝ Հաղթանակի զբոսայգի («Մայր Հայաստան» հուշարձանի մոտ)  Տոմսերի համար՝ +374 93 66…

Կրթության, գիտության, մշակույթի և սպորտի նախարարությունը շրջաբերական գրությամբ դիմել է Երևանի քաղաքապետարանին և ՀՀ մարզպետարաններին՝ առաջարկելով իրենց ենթակայության տակ գտնվող հանրակրթական դպրոցներին հանձնարարել  ավարտական դասարաններում կազմակերպվող «Վերջին դաս» միջոցառումներն անցկացնել մշակութային կրթության տարվա շրջանակում: Գրության մեջ նշվում է, որ 2024-2025 ուսումնական տարին հայտարարվել է մշակութային կրթության տարի, և այդ համատեքստում ակնկալվում է, որ դպրոցներում «Վերջին դաս» միջոցառումները կկազմակերպվեն կրթամշակութային բովանդակությամբ: Մշակութային վերջին զանգի կազմակերպումը խրախուսելու նպատակով նախարարության կողմից նախատեսվում է նաև մրցույթի անցկացում. կձևավորվի ժյուրի,…

Քրեական ոստիկանության Արմավիրի մարզային վարչության ծառայողները ստացել էին օպերատիվ տեղեկություն, որ մարզի Զարթոնք գյուղից Արևիկ տանող ճանապարհին, առանց ընդերքօգտագործման իրավունքի թույլտվության, սահմանափակ պատասխանատվությամբ մի ընկերության ղեկավարներ կազմակերպել են ավազակոպճագլաքարային խառնուդի արդյունահանում: Փետրվարի 11-ին կատարված ստուգմամբ օպերատիվ տեղեկությունը հաստատվել է: Տարածքում կար մեծ քանակի ավազակոպճագլաքարային խառնուրդ, աշխատում էր էքսկավատոր, կային ավազով բեռնված բեռնատարներ, ավազի լվացման կետ: Կազմված փաստաթղթերն ուղարկվել են Արմավիրի մարզային քննչական վարչություն, որտեղ նախաձեռնվել է քրեական վարույթ: Հանգամանքները պարզվում են: `Ծանուցում. Ենթադրյալ հանցանքի մեջ…