Թուրքիայում մեծ աղմուկ է բարձրացրել Թուրքիայի նախագահի Ռեջեփ Թայիփ Էրդողանի ապտակը տղա երեխային։ Թուրքական Cumhuriyet-ի փոխանցմամբ Ռիզեում մի միջոցառման ժամանակ Թուրքիայի նախագահը թեթեւ ապտակ է հասցրել իր ձեռքը համբուրելուց հրաժարված երեխային։ Այնուհետ երեխան համբուրել է ձեռքը։

Ադրբեջանի Երիտասարդության և սպորտի նախարարությունը և ազգային օլիմպիական կոմիտեն նամակ են հղել Միջազգային օլիմպիական կոմիտեին (ՄՕԿ)՝ բողոքելով «հակաադրբեջանական սադրանքից»։ Այս դեմարշի առիթը Օլիմպիական խաղերի հեռարձակման հաղորդավարի` Սենայով օլիմպիական թիմերի շքերթում հայ մարզիկների անցնելու ժամանակ Հայաստանին ուղղված բարեկամական արտահայտությունն է եղել։ «Անկասկած, հայերը մեր բարեկամներն են, և Հայաստանը պատմականորեն ֆրանսիացիներին հոգեհարազատ երկիր է։ Անցյալ տարին Հայաստանի համար սգո տարի էր և հանգեցրեց Ղարաբաղի կորստին, որն անցավ ադրբեջանական բանակի ձեռքը»,- ֆրանսիացի հաղորդավարի խոսքն են մեջբերում ադրբեջանական լրատվամիջոցները։…

Եվրոպական միության հետ կապեր, Եվրոպական միության ու Հայաստանի Հանրապետության միջեւ Համապարփակ եւ ընդլայնված գործընկերության համաձայնագրի իրագործման հետ կապված հարցեր, ԵՄ իրավական ակտերին Հայաստանի Հանրապետության օրենքների մոտարկում եւ այդ ոլորտները կարգավորող օրենքներ: Սրանք Ազգային ժողովի եվրոպական ինտեգրման հարցերի մշտական հանձնաժողովի գործունեության ոլորտներն են։ Այս մասին հայտնում են ԱԺ-ից։ «Հանձնաժողովն ԱԺ 8-րդ գումարման 7-րդ նստաշրջանի ընթացքում գումարել է 2 հերթական եւ 3 արտահերթ նիստ։ Արման Եղոյանն ամփոփել է իր գլխավորած հանձնաժողովի կատարած աշխատանքը»,-նշված է հաղորդագրության մեջ:

Գիտնականները պարզել են, որ բերանի խոռոչի մանրէների տարածված տեսակը կարող է քաղցկեղի որոշ տեսակների «հալվելու» պատճառ դառնալ, գրում է The Guardian-ը։ Գայի, Սենտ Թոմասի և Լոնդոնի թագավորական քոլեջների գիտնականները հայտարարել են, որ իրենք «խիստ զարմացել են»՝ պարզելով, որ ֆուզոբակտերիան, որը սովորաբար հայտնաբերվում է բերանի խոռոչում, օժտված է քաղցկեղի որոշ տեսակներ սպանելու հատկությամբ։ Ըստ հետազոտության, գլխի և պարանոցի քաղցկեղ ունեցող մարդիկ, որոնց քաղցկեղի բջիջներում հայտնաբերվել են այս բակտերիաները, բուժման շատ ավելի լավ արդյունքներ են ունեցել: Այժմ,…

Հանրապետության տարածքում` հուլիսի 28-ի  ցերեկը, 29-ի գիշերը ժամանակ առ ժամանակ շրջանների զգալի մասում սպասվում է անձրև և ամպրոպ, առանձին հատվածներում՝ հորդառատ, հնարավոր է նաև կարկուտ։ Հուլիսի 29-ի և 31-ի ցերեկը, oգոստոսի 1-2-ին առանձին շրջաններում սպասվում է կարճատև անձրև և ամպրոպ։ Հուլիսի  30-ին, 31-ի գիշերը սպասվում է առանց տեղումների եղանակ։ Քամին՝ հյուսիսային՝ 3-6մ/վ, ամպրոպի ժամանակ սպասվում է քամու ուժգնացում` 18-23մ/վ արագությամբ: Երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 17-20մ/վ արագությամբ։ Օդի ջերմաստիճանը…

Իսրայելի վարչապետ Բենիամին Նաթանյահուն անվտանգության կաբինետի նիստ է հրավիրել,մ որպեսզի որոշում ընդունի երեկ ֆուտբոլային դաշտում 12 երեխայի մահվան պատճառ դարձած հրթիռային հարձակմանը Իսրայելի պատասխանի մասին, հայտնում է Times of Israel-ը։ Տարբեր պաշտոնյաներ ենթադրել են, որ ակնկալվում է, որ կառավարությունը հավանություն կտա  լայնածավալ պատասխան քայլերին, թեև դրանց ծավալը դեռ պետք է պարզել: Հարց է առաջացել նաև, թե արդյո՞ք դա կհանգեցնի լիբանանյան շարժման հետ լայնածավալ պատերազմի։ Իսրայելի վարչապետի գրասենյակը լուսանկարներ է հրապարակել անվտանգության կաբինետի նիստից։ Դատելով լուսանկարներից՝…

    ՆԳՆ փրկարար ծառայության տնօրեն-ներքին գործերի նախարարի տեղակալ, փ/ծ գեներալ-մայոր Կամո Ցուցուլյանը հուլիսի 25-ին այցելել է Կոտայքի մարզի Մեղրաձոր բնակավայրում կառուցվող կամավորական հրշեջ-փրկարարական հենակետ։ Կառույցի մեկնարկը տրվել է մարտ ամսին` ՆԳՆ փրկարար ծառայության, Հայաստանում Ճապոնիայի դեսպանատան, Կոտայքի մարզպետարանի և «Տնտեսական լրագրողների ակումբ» հասարակական կազմակերպության համատեղ ջանքերով՝ «Մարդկային անվտանգության» դրամաշնորհային աջակցության շրջանակներում: Փրկարար ծառայության տնօրենը տեղում հետևել է շինարարական աշխատանքներին, տվել համապատասխան ցուցումներ: Նա կարևորել է հրշեջ-փրկարարական հենակետերի գործունեության արդյունավետությունը, ինչի շնորհիվ կրճատվում է արձագանքման…

ՀՀ ՍԱՏՄ-ից հորդորում են , որոշակի շրջանակների կողմից շրջանառվող այն պնդումը, թե՝ «հայկական կողմը խոչընդոտում է դեպի ՌԴ գյուղմթերքի արտահանումը…», բացարձակ ապատեղեկատվություն է և չի համապատասխանում իրականությանը։ ՀՀ սննդամթերքի անվտանգության տեսչական մարմինը ոչ թե մեկ շաբաթ, այլ ընդհանրապես, որպես իր գործառույթ, վերահսկողություն է իրականացնում Հայաստանից արտահանվող բուսասանիտարական ենթահսկման արտադրանքի՝ պտուղ-բանջարեղենի, նկատմամբ՝ նմուշառում կատարելով արտահանվող յուրաքանչյուր խմբաքանակից և ներկայացնելով լաբորատոր փորձաքննության՝ կարանտին վնասակար օրգանիզմներով վարակվածությունը պարզելու նպատակով։ Տեղեկացնենք, որ հաշվի առնելով արտահանվող բեռների սեզոնային ակտիվությունը` ՍԱՏՄ…

Ըստ ոստիկանության օպերատիվ հաղորդագրությունների ամփոփագրերի՝ հուլիսի 25-26-ը ՆԳՆ ոստիկանության ստորաբաժանումները բացահայտել են հանցագործության 124 դեպք, որից 4-ը՝ նախկինում կատարված: Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու՝ 36, խարդախության և թմրանյութի հայտնաբերման՝ 10-ական, ֆիզիկական ներգործության՝ 9, անձնական ունեցվածքի գողության՝ 8, մարմնական վնասվածք պատճառելու ու հոգեկան ներգործության՝ 6-ական, 4 շենքերի կամ շինությունների կառուցումը կասեցնելու ուղղությամբ օրենքով սահմանված կարգով միջոցներ չձեռնարկելու՝ 4, սեքսուալ բնույթի բռնի գործողությունների,…

Ռուսաստանում ծնելիության գործակիցը ցածր մակարդակի վրա է՝ 1,4։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, տեղեկացնում է РБК-ն։ Ըստ Պեսկովի, այս ցուցանիշը «աղետալի» է ազգի ապագայի համար։ «Մենք ապրում ենք աշխարհի ամենամեծ երկրում։ Իսկ մենք տարեցտարի ավելի քիչ ենք դառնում։ Սա հնարավոր է հաղթահարել միայն ծնելիության միջին մակարդակի բարձրացմամբ»,- ասել է նա: Այժմ Ռուսաստանում ծնելիության գործակիցը 1,4 է, ինչը համեմատելի է եվրոպական երկրների և Ճապոնիայի հետ, կարծում է նախագահի մամուլի քարտուղարը։ Նա…