«Հանրակրթության մասին» օրենքի 38-րդ հոդվածի 5-րդ մասի պահանջով մասնագիտական գործունեությունը դադարեցրած բարձրագույն կրթություն չունեցող մանկավարժները բակալավրի կրթական աստիճանով մանկավարժի որակավորում ստանալու համար պետք է դիմեն մանկավարժական որակավորում շնորհող բարձրագույն ուսումնական հաստատություն՝ համապատասխան կուրսում ուսումնառելու կամ շարունակելու ուսումնառությունը՝ այն ընդհատված լինելու դեպքում։ ԿԳՄՍՆ-ից  հայտնում են, որ նախընտրած բարձրագույն ուսումնական հաստատություն (ընդունող հանձնաժողովին) դիմում-հայտեր ներկայացնելու ժամկետն է 2024 թվականի մայիսի 23-ից մինչև հուլիսի 23-ը (աշխատանքային օրերին): Պահանջվող փաստաթղթերի փաթեթը ներառում է՝ 1) դիմում` ուղղված բուհի ռեկտորին. 2) միջին…

Եվրամիությունը մտադիր է սահմանափակումներ մտցնել Բելառուսի հանդեպ, որոնք վերաբերելու են երկակի նշնակության ապրանքների եւ տեխնոլոգիաների արտահանմանը, նպատակ ունենալով խստացնել պատժամիջոցները Ռուսաստանի դեմ։ Այս մասին տեղեկացրել է Financial Times (FT) թերթը, որը ծանոթացել է Բրյուսելի համապատասխան փաստաթղթի նախագծին։ Ըստ պարբերականի՝ ԵՄ-ը ծրագրում է «արգելել Բելառուս եւ նրա միջոցով՝ տեխնոլոգիաների եւ ապրանքների արտահանումը, որոնք կարող են օգտագործվել ռազմական նպատակներով։ ԵՄ-ը նաեւ «կդադարեցնի Բելառուսից ադամանդների ներկրումը», որը կհաջորդի G7-ի երկրների կողմից Ռուսաստանում արդյունահանված կամ մշակված թանկարժեք քարերի ներմուծման…

Մայիսի 24-ին հանրապետության ողջ տարածքում սպասվում են անձրեւներ եւ ամպրոպ, տեղ-տեղ՝ ինտենսիվ, հնարավոր է կարկուտ։ Օդերեւութաբաններրը կանխատեսում են հարավարեւմտյան քամու ուժգնացում՝ 18-23 մ/վրկ։ Օդի ջերմաստիճանը առաջիկա 2 օրերին ցերեկային ժամերին աստիճանաբար կիջնի 4-6 աստիճանով, նորից կբարձրանա միայն հաջորդ շաբաթվա սկզբին։ Ինչպես  տեղեկացնում է  «Հայպետհիդրոմետում», Երեւանում ժամանակ առ ժամանակ սպասվում են անձրեւներ եւ ամպրոպ, տեղ-տեղ՝ ինտենսիվ, հնարավոր է կարկուտ։ Քամին կուժգնանա՝ 16-20 մ/վրկ։ Առաջիկա գիշեր մայրաքաղաքում կլինի +13+15, վաղը ցերեկը՝ +19+21։ Օդի ջերմաստիճանը մարզերում. Շիրակում գիշերը՝ +4+9,…

ԱՄՆ դոլարի փոխարժեքն այսօր՝ մայիսի 23-ին, կազմել է 387.58 դրամ՝ նախորդ օրվա համեմատ նվազելով 0.79 դրամով: Այդ մասին տեղեկանում ենք Կենտրոնական բանկի պաշտոնական կայքից։ Եվրոյի փոխարժեքը կազմել է 420.29 դրամ (նվազել է 0.59 դրամով), բրիտանական ֆունտի փոխարժեքը կազմել է 493.16 դրամ (նվազել է 1.08 դրամով), իսկ ռուսական ռուբլու փոխարժեքը կազմել է 4.29 դրամ (նվազել է 0.02 դրամով): Հայաստանյան բանկերում դոլարը գնվում է 384-386  դրամով, վաճառվում է 390-392 դրամով: Եվրոն բանկերում գնվում է 410-416 դրամով, վաճառվում…

Քաղաքաշինության կոմիտեի նախաձեռնությամբ Հայաստան է եկել Միավորված ազգերի կազմակերպության եվրոպական տնտեսական հանձնաժողովի փորձագետների պատվիրակությունը։ Կոմիտեից   հայտնում են, որ միջազգային փորձագետներն ուսումնասիրում են քաղաքաշինության, հողային ռեսուրսների կառավարման, տարածքային համաչափ զարգացման և բնակարանաշինության խնդիրները և այդ ոլորտների զարգացման հնարավորությունները։ Հետազոտական աշխատանքների արդյունքներով Քաղաքաշինության կոմիտեի հետ համագործակցությամբ մշակվում է «Հայաստանի Հանրապետության քաղաքաշինության, բնակարանային տնտեսության և հողային ռեսուրսների կառավարման վերաբերյալ երկրի նկարագիր» փաստաթուղթը։ Այդ նպատակով Քաղաքաշինության կոմիտեն կազմակերպել է պատվիրակության հանդիպումները պետական մարմինների, տեղական ինքնակառավարման մարմինների և մասնավոր հատվածի…

«Երևանի ավտոբուս» ՓԲԸ-ին անհրաժեշտ են են «Դ» կարգի վարորդական իրավունք ունեցող վարորդներ՝ սպասվող «Ժոնգ Թոնգ» մակնիշի 171 ավտոբուսները վարելու համար: Այս մասին  տեղեկանում է երեւանի քաղաքապետարանը: «Աշխատանքային պայմաններին  ծանոթանալու համար անհրաժեշտ է դիմել «Երևանի ավտոբուս» ՓԲԸ, հասցե՝ ք. Երևան, Թևոսյան 9, յուրաքանչյուր երկուշաբթի՝ ժամը 10:00-15:00-ն»,-ասված է հաղորդագրության մեջ:

Հայաստանում հարկատուների կողմից ճիշտ չներկայացված տեղեկությունների համար նախատեսվում է վարչական պատասխանատվություն։ Այս մասին Ազգային ժողովում, Վարչական իրավախախտումների մասին օրենսգրքում փոփոխություններ եւ լրացումներ կատարելու մասին օրինագծերի քննարկման ժամանակ, մայիսի 22-ին ասել է Պետեկամուտների կոմիտեի փոխնախագահ Արթուր Մանուկյանը։ Կառավարությունը, մասնավորապես, առաջարկում է մտցնել վարչական պատասխանատվություն ոչ ճիշտ կամ ոչ ստույգ տեղեկատվական աղյուսակներ լրացնելու համար, որոնք ուղիղ կապ չունեն հարկերի հաշվարկման հետ, բայց էական նշանակություն ունեն վերլուծական աշխատանքի համար, որը կատարում են հարկային մարմինները։ Սպասվում է, որ այս…

Փարաքար համայնքի «Ապրելու երկիր» խմբակցությունը երեկ նախաձեռնել էր համայնքի ղեկավարի իմպիչմենթի գործընթաց։ Այս մասին Facebook-ի իր էջում գրել է «Ապրելու երկիր» կուսակցության համահիմնադիր Մեսրոպ Առաքելյանը: «Փաստաթղթերը ներկայացնելուց մի քանի ժամ անց համայնքի ղեկավարը հրաժարական տվեց»,- նշել է նա: Ավելի վաղ  հայտնել էր, որ Փարաքար համայնքի ղեկավար Դավիթ Մինասյանը հրաժարական է ներկայացրել՝ հայտարարելով ՔՊ-ական թեկնածուին աջակցելու մասին։ «Հայտարարում եմ, որ ավագանու «Դավիթ Մինասյան» խմբակցության արդեն նախկին անդամ Էմին Երիցյանը խախտել է քաղաքական պայմանավորվածությունը՝ միանալով Փարաքար համայնքի ղեկավարին…

«ԼՈՒՅՍ» հիմնադրամը վերլուծել է 2024թ. առաջին եռամսյակում ՀՀ պետական բյուջեի կատարման հաշվետվությունը։ Այսպես՝ Ռուս-ուկրաինական ռազմական հակամարտության սկզբից ՀՀ տնտեսությունում արձանագրված բարձր տնտեսական ակտիվությունը պահպանվել է նաև 2024թ. առաջին եռամսյակում. տնտեսական ակտիվության ցուցանիշը կազմել է 14.3%։ Նշված բարձր ցուցանիշն առավելապես պայմանավորված է ժամանակավոր և ոչ կայուն երևույթներով, մասնավորապես՝ ոսկերչական գործունեության  ծավալների կտրուկ աճով: Եվ պատկերը, կախված արտաքին, դժվար կանխատեսելի իրավիճակից, կարող է կտրուկ փոխվել (ոսկերչական գործունեության ծավալները կտրուկ նվազել)՝ էական բացասական ազդեցություն թողնելով մակրոտնտեսական ցուցանիշների վրա։…

Գնահատման և թեստավորման կենտրոնի տնօրենի հրամանով հաստատվել է 2024 թվականի 2-րդ՝ հիմնական փուլի միասնական քննությունների ժամանակացույցը. 11 հունիսի` քիմիա, ռուսերեն, 14 հունիսի` օտար լեզուներ, 18 հունիսի` մաթեմատիկա, 21 հունիսի` հայոց լեզու և հայ գրականություն, 25 հունիսի` կենսաբանություն, աշխարհագրություն 28 հունիսի` հայոց պատմություն, ֆիզիկա: