Վարչապետի աշխատակազմի Տեղեկատվության եւ հասարակայնության հետ կապերի վարչությունը պատասխանել է «Արմենպրես»-ի գրավոր հարցերին: Հարց – Պետական սահմանի սահմանազատման հարցերով Հայաստանի եւ Ադրբեջանի հանձնաժողովներն այսօր ունեցած հանդիպումից հետո համատեղ մամլո հաղորդագրություն են տարածել, որում ասվում է, որ նախնական համաձայնեցվել են Հայաստանի Բաղանիս, Ադրբեջանի Բաղանիս-Այրում, Հայաստանի Ոսկեպար, Ադրբեջանի Աշաղը Ասկիպարա, Հայաստանի Կիրանց, Ադրբեջանի Խեյրեմլի, Հայաստանի Բերքաբեր, Ադրբեջանի Կըզըլ Հաջիլի գյուղերի միջեւ սահմանային գծի հատվածներում սահմանի անցումը: Ի՞նչ է սա նշանակում: Պատասխան – Հայտարարությունը նշանակում է, որ երկու հանձնաժողովները քարտեզի վրա…

Թուրքիայի նախագահ Ռեջեփ Թայիփ Էրդողանը հայտարարել է, որ չի կարող ճշմարիտ համարել Իսրայելի և Իրանի հայտարարությունները՝ կապված իրանական տարածքի վրա իսրայելական վերջին հարվածների հետ։ Միաժամանակ, նա մեղադրել է ԱՄՆ-ին Իսրայելին աջակցելու մեջ՝ նշելով, որ Վաշինգտոնից այլ բան չէր սպասում։ «Ներկայումս Իսրայելն ու Իրանը տարբեր բաներ են ասում։ Չկա պատասխանատվություն, չկա բացատրություն: Ելնելով Իրանի հայտարարություններից՝ չի կարելի ասել, որ նա ճշմարտությունն է ասում։ Իսրայելի մասին ընդհանրապես անհնար է ասել »,- Ստամբուլում լրագրողներին ասել է թուրք առաջնորդը։…

Արցախցիների շրջանում իրականացված հարցումների համաձայն՝ հարցվածների շուրջ 65%-ը հայտարարել է, որ ցանկություն չունի արտագաղթելու Հայաստանի Հանրապետությունից, իսկ արտագաղթելու հակված 35%-ի մեծամասնությունը որպես պոտենցիալ հյուրընկալ երկիր տեսնում է Ռուսաստանը։ Այս մասին Facebook-ի իր էջում գրել է Արցախի ՄԻՊ Գեղամ Ստեփանյանը: Նա նաեւ նշել է. «Մեկ այլ կարևոր հանգամանք՝ հարցվածների ուղիղ կեսը դժգոհ է իր ապրելու պայմաններից, և կարծում եմ, որ դա ոչ թե սուբյեկտիվ, այլ օբյեկտիվ դժոգոհություն է, և դա արտագաղթի մտքին հանգեցնող հիմնական գործոնն է։…

Ռուսաստանի և Ադրբեջանի նախագահներ Վլադիմիր Պուտինը և Իլհամ Ալիևը ապրիլի 22-ին կհանդիպեն Մոսկվայում։ Կրեմլի մամուլի ծառայության փոխանցմամբ՝ Ադրբեջանի ղեկավարն աշխատանքային այցով կգտնվի Ռուսաստանի Դաշնությունում։ «Նախատեսվում է դիտարկել ռուս-ադրբեջանական ռազմավարական գործընկերության և դաշնակցային հարաբերությունների հետագա զարգացման առանցքային հարցերը, ինչպես նաև մտքերի հանգամանալից փոխանակում անցկացնել տարածաշրջանային արդի հարցերի շուրջ»,- բանակցությունների թեմաները հայտնում է ՌԴ նախագահի մամուլի ծառայությունը։ Երկու երկրների ղեկավարները կհանդիպեն Բայկալ-Ամուր մայրուղու կառուցման վետերանների հետ, որի շինարարությունը ղեկավարել է Իլհամ Ալիևի հայրը՝ Ադրբեջանի ապագա նախագահ Հեյդար…

Վանաձորի «ՀՈՐՈՎԵԼ» երգի-պարի անսամբլը Հ. Թումանյանի հոբելյանական տարվան նվիրված իր գարնանային համերգաշրջանը կամփոփի Մայիսի 15-ին ժամը 19:00-ին Գ. Սունդուկյանի անվան ազգային ակադեմիական թատրոնի բեմահարթակում՝ մայրաքաղաքի հանդիսատեսին ներկայացնելով ինչպես անսամբլի երգացանկի և պարացանկի լավագույն կատարումները, այնպես էլ ամենայն հայոց բանաստեղծի գրական ստեղծագործությունների հիման վրա բեմադրված «Թումանյանի աշխարհը» պարային ներկայացումը: Այս պարային ներկայացմամբ անսամբլը մոտ մեկ ամիս շրջել է հանրապետության մի շարք սահմանամերձ համայնքներում: Հյուրախաղերը կազմակերպվել են ՀՀ ԿԳՄՍՆ և Ժողովրդական երաժշտության և պարի ազգային կենտրոնի հետ…

ԱՄՆ դոլարի փոխարժեքն այսօր՝ ապրիլի 18-ին, կազմել է 394.07 դրամ՝ նախորդ օրվա համեմատ նվազել է 1.03 դրամով: Այդ մասին տեղեկանում ենք Կենտրոնական բանկի պաշտոնական կայքից։ Եվրոյի փոխարժեքը կազմել է 420.75 դրամ (աճել է 0.36 դրամով), բրիտանական ֆունտի փոխարժեքը կազմել է 491.72 դրամ (նվազել է 0.42 դրամով), իսկ ռուսական ռուբլու փոխարժեքը կազմել է 4.19 դրամ (մնացել է անփոփոխ): Հայաստանյան բանկերում դոլարը գնվում է 388-393 դրամով, վաճառվում է 395-398 դրամով: Եվրոն բանկերում գնվում է 411-417 դրամով, վաճառվում…

Մարդու իրավունքների պաշտպան Անահիտ Մանասյանն ապրիլի 18-ին մասնակցել է Մարդու իրավունքների ազգային հաստատությունների եվրոպական ցանցի (ENNHRI) Կառավարման խորհրդի առցանց նիստին։ Այս մասին  հայտնում են ՄԻՊ աշխատակազմի հանրային կապերի բաժնից: Նշվում է, որ մասնակիցներն անդրադարձ են կատարել ENNHRI-ի՝ Եվրոպայում իրավունքի գերակայության վիճակի վերաբերյալ զեկույցին, ինչպես նաև քննարկել եվրոպական ցանցի կառավարմանն առնչվող մի շարք հարցեր։ Հիշեցնենք, որ 2024 թվականի փետրվարի 7-ին ENNHRI-ի ընդհանուր ժողովի շրջանակներում տեղի ունեցած քվեարկության արդյունքներով Անահիտ Մանասյանն ընտրվել է Մարդու իրավունքների ազգային հաստատությունների եվրոպական…

ՀՀ ԱԳՆ մամուլի խոսնակը պատասխանել է լրատվամիջոցներից ստացված հարցումներին՝ ադրբեջանական մամուլում տեղ գտած լուրերի մասին: Հարց. Լրատվամիջոցներում զանազան կոնսպիրատիվ լուրեր են տարածվում ապրիլի 5-ին Բրյուսելում տեղի ունեցած ՀՀ-ԵՄ-ԱՄՆ բարձր մակարդակի հանդիպման վերաբերյալ, վերջերս էլ ադրբեջանական լրատվամիջոցները հրապարակել են թուղթ, որն իբրև ապրիլի 5-ին համաձայնեցվել է Բրյուսելում: Ի՞նչ կասեք սրա մասին: Պատասխան. Իրականում Բրյուսելյան հանդիպումը Հայաստանի դիմակայունության ու տնտեսության դիվերսիֆիկացիայի մասին էր, ինչի շուրջ անտեղի աղմուկ է ստեղծվել, որը և չի համապատասխանում իրականությանը: Ադրբեջանական լրատվամիջոցներում հրապարակված…

Միացյալ Նահանգների վարչակազմն իր դաշնակիցների և գործընկերների հետ Իրանի դեմ պատժամիջոցներ է սահմանում՝ անցյալ շաբաթվա վերջին Իսրայելի վրա հարձակման համար: Դրա մասին գրավոր հայտարարություն է արել ԱՄՆ նախագահ Ջո Բայդենը։ ԱՄՆ նախագահը նշել է, որ Իրանն Իսրայելի նկատմամբ կատարել է աշխարհի ամենախոշոր հարձակումը՝ հրթիռների և անօդաչու թռչող սարքերի կիրառմամբ: «ԱՄՆ-ն իր դաշնակիցների և գործընկերների հետ միասին պաշտպանեց Իսրայելին։ Մենք օգնեցինք հետ մղել այդ հարձակումը»,-ընդգծել է Բայդենը։ Նա հավելել է, որ Միացյալ Նահանգների դաշնակիցներն ու գործընկերները…

Այսօր առավոտյան ձեր խմած սուրճը կարող է լինել 600 000 տարեկան։ Օգտագործելով ամբողջ աշխարհում սուրճի բույսերի գեները՝ հետազոտողները ստեղծել են աշխարհի ամենահայտնի սորտի՝ Coffea arabica-ի տոհմածառը: Նրանք հայտնաբերել են, որ տեսակը առաջացել է մոտ 600 000 տարի առաջ՝ երկու այլ տեսակի սուրճի բնական խաչաձեւման արդյունքում։ «Այլ կերպ ասած՝ առանց մարդկային որեւէ միջամտության»,-ասել է Բուֆալոյի համալսարանի կենսաբան Վիկտոր Ալբերտը, որին մեջբերում է NYP-ն: Սուրճի այս վայրի բույսերը առաջացել են Եթովպիայում, բայց ենթադրվում է, որ դրանք առաջին…