Կառավարությունն իր այսօրվա՝ մայիսի 23-ի նիստում ՀՀ 2024 թվականի հերթական գյուղատնտեսական համատարած հաշվառման ծրագիրը (հարցաշարը) հաստատելու մասին որոշում կայացրեց: Որոշման հիմնավորման մեջ նշվում է, որ մարդահամարները և  գյուղատնտեսական համատարած հաշվառումներն անցկացվում են առնվազն 10 տարին մեկ: Օրենքի 21-րդ հոդվածի 3-րդ մասում սահմանված է, որ համատարած հաշվառում անցկացնելու մասին որոշումը, որով սահմանվում են համատարած հաշվառման անցկացման ժամկետները, ընդունում է ՀՀ կառավարությունը ոչ ուշ, քան համատարած հաշվառումը սկսելուց երկու տարի առաջ: Ըստ այդմ, Կառավարության որոշմամբ ՀՀ-ում հերթական…

Կառավարությունն իր այսօրվա՝ մայիսի 23-ի նիստում որոշեց ԱԳՆ-ի միջոցներից 5 մլն դրամ հատկացնել ԱԳՆ պետական արարողակարգի ծառայության աշխատակիցների վարձատրությունը լավարկելու նպատակով: Հիմնավորման մեջ նշվում է, որ  պետական արարողակարգի ծառայության բնականոն աշխատանքն իրականացնելու համար անհրաժեշտ են ժամանակակից պահանջներին համապատասխան մրցունակ կադրեր։ Սակայն, ցածր վարձատրությամբ պայմանավորված, խնդիր է առաջանում ինչպես փորձառու կադրերի արտահոսքի, այնպես էլ նոր ռեսուրսների ներգրավման տեսանկյունից:Աշխատանքի ծավալները, պատասխանատվությունը, մասնագիտական հմտությունները, լեզուների իմացության պահանջը չեն համապատասխանում  դրա դիմաց ստացած վարձատրությանը։ Պետական արարողակարգում աշխատանքը պահանջում է…

Հարկ վճարողների կողմից 2024թ. ապրիլ ամսվա համար ներկայացված եկամտային հարկի և սոցիալական վճարի հաշվարկների տվյալներով` եկամուտ ստացող աշխատատեղերի թվաքանակը կազմել է 747 419, ինչը գերազանցել է նախորդ տարվա նույն ամսվա ցուցանիշը` 37 269-ով կամ 5.2%-ով: Այս մասին  հայտնում են ՊԵԿ-ից։

Կառավարության նիստում, այսօր՝ մայիսի 23-ին, ՀՀ գլխավոր դատախազ Աննա Վարդապետյանը ներկայացրեց, թե նախորդ 8 ամիսների ընթացքում ինչ գույքեր են ամրացվել Պետական գույքի կառավարման կոմիտեին։ «Նշեմ, որ ընդհանուր առմամբ մեր երկու բացառիկ լիազորությունների՝ ապօրինի ծագում ունեցող գույքի բռնագանձման և պետական շահերի պաշտպանության գործառույթի շրջանակներում պետությանն արդեն վերադարձվել է 11 մլրդ դրամի գույք և արժույթ։ Ապօրինի ծագում ունեցող գույքի բռնագանձման գործառույթի շրջանակներում Հայաստանի Հանրապետության սեփականությանն է փոխանցվել 7 անշարժ և մեկ շարժական գույք՝ ընդհանուր 4 մլրդ 118…

Հիշո՞ւմ եք,  նման մի երգ կար և դրա մեջ «Իմ սիրելի, գուշակիր ինքներդ» արտահայտությունը: Անկեղծ ասած, ինձ հետաքրքրում է, թե ինչ երկրների մասին էր խոսում Հայաստանի վարչապետը։ Մենք բոլորս պետք է դա պարզենք ինքնե՞րս, թե՞ հետո մեզ կասեն։ Այս մասին մայիսի 23-ին կայացած ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ «Դրանց բարձրաձայնելը միանգամայն տրամաբանական կլինի, եթե խոսքը նման լուրջ հայտարարությունների մասին է։ Սա թողնենք պաշտոնական Երևանին»,- հավելել է նա։ Զախարովան վստահեցրել է, որ…

Թուրքիայի Ապագա կուսակցության առաջնորդ, նախկին վարչապետ Ահմեդ Դավութօղլուն խոսել է Հայաստանի հետ հարաբերությունների կարգավորման անհրաժեշտության մասին։ Թուրքական Milliyet-ի փոխանցմամբ Թուրքիայի նախկին վարչապետ Ահմեդ Դավութօղլուն Թուրքիայի իշխանություններին կոչ է արել կարգավորել դիվանագիտական հարաբերությունները Հայաստանի հետ, երկկողմ դեսպանատներ բացել եւ բացել սահմանները։ Դավութօղլուն պնդել է, որ չպետք է թույլ տալ Մերձավոր Արեւելքում մոլեգնող կրակը հասնի Կովկաս։

Հայաստանի Հանրապետական կուսակցության հիմնադիր հայրերը երկրի սահմանները գծել են դեռ Լեռնային Ղարաբաղի համար մղվող պայքարի եւ ազգային բանակի ձեւավորման շրջանում։ Այս մասին Ազգային ժողովում, ավանդական ճեպազրույցներում, մայիսի 23-ին ասել է ընդդիմադիր պատգամավոր, Հայաստանի Հանրապետական կուսակցության անդամ Հայկ Մամիջանյանը։ Ընդդիմադիր գործչի խոսքով՝ Հայաստանում գործող իշխանությունների ներկայացուցիչների համար պետական սահմանը ընդամենը գիծ է թղթի վրա։ «ՀՀԿ մոտեցումը սահմանազատման հարցին հրապարակվել է մի քանի շաբաթ առաջ կուսակցության գործադիր մարմնի հայտարարության շրջանակում»,- ավելացրել է Մամիջանյանը։ Նա նաեւ անդրադարձել է…

«Հանրակրթության մասին» օրենքի 38-րդ հոդվածի 5-րդ մասի պահանջով մասնագիտական գործունեությունը դադարեցրած բարձրագույն կրթություն չունեցող մանկավարժները բակալավրի կրթական աստիճանով մանկավարժի որակավորում ստանալու համար պետք է դիմեն մանկավարժական որակավորում շնորհող բարձրագույն ուսումնական հաստատություն՝ համապատասխան կուրսում ուսումնառելու կամ շարունակելու ուսումնառությունը՝ այն ընդհատված լինելու դեպքում։ ԿԳՄՍՆ-ից  հայտնում են, որ նախընտրած բարձրագույն ուսումնական հաստատություն (ընդունող հանձնաժողովին) դիմում-հայտեր ներկայացնելու ժամկետն է 2024 թվականի մայիսի 23-ից մինչև հուլիսի 23-ը (աշխատանքային օրերին): Պահանջվող փաստաթղթերի փաթեթը ներառում է՝ 1) դիմում` ուղղված բուհի ռեկտորին. 2) միջին…

Եվրամիությունը մտադիր է սահմանափակումներ մտցնել Բելառուսի հանդեպ, որոնք վերաբերելու են երկակի նշնակության ապրանքների եւ տեխնոլոգիաների արտահանմանը, նպատակ ունենալով խստացնել պատժամիջոցները Ռուսաստանի դեմ։ Այս մասին տեղեկացրել է Financial Times (FT) թերթը, որը ծանոթացել է Բրյուսելի համապատասխան փաստաթղթի նախագծին։ Ըստ պարբերականի՝ ԵՄ-ը ծրագրում է «արգելել Բելառուս եւ նրա միջոցով՝ տեխնոլոգիաների եւ ապրանքների արտահանումը, որոնք կարող են օգտագործվել ռազմական նպատակներով։ ԵՄ-ը նաեւ «կդադարեցնի Բելառուսից ադամանդների ներկրումը», որը կհաջորդի G7-ի երկրների կողմից Ռուսաստանում արդյունահանված կամ մշակված թանկարժեք քարերի ներմուծման…

Մայիսի 24-ին հանրապետության ողջ տարածքում սպասվում են անձրեւներ եւ ամպրոպ, տեղ-տեղ՝ ինտենսիվ, հնարավոր է կարկուտ։ Օդերեւութաբաններրը կանխատեսում են հարավարեւմտյան քամու ուժգնացում՝ 18-23 մ/վրկ։ Օդի ջերմաստիճանը առաջիկա 2 օրերին ցերեկային ժամերին աստիճանաբար կիջնի 4-6 աստիճանով, նորից կբարձրանա միայն հաջորդ շաբաթվա սկզբին։ Ինչպես  տեղեկացնում է  «Հայպետհիդրոմետում», Երեւանում ժամանակ առ ժամանակ սպասվում են անձրեւներ եւ ամպրոպ, տեղ-տեղ՝ ինտենսիվ, հնարավոր է կարկուտ։ Քամին կուժգնանա՝ 16-20 մ/վրկ։ Առաջիկա գիշեր մայրաքաղաքում կլինի +13+15, վաղը ցերեկը՝ +19+21։ Օդի ջերմաստիճանը մարզերում. Շիրակում գիշերը՝ +4+9,…