ՀՀ կենտրոնական բանկը սույն թվականի հունվարի 30-ին հաստատել է «ԼԻԳԱ ԻՆՇՈւՐԱՆՍ» ապահովագրական ընկերության բաժնետոմսերի ձեռքբերումը Գրավե Գրուպի (GRAWE Group) և Ցե-Կվադրատ Ներդրումային Խմբի (C-Quadrat Investment Group) կողմից: Այս գործարքը մեծ հնարավորություն է ստեղծում ապահովագրական ոլորտում որակական առաջընթացի համար՝ սահմանելով նոր ուղենիշեր կորպորատիվ կառավարման, ռիսկերի կառավարման, անդերրայթինգի և վնասների կարգավորման ուղղություններով, ինչպես նաև ձևավորելով կյանքի ապահովագրության ներդրման ու զարգացման կարևոր նախապայմաններ Հայաստանում։ Հեղինակավոր միջազգային ներդրողների մուտքն ապահովագրական շուկա վկայում է Հայաստանի ֆինանսական համակարգի նկատմամբ բարձր վստահության,…

ՆԳՆ Քրեական ոստիկանության գլխավոր և Լոռու մարզային վարչությունների ծառայողները համատեղ ձեռնարկած ծավալուն օպերատիվ-հետախուզական միջոցառումների արդյունքում պարզել են, որ մի խումբ անձինք ստեղծելով հանցավոր խումբ և ձեռք բերելով ապօրինի զենք-զինամթերք՝ նախապատրաստել են սպանություններ, կատարել ավազակային հարձակում և բնակարանային գողություններ: Միջամտելով տարբեր անձանց միջանձնային ու ֆինանսական խնդիրներին՝ դիմել են, այսպես կոչված, քրեական հեղինակության բարձրագույն կարգավիճակ ունեցող անձանց, ինչպես նաև մասնակցել են քրեական ենթամշակույթ կրող խմբավորման հավաքներին ու գործողություններին: Նախաձեռնվել է քրեական վարույթ։ Հանցավոր խմբի անդամներին մեղադրանքներ են…

ՀՀ կրթության, գիտության, մշակույթի և սպորտի նախարար Ժաննա Անդրեասյանն այցելել է Աշոցքի դահուկային կենտրոն՝ հանդիպելու 25-րդ ձմեռային Օլիմպիական խաղերի մասնակից մարզիկներին, ծանոթանալու նախապատրաստական ընթացքին ու մարզումների անցկացման պայմաններին: Նրան ուղեկցել է ԿԳՄՍ նախարարի տեղակալ Հասմիկ Ավագյանը: Աշոցքում մարզվում են Օլիմպիական խաղերում Հայաստանը ներկայացնող դահուկավազորդներ Միքայել Միքայելյանը, Կատյա Գալստյանը, լեռնադահուկորդ Հարություն Հարությունյանը: Գլխավոր մարզիչ Արթուր Միքայելյանը ներկայացրել է մարզումների մանրամասները, մարզիկների առօրյան, մարզաձևում ունեցած նրանց նվաճումները: Նախարար Ժաննա Անդրեասյանը հաջողություն է մաղթել մարզիկներին՝ մասնավորապես նշելով. «Օլիմպիական…

  ԿԳՄՍ նախարարի հրամանով երաշխավորվել է արհեստագործական և միջին մասնագիտական ուսումնական հաստատության ղեկավարման իրավունք (հավաստագիր) ստանալու նպատակով 2026 թվականին վերապատրաստում իրականացնող կազմակերպությունը: Սահմանված մրցույթում հայտ էր ներկայացրել վերապատրաստող երկու կազմակերպություն: Ուսումնասիրելով ներկայացված հայտերը և հաշվի առնելով ԿԳՄՍ նախարարության սահմանած պահանջներին համապատասխանելիությունը` վերապատրաստման դասընթացների իրականացման նպատակով երաշխավորվել է Ուսուցման ազգային հիմնադրամը:

  ՄԻՊ ՀՀ գրասենյակը հայտարարություն է տարածել այն մասին, որ Ի պատասխան լրատվամիջոցների հարցումների՝ տեղեկացնում ենք, որ փետրվարի 3-ին լրագրողի կողմից տեսանյութի հրապարակումից անմիջապես հետո Մարդու իրավունքների պաշտպան Անահիտ Մանասյանի հաձնարարությամբ ՄԻՊ  աշխատակազմում սկսվել է ուսումնասիրություն: Քրեական վարույթ նախաձեռնելու և անձի արարքին քրեաիրավական գնահատական տալու նպատակով նույն օրը համապատասխան գրություն է ուղարկվել ՀՀ գլխավոր դատախազություն: Մարդու իրավունքների պաշտպան Անահիտ Մանասյանը բազմիցս է ընդգծել, որ բռնության ցանկացած դրսևորում  խստորեն անընդունելի և դատապարտելի է։ Յուրաքանչյուր դեպք պետք…

Լուսանկարում պատկերված անձը որոնվում է քրեական վարույթի շրջանակներում։ Նրա ինքնության կամ գտնվելու վայրի մասին տեղեկություն ունեցողներին խնդրում ենք դիմել ոստիկանության Արտաշատի կա՛մ մոտակա բաժին, կա՛մ զանգահարել 1-02 հեռախոսահամարին։ Տեղեկություն հայտնող անձի գաղտնիությունը երաշխավորվում է։ `Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Համայնքային ոստիկանության Արտաշատի բաժնի ծառայողները հունվարի 22-ին ստացել էին օպերատիվ տեղեկություն, որ Վերին Արտաշատ գյուղի բնակիչ 41-ամյա մի տղամարդ Այգեպատ գյուղում վարձակալած տանը զբաղվում է ապօրինի ձեռնարկատիրությամբ՝ շշալցնում և վաճառում է կեղծ խմիչք։ Նույն օրը ոստիկաններն այցելեցին Այգեպատ։ Ընդունելով, որ ոստիկանների տեղեկությունը ճիշտ է‚ 41-ամյա տղամարդը պատրաստակամություն հայտնեց ներկայացնել կեղծ խմիչքն ու կեղծ դրոշմանիշները։ Արարատի մարզային քննչական վարչությունում նախաձեռնվեց քրեական վարույթ, և նույն օրն էլ կատարվեց զննություն։ Հայտնաբերվեց տարբեր տեսակների 227 շիշ օղի, տակառներով կեղծ…

Քրեական ոստիկանության Թմրամիջոցների անօրինական շրջանառության դեմ պայքարի վարչության ծառայողները հերթական օպերատիվ տեղեկությունն իրացրին հունվարի 31-ին։ Ըստ տեղեկության՝ 31-ամյա երկու տղամարդիկ պարբերաբար ձեռք էին բերում և իրացնում խոշոր չափերի տարատեսակ թմրամիջոցներ։ Հունվարի 31-ին՝ ժամը 20․45-ի սահմաններում, մայրաքաղաքի Սիլիկյան թաղամասում, թմրանյութ իրացնելու պահին, քրեական ոստիկանները ձերբակալեցին տղամարդկանց և նրանցից մեկի վարած «ՎԱԶ-2106» մակնիշի մեքենայով հանդերձ տեղափոխեցին Համայնքային ոստիկանության Մաշտոցի բաժին։ Մեքենան տեղափոխվեց պահպանվող հատուկ տարածք և կնիքվեց։ Խուզարկությամբ նրանցից մեկի մոտ հայտնաբերվեց մոխրացած հետքերով կաթուցիչ, իսկ մյուսի…

Ապրիլին Հայկական Ատոմակայանը հինգ ամսով կանջատվի երկրի էլեկտրացանցից։ Այս մասին փետրվարի 3-ին լրագրողների հետ հանդիպման ժամանակ հայտարարել է ՀՀ տարածքային կառավարման և ենթակառուցվածքների նախարար Դավիթ Խուդաթյանը։ Նա հավաստիացրել է, որ էներգահամակարգի այլ հզորությունների հաշվին խնդիրներ չեն առաջանա։ Նախարարը պարզաբանել է, որ արևային կայանների հզորությունն ընդհանուր մասնաբաժնում կազմում է 1100 ՄՎտ, այսինքն՝ ընդհանուրի 15%-ից մի փոքր պակաս։ Նախարարը նաև հավելել է, որ էներգետիկայի ոլորտում Իրանի հետ հաստատված է հիանալի համագործակցություն։ «2025 թվականին մենք կայուն կերպով մատակարարել…

Քաղցկեղի իմունոթերապիայի անցկացումն օրվա առաջին կեսին գրեթե կրկնակի մեծացնում է թոքերի ոչ մանր բջջային քաղցկեղով հիվանդների կյանքի տևողությունը։ Այս եզրակացությանն են եկել Փարիզ-Սակլե համալսարանի գիտնականները։ Հետազոտության արդյունքները հրապարակվել են Nature Medicine (NatMed) ամսագրում։ Հետազոտությանը մասնակցել է 210 պացիենտ, ովքեր ստացել են իմունոթերապիայի և քիմիոթերապիայի համակցված բուժում։ Մասնակիցներին ներարկել են արգելակիչներ՝ պեմբրոլիզումաբ կամ սինտիլիմաբ։ Դրանք դեղամիջոցներ են, որոնք «հանում են արգելակները» իմունային համակարգից և թույլ են տալիս T-բջիջներին հարձակվել ուռուցքի վրա։ Պացիենտների կեսը իմունոթերապիան ստացել է…