ՀՀ կրթության, գիտության, մշակույթի և սպորտի նախարար Ժաննա Անդրեասյանի գլխավորած պատվիրակությունը դեկտեմբերի 10-11-ին աշխատանքային այցով մեկնել է Լեհաստան: Երկօրյա այցի շրջանակում նախատեսված են ԿԳՄՍ նախարարի հանդիպումները Լեհաստանի մշակույթի և ազգային ժառանգության, Գիտության և բարձրագույն կրթության նախարարների, ինչպես նաև այլ պաշտոնյաների հետ: Ժաննա Անդրեասյանը կայցելի մի շարք մշակութային և մարզական հաստատություններ, ինչպես նաև Հայկական մշակույթի և ժառանգության հիմնադրամ: ԿԳՄՍ նախարարը կհանդիպի նաև հայ համայնքի ներկայացուցիչների՝ մշակութային գործիչների և արվեստագետների հետ: Նախարարի գլխավորած պատվիրակության կազմում են ԿԳՄՍ…

Եվրոպական միության անունից ԵՄ բարձր ներկայացուցիչը հայտարարություն է տարածել 2025 թ. Մարդու իրավունքների պաշտպանության օրվա առթիվ: Այս մասին տեղեկացնում են Հայաստանում ԵՄ պատվիրակության մամուլի և տեղեկատվության թիմից: «Ամբողջ աշխարհում յուրաքանչյուր առավոտ իրականացվում են միլիոնավոր փոքր, սակայն հաճախ անտեսանելի գործողություններ, որոնք նպաստում են մարդու իրավունքների պաշտպանությանը: Աղջիկը գնում է դպրոց՝ վստահ լինելով, որ իր համայնքում պաշտպանված է իր անվտանգությունը։ Ուսանողը հետևողականորեն շարունակում է իր ուսումնառությունը անգամ այն պայմաններում, երբ դա կարող է չխրախուսվել կամ նույնիսկ սահմանափակվել։…

Միջազգային հետազոտողների խումբը ներկայացրել է հորմոն-կախյալ կրծքագեղձի քաղցկեղի վաղ փուլի (HR-դրական, HER2-բացասական) բուժման համար նախատեսված Giredestrant նոր հորմոնալ դեղամիջոցի լայնածավալ կլինիկական փորձարկման արդյունքները: The New England Journal of Medicine բժշկագիտական հանդեսում հրապարակված հետազոտությունն արդեն իսկ համարվել է այս ոլորտի ամենակարևոր առաջընթացներից մեկը տասնամյակների ընթացքում: Հետազոտությանը մասնակցել են 4170 բուժառուներ, որոնք ենթարկվել են վիրահատության և, անհրաժեշտության դեպքում, քիմիաթերապիայի: Այնուհետև նրանց նշանակվել է կամ Giredestrant, կամ չորս ստանդարտ հորմոնալ թերապիաներից մեկը, ներառյալ տամոքսիֆենը և արոմատազի ինհիբիտորները: Բուժումը…

ՀՀ վարչապետ Նիկոլ Փաշինյանը Համբուրգում լրագրողներին հայտնեց,  որ ծանոթացել է Ադրբեջանի արտաքին գործերի նախարարության հայտարարությանը Հայաստանի Եվրամիության ռազմավարական օրակարգի հռչակագրի հետ կապված։ «Եւ տեսեք, ես ինչ իրավիճակ եմ տեսնում, որ Ադրբեջանը մի կողմից ասում է «Արեւմտյան Ադրբեջան», մյուս կողմից ասում է․ «Վայ, գրած է Ղարաբաղյան  հայեր» և այլն, և այլն, և այլն։ Ես 2025 թվականի իմ ուղերձում, ներողություն, 2025 թվականի օգոստոսի 18-ին, օգոստոսի 8-ին հաջորդած իմ ուղերձում, ես ասել եմ, որ այդ վերադարձի թեման շատ…

Ռուսաստանի նախագահ Վլադիմիր Պուտինը երկուշաբթի՝ դեկտեմբերի 8-ին, ստորագրել է հրամանագիր, որով քաղաքացիներին կանչում է 2026 թվականի զինվորական հավաքների։ Իրավական տեղեկատվության պորտալում հասանելի փաստաթղթի համաձայն՝ պահեստազորայինները կուղարկվեն ամենամյա պատրաստության, և Ռուսաստանի Դաշնության կառավարությունն ու տարածաշրջանային իշխանությունները պարտավոր են կազմակերպել այն։ Հրամանագիրը, որն ուժի մեջ է մտնում անմիջապես, պարունակում է երկու գաղտնի բաժին՝ «միայն ծառայողական օգտագործման համար» նշումով։ Այս բաժիններում, ենթադրաբար, նշվում է պատրաստության ուղարկվող քաղաքացիների թիվը և պատրաստության ժամկետը։ Ձմռանը զինվորական պատրաստությունը հազվադեպ երևույթ է Ռուսաստանում։…

Հայաստանի տարածքի մեծ մասում դեկտեմբերի 10-ի գիշերը սպասվում են տեղումներ, լեռնային և որոշ նախալեռնային գոտիներում՝ ձյան և թաց ձյան, դաշտավայրերում՝ անձրևի տեսքով, առանձին վայրերում կլինեն ինտենսիվ տեղումներ։ Օրվա մյուս ժամերին դրանք կշարունակվեն միայն առանձին վայրերում։ Առավոտյան ժամերին Արարատյան և Շիրակի դաշտավայրերի ցածրադիր մասերում կդիտվի մառախուղ։ Քամին արևմտյան է՝ 2-5 մ/վ արագությամբ։ Օդի ջերմաստիճանը մինչև շաբաթվա վերջ էապես չի փոխվի։ Ինչպես  հայտնեցին «Հայպետհիդրոմետ»-ից, Երևանում գիշերը սպասվում են անձրևներ, օրվա մյուս ժամերին օդերևութաբանները կանխատեսում են առանց տեղումների…

Դեկտեմբերի 9-ին՝ ժամը 17։00-ի դրությամբ, Սիսիանի տարածաշրջանի «Զանգեր» կոչվող հատվածում, Մեղրու և Վարդենյաց լեռնանցքներում, Գորիսի տարածաշրջանում ձյուն է տեղում։ Այս մասին հայտնում են Ճանապարհային դեպարտամնետից: Վարդենյաց լեռնանցքում խիտ մառախուղ է, տեսանելիությունը՝ 15-30 մետր։ Մասիսի, Բաղրամյանի, Էջմիածնի, Արմավիրի, Թալինի, Արարատի տարածաշրջանների ավտոճանապարհներին մառախուղ է, տեսանելիությունը՝ 80-100 մետր։ ՀՀ միջպետական և հանրապետական նշանակության բոլոր ավտոճանապարհները բաց են։ Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:

Տարբերանշանի հիմքում ընտրվել է Երևանյան կապտաթիթեռը՝ Հայաստանի լեռնաշխարհին բնորոշ կարմիրգրքյան էնդեմիկ տեսակ։ #CoP17-ի վիզուալ ինքնությունը ձևավորված է թիթեռի կենսաշրջանի գաղափարի շուրջ՝ ձու, թրթուր, պատյան և թռիչք, ինչը  նույնականացվում է բնական համակարգերի շարունակականության, բազմազանության ու վերականգնման կարողության հետ։ Թիթեռի ուրվագիծը կազմված է 23 գույնից, որոնք համապատասխանում են Կենսաբազմազանության գլոբալ շրջանակի նպատակներին, ինչպես նաև մեկ հիմնական կապույտ գույնից՝ խորհրդանշելով թիթեռի ինքնությունը։ Գունային կառուցվածքն ընդգծում է համաժողովի հիմնական ուղղվածությունը՝ գործողությունների միջոցով ապահովել բնության կայունությունն ու կենսունակությունը։ #CoP17-ի կարգախոսը՝…

Հայաստանի Հանրապետության Սահմանադրության 100-րդ և «Ազգային ժողովի կանոնակարգ» սահմանադրական օրենքի 41-րդ հոդվածների համաձայն՝ Կառավարության նախաձեռնությամբ 2025 թվականի դեկտեմբերի 16-ին՝ ժամը 11:00-ին, ԱԺ նախագահի որոշմամբ կգումարվի Ազգային ժողովի արտահերթ նիստ՝ նախաձեռնողի սահմանած օրակարգով: Օրակարգում ընդգրկված է 12 հարց։ Այդ մասին  հայտնում են ԱԺ-ից:

  Ամփոփվել է 2025 թվականի «100 գաղափար Հայաստանի համար» նորարարական նախագծերի և գիտատեխնիկական մշակումների երիտասարդական մրցույթը. տեղի է ունեցել հաղթողների պարգևատրման արարողությունը: Հաղթողներին ողջունել և պարգևատրել է ԿԳՄՍ նախարարի տեղակալ Արթուր Մարտիրոսյանը։ Միջոցառմանը մասնակցել են ԳԱԱ նախագահ Աշոտ Սաղյանը, Բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը, Էկոնոմիկայի նախարարի տեղակալ Արման Խոջոյանը, Շրջակա միջավայրի պահպանության նախարարի տեղակալ Արամ Մեյմարյանը, մրցույթին մասնակից երիտասարդներ, գործընկեր կառույցների ներկայացուցիչներ։ Շնորհավորելով հաղթողներին՝ ԿԳՄՍ նախարարի տեղակալ Արթուր Մարտիրոսյանը նշել է՝ «100…