Հարթֆորդշիրի եւ Կենտրոնական Լանքաշիրի համալսարանների գիտնականները պարզել են, որ կեռասի 130 միլիտր նոսրացված Մոնմորանսի հյութը նվազեցնում է աղիների բորբոքման նշանները թեթեւ եւ միջին ծանրության խոցային կոլիտի դեպքում: Հետազոտության արդյունքները հրապարակվել են Life ամսագրում։ Հետազոտությանը մասնակցել է խոցային կոլիտ ունեցող 18-65 տարեկան 35 պացիենտ: Սա քրոնիկական, կրկնվող հիվանդություն է, որը բնութագրվում է հաստ աղիի լորձաթաղանթի բորբոքմամբ: Խոցային կոլիտն ուղեկցվում է մարսողության խանգարումներով, որովայնի ցավով, աղիների կծկման հետ կապված խնդիրներով, սրտխառնոցով եւ հոգնածությամբ։ Կարող են առաջանալ նաեւ էրոզիա եւ խոցեր։ Կամավորները բաժանվել են երկու խմբի։ Առաջին խումբը շաբաթը երկու անգամ խմել է 100 միլիլիտր ջրից եւ 30 միլիլիտր խտացրած Մոնմորանսի կեռասի հյութից պատրաստված ըմպելիք, իսկ երկրորդ խումբը՝ դատարկահաբ։ Միջամտությունն սկսվելուց վեց շաբաթ անց գիտնականներն ուսումնասիրել են մասնակիցների կղանքի նմուշները՝ բորբոքման մակարդակը գնահատելու համար: Պարզվել է, որ հյութի օգտագործումը 40տոկոսով նվազեցրել է աղիքային բորբոքման մարկերների սրությունը թեթեւ եւ միջին ծանրության խոցային կոլիտ ունեցող մարդկանց մոտ: Առաջին խմբի մասնակիցները նույնպես հայտնել են կյանքի որակի բարելավման մասին: Գիտնականները դեռ չեն կարող հստակ ասել, թե ինչն է առաջացնում այս օգտակար ազդեցությունը: Նրանք ենթադրել են, որ կեռասի մեջ առկա թթվային սննդանյութերը, որոնք կոչվում են անտոցիաններ, կարող են հակաօքսիդանտային ազդեցություն ունենալ՝ պաշտպանելով աղիների բջիջները վնասումներից:

Մարտի 5-ին սպասվում է առանց տեղումների եղանակ։ Քամին՝ հյուսիսարեւմտյան, 2-5 մ/վրկ։ Օդի աստիճանական տաքացումը կշարունակվի։ Ինչպես  տեղեկացրել են «Հայպետհիդրոմետում», Երեւանում սպասվում է առանց տեղումների եղանակ։ Առաջիկա գիշեր մայրաքաղաքում կլինի 0-2, վաղը ցերեկը՝ +9+11։ Օդի ջերմաստիճանը մարզերում. Շիրակում գիշերը՝ -8-13, ցերեկը՝ +1+5, Կոտայքի լեռներում գիշերը՝ -6-11, ցերեկը՝ +1+4, Կոտայքի նախալեռներում գիշերը՝ -1-4, ցերեկը՝ +6+9, Սեւանա լճի ավազանում գիշերը՝ -6-10, ցերեկը՝ +2+5, Լոռիում գիշերը՝-3-7, ցերեկը՝ +8+11, Տավուշում գիշերը՝ 0-3, ցերեկը՝ +8+12, Արագածոտնի լեռներում գիշերը՝ -7-11, ցերեկը՝ 0+3, Արագածոտնի…

Պետական եկամուտների կոմիտեն հիշեցնում է, որ ՀՀ կառավարության կողմից հաստատվել է Հայաստանում նույնականացման միջոցներով դրոշմավորման ենթակա մի շարք ապրանքների ցանկը և դրոշմավորման ներդրման ժամկետները։ Մասնավորապես․ 2025 թվականի մարտի 1-ից նույնականացման միջոցներով դրոշմավորվում են թեյը և սուրճը, կենդանական և բուսական յուղերը, ձեթը, պահածոյացված մթերքը, շոկոլադը և կակաո պարունակող սննդամթերքը, մակարոնեղենը, գազավորված և ոչ գազավորված ըմպելիքները, ոչ ալկոհոլային խմիչքները, գարեջուրը և քացախը (ԱՏԳ ԱԱ 0901, 0902, 0903 00 000 0, 2101, 1504, 1505 00, 1506 00 000…

Ադրբեջանի օմբուդսմեն Սաբինա Ալիևան այցելել է Բաքվում ապօրինաբար կալանավորված Արցախի նախկին պետնախարար Ռուբեն Վարդանյանին, ԼՂՀ նախագահներին և այնտեղ ապօրինաբար կալանավորված այլ հայերի, հայտնում են ադրբեջանական լրատվամիջոցները։ Միևնույն ժամանակ, Բաքուն շարունակում է կեղծ պնդել, թե բանտարկյալները հայտնել են «մարդկային» վերաբերմունքի և «խտրականության և դաժան վերաբերմունքի բացակայության մասին»։ Հիշեցնենք, որ Ռուբեն Վարդանյանը փետրվարի 20-ին հացադուլ էր հայտարարել՝ ի նշան ապօրինի դատավարության դեմ բողոքի։ Հաջորդ դատական ​​նիստին՝ փետրվարի 26-ին, նրա ինքնազգացողությունը վատացել է, նիստը հետաձգվել է։ «Իմ հորը…

  ՀՀ սննդամթերքի անվտանգության տեսչական մարմնի ղեկավար Արմեն Դանիելյանը հանդիպել է Առևտրի դյուրացման գլոբալ դաշինքի (GATF) և Միջազգային Մասնավոր Ձեռնարկատիրության Կենտրոնի (CIPE) ներկայացուցիչների հետ։ Հանդիպումն անցկացվել է կառուցողական մթնոլորտում՝ նպատակ ունենալով քննարկել բուսասանիտարական հավաստագրերի թվայնացման հնարավորությունները, ինչպես նաև բուսասանիտարական բեռների արտահանման գործընթացների արդյունավետության բարձրացման ուղիները։ Հանդիպման ընթացքում մասնակիցները ներկայացրել են միջազգային լավագույն փորձն ու նորարարական լուծումները, որոնք կարող են կիրառելի լինել Հայաստանի համար՝ հավաստագրերի տրամադրման գործընթացները պարզեցնելու և առավել թափանցիկ ու հասանելի դարձնելու նպատակով։ Մասնավորապես,…

Դիանա Աբգար այգի Մարտի 8-9 | 10:00-22։00 ք.Երեւան Հարգելի՛ գործընկերներ, Կանանց Միջազգային օրը՝ մարտի 8-9ին սիրով հրավիրում ենք Ձեզ Դիանա Աբգար այգի, մասնակցելու՝ Հայաստանում կայանալիք ամենայուրօրինակ և գարնանային միջոցառմանը՝ “Ծաղիկների և Բույսերի Փառատոն“ին   Գարնանամուտով սկիզբ է դրվում Հայաստանի եզակի փառատոններից մեկը, որն այս տարի կնվիրվի Կանանց միջազգային օրվան    Ամբողջ աշխարհում տարածված ծաղիկների փառատոնը այժմ արդեն տեղի է ունենում Հայաստանում  Տոնական տրամադրությունն ապահովելու համար նախատեսված է ամեն ինչ՝   Այգում այդ օրերին կգործի ծաղիկների,…

Լույս է տեսել պատմաբան–արևելագետ, պատմական գիտությունների թեկնածու Անուշ Հարությունյանի՝ «Ադրբեջան պետության առաջացումը և ադրբեջանցիների էթնոգենեզի խնդիրը» գիրքը։ Մենագրությունը նվիրված է Ադրբեջան պետության առաջացման, ադրբեջանցի ժողովրդի կազմավորման հիմնախնդիրներին։ Աշխատանքում քննարկվել են 19-րդ դարի սկզբից ռուսական տիրապետության հաստատման արդյունքում թյուրքախոս իսլամադավան բնակչության շրջանում սկսված գործընթացները, 1918–1920 թվականների Ադրբեջանի Ժողովրդական Հանրապետության գոյության հանգամանքները ու պայմանները, Ադրբեջանի խորհրդայնացմամբ սկսված զարգացումներին վերաբերող հարցեր։ Մենագրությանը՝ որպես հավելված, կցված են արխիվային մի շարք նորահայտ փաստաթղթեր, որոնք հնարավորություն են տալիս նորովի լուսաբանելու խորհրդային ժամանակաշրջանում ներադրբեջանական…

  Այսօր տեղի է ունեցել հայ մեծանուն գրող Ավետիք Իսահակյանի ծննդյան 150-ամյակի հոբելյանական հանձնաժողովի առաջին նիստը՝ ՀՀ կրթության, գիտության, մշակույթի և սպորտի նախարար Ժաննա Անդրեասյանի  նախագահությամբ: Հանձնաժողովը ձևավորվել է` համաձայն ՀՀ վարչապետի 2025 թ. փետրվարի 18-ի  N 137–Ա որոշման: Հանդիպմանը ներկա են եղել նաև նախարարի տեղակալ Ալֆրեդ Քոչարյանը, գլխավոր քարտուղար Հասմիկ Հակոբյանը, ինչպես նաև Ավետիք Իսահակյանի թոռը՝ գրականագետ, բանասիրական գիտությունների թեկնածու Ավետիք Իսահակյանը, որը ևս հանձնաժողովի անդամ է: Հանձնաժողովի նիստի ընթացքում քննարկվել են Ավետիք Իսահակյանի…

ՀՀ սննդամթերքի անվտանգության տեսչական մարմնի Սյունիքի մարզային կենտրոնի տեսուչները ստուգում են իրականացրել Սամսոն Ավագյան ԱՁ-ին  պատկանող թռչնամսով պատրաստված կիսաֆաբրիկատների արտադրամասում, որի ընթացքում կատարել են ապրանքնատեսակների նմուշառում և հանձնել լաբորատոր հետազոտության: Ըստ լաբորատոր փորձաքննության արդյունքների՝ «hավի կոտլետ» և «կիևյան կոտլետ» նմուշները մանրէաբանական «listeria monocytogenes» և «ախտածին ա/թ սալմոնելաներ» ցուցանիշներով չեն համապատասխանել կանոնակարգերով սահմանված պահանջներին (Սյունիքի մարզ, գ․ Վերիշեն)։ ՍԱՏՄ ղեկավարի որոշմամբ՝ կիսաֆաբրիկատների արտադրամասի արտադրական գործունեությունը կասեցվել է։