Այլ

ԱՄՆ նախագահ Դոնալդ Թրամփն ավելի մեծ աջակցություն  է վայելում, քան գործող նախագահ Ջո Բայդենը․ խոսքն ամենաքիչը 7 նահանգների մասին է, որոնցում գրանցվելիք արդյունքները, ամենայն հավանականությամբ, կկանխորոշեն ընտրությունների ելքը, հայտնում է «Bloomberg News/Morning Consult»-ը՝ վկայակոչելով իրականացված սոցհարցումների արդյունքները։ Ըստ այդմ, Բայդենը հետ է մնում Թրամփից Արիզոնա, Ջորջիա, Փենսիլվանիա, Միչիգան, Հյուսիսային Կարոլինա, Նևադա և Վիսկոնսին առանցքային նահանգներում, որոնց ընտրողների 48%-ն ասել է, որ կաջակցի Թրամփին, մինչդեռ 43%-ը նշել է, որ սատարելու է Բայդենին: Թրամփի առավելությունն ամենամեծը եղել…

Բեռլինում Հայաստանի արտգործնախարար Արարատ Միրզոյանի հետ բանակցություններից հետո Ադրբեջանի արտգործնախարար Ջեյհուն Բայրամովը աշխատանքային այցով մեկնել է Թուրքիա։ Ինչպես հաղորդում է ԱՊԱ-ն՝ ԱԳՆ-ին հղումով, այցի շրջանակներում նախատեսվում է Բայրամովի մասնակցությունը Անթալիայի դիվանագիտական ​​ֆորումին: Նա ֆորումին ելույթ կունենա, ինչպես նաև երկկողմ հանդիպումներ կլինեն:        

Առնվազն 104 պաղեստինցի է զոհվել, ևս 760-ը՝ վիրավորվել  Գազայի հատվածում մարդասիրական օգնության հերթի ժամանակ: Այս մասին հայտնում է «Ինտերֆաքս»-ը՝ հղում անելով տեղական լրատվամիջոցներին: Բժիշկների պնդմամբ՝ պաղեստինցիները զոհվել և վիրավորվել են Իսրայելի պաշտպանության բանակի կողմից խաղաղ բնակչությանը հասցված հարվածների հետևանքով, սակայն Իսրայելի պաշտպանության բանակը պնդել է, որ պաղեստինցիները զոհվել ու վիրավորվել են հրմշտոցի հետևանքով։ «The Times of Israel»-ը, հղում անելով իսրայելական բանակի իր աղբյուրին, հայտնում է, որ միջադեպի ժամանակ որոշ պաղեստինցիներ սկսել են շարժվել դեպի իսրայելցի…

Ֆրանսիացի արտադրողներին արգելվել է բուսական ծագման արտադրանքը մակնշել որպես միս: Խախտողներին սպասվում է տուգանք՝ ֆիզիկական անձանց համար 1500 եվրոյից սկսած և ընկերությունների համար՝ մինչև 7500 եվրո: Ֆրանսիայի կառավարությունը որոշում է կայացրել, որով արգելվում է բուսական սննդի պիտակների վրա մսի հետ ավանդաբար կապված տերմինների օգտագործումը, օրինակ՝ «սթեյք»: Այլևս չի կարելի նշել նաև «էսկալոպե», «խոզապուխտ», «ֆիլե» և «կողիկներ»: Այս որոշումն ընդունվել է ի պատասխան մսի արդյունաբերության ոլորտի ընկերությունների երկարամյա պահանջի։ Նրանք կարծում են, որ պիտակների վրա «բուսական…

Մարտի 2-3-ը Մատենադարանի դահլիճում ՄեդՊրոգրես Առողջապահական հիմնադրամի կողմից կազմակերպված «Դեղաբուժության արդի հիմնախնդիրները» 2-րդ Միջազգային դեղագիտական գիտաժողովն իր տեսակով եզակի է՝ միտված բժշկական և դեղագիտական համայնքների միավորմանը հանուն բուժառուի։ Զարգացած առողջապահական համակարգ ունեցող երկրներում կենտրոնական դերակատարություն ունի բուժառուն, որի շուրջ համախմբվում են համակարգի բոլոր պրոֆեսիոնալները։ Գիտաժողովը կանդրադառնա դեղաբուժության բոլոր տեղային և համաշխարհային արդի խնդիրներին՝ սկսած դեղերի իրավական կարգավորումից մինչև դեղատուն և հիվանդանոց՝ կլինիկական դեղագիտություն։ Գիտաժողովին տարբեր ձևաչափերով ներկայացված կլինի նաև Վահե Մելիքսեթյան հիմնադրամը, որի առաքելությունն է…

Եվրոպական խորհրդարանի՝ Հայաստան-ԵՄ հարաբերությունների վերաբերյալ նիստում ելույթ է ունեցել Եվրախորհրդարանի պատգամավոր, Լիտվայի նախկին վարչապետ Անդրյուս Կուբիլյուսը: «Մենք տեսնում ենք, որ Հայաստանը՝ վարչապետ Նիկոլ Փաշինյանի ղեկավարությամբ, հստակ քաղաքական կամք է ցուցաբերում նվազեցնելու Ռուսաստանից անվտանգության կախվածությունը: Մենք հիշում ենք նաև, որ անցյալ տարի հոկտեմբերի 17-ին պարոն Փաշինյանը հայտարարեց, որ Հայաստանը ցանկանում է այնքան մոտ լինել Եվրոպային, որքան Եվրոպան հնարավոր կհամարի: Մենք ողջունում ենք վարչապետ Նիկոլ Փաշինյանի խիզախ հայտարարությունն ու քայլերը, որոնք այդ երկիրը մոտեցնում են Եվրամիությանը: Եվրախորհրդարանը…

Դատավորների սոցիալական երաշխիքներին առնչվող համակարգում կարգավորումներ են մշակվել, որոնք վերաբերում են մինչև 2014 թվականի հուլիսի 1-ը Սահմանադրական դատարանի դատավորի պաշտոնում նշանակված դատավորի կենսաթոշակի չափին: Այդ մասին նախագիծն առաջին ընթերցմամբ Ազգային ժողովի՝ փետրվարի 28-ի նիստին ներկայացրեց ՀՀ արդարադատության նախարարի տեղակալ Լևոն Բալյանը: «Նշված դատավորների կենսաթոշակի չափի հաշվարկը ներկայումս գործող կարգավորմամբ հետևյալն է. կենսաթոշակը հաշվարկվում է մինչև 2014 թվականի հուլիսի 1-ն իր զբաղեցրած պաշտոնում ստացած պաշտոնային դրույքաչափի և հավելավճարի ընդհանուր գումարի և 0,9 գործակցի արտադրյալի 75 տոկոսի…

Եվրոպական խորհրդարանի՝ Հայաստան-ԵՄ հարաբերությունների վերաբերյալ նիստում ելույթ է ունեցել Եվրոպական խորհրդարանի իտալացի պատգամավոր Ֆաբիո Մասիմո Կաստալդոն: «Մի քանի ամիս առաջ այստեղ՝ այս պալատում, մենք հյուրընկալեցինք վարչապետ Փաշինյանին, լսեցինք նրա օրինական դիրքորոշումը՝ գնալ եվրոպական ուղիով: Մենք նրան խոստացանք օգնել, բայց այդ օրվանից իրականում ոչինչ չի փոխվել: Մենք պետք է անկեղծ լինենք: Եվրոպական խաղաղության այս հաստատությունը կարևորում է Հայաստանի անդամակցությունը Եվրամիությանը, բայց նաև այն համարում է ոչ բավարար: Եթե ցանկանում ենք պատշաճ պաշտպան լինել, պետք վստահ լինենք…

Գազայի հատվածի ավելի քան 570 հազար բնակիչ «քաղցից մահանալու շեմին է», յուրաքանչյուր 6-րդ երեխա (մինչեւ 2 տարեկան) անկլավի հյուսիսում տառապում է սուր թերսնումից եւ հյուծումից։ Այս մասին հայտնել է ՄԱԿ հումանիտար հարցերի համակարգման վարչության պրոֆիլային տնօրինության ղեկավար Ռամեշ Ռաջասինգհամը։ «576 հազար մարդ Գազայում՝ բնակչության մեկ քառորդը, քաղցից մահանալու շեմին է, յուրաքանչյուր 6-րդ երեխա (մինչեւ 2 տարեկան) անկլավի հյուսիսում տառապում է սուր թերսնումից եւ հյուծումից»,- հայտնել է նա։ Ռաջասինգհամը նաեւ նշել է հետագա վատթարացման բոլոր նախադրյալների…

Փետրվարի 28-ին՝ ժամը 05:15-ի սահմաններում, Սյունիքի մարզի Տեղ համայնքի սահմանային հատվածում հայ-ադրբեջանական շփման գիծը հատել է ադրբեջանական զինված ուժերի զինծառայող, ով զինված է եղել ԱԿՄ տիպի ինքնաձիգով ու 1 պահատուփով: Այս մասին հաղորդել են ԱԱԾ-ից։ «Վերջինս վնասազերծվել է ՊՆ զինծառայողների կողմից։ Դեպքի կապակցությամբ ՀՀ քննչական կոմիտեում նախաձեռնվել է քրեական վարույթ ՀՀ քրեական օրենսգրքի համապատասխան հոդվածներով: Նախաքննությունը շարունակվում է»,- նշվում է հաղորդագրության մեջ։