2024թ. փետրվարի 9-ին՝ ժամը 13:00-ին, Կոմիտասի անվան զբոսայգու պանթեոնում տեղի կունենա մեծագույն բանաստեղծ, քնարերգու Վահան Տերյանի շիրմաքարի ծաղկեդրման և խնկարկման ամենամյա «ՏԵՐՅԱՆԻ ՀԵՏ» ավանդական արարողությունը՝ նվիրված մեծ պոետի ծննդյան 139-ամյակին։
Վահան Տերյանին նվիրված ամենամյա միջոցառումներին մասնակցում են պետական, քաղաքական, հասարակական գործիչներ, գրողներ, մշակույթի և արվեստի, կրթության և գիտության բնագավառների, հասարակական կազմակերպությունների ներկայացուցիչներ, երկրպագուներ:
Տերյանի 139-ամյակին նվիրված միջոցառմանը ելույթով հանդես կգա տերյանագետ Առուշան Հակոբյանը: Հրաշալի առիթ է ևս մեկ անգամ ներկայացնելու և գնահատելու Տերյանի գործունեությունը, լսելու Տերյան, ասմունքելու Տերյան…
Հարգանքով՝
«Տերյան մշակութային կենտրոն» ՀԿ