«ՌՈՒԲԻԿ ՀԱՐՈՒԹՅՈՒՆՅԱՆԻ ԱՆՎԱՆ ԱԲՈՎՅԱՆԻ ԲԿ»-ն, որը սպասարկում է Աբովյան խոշորացված համայնքի տարածաշրջանի թվով շուրջ 120.00 ազգաբնակչության: Մենք մատուցում ենք բավական լայնասպեկտր հիվանդանոցային եւ արտահիվանդանոցային ծառայություններ` ինչպես նաև «Շտապ օգնության» ծառայություն:
Բժշկական կենտրոնի երկարամյա ղեկավար ՝ ՎԱՐԴԱՆ ՄԱՆՈՒԿՅԱՆԸ օրերս 5 տարի ժամկետով կրկին մրցույթային կարգով վերանշանակվեց կենտրոնի տնօրեն:
Բժշկական կենտրոնն այս ողջ տարիների ընթացքում զգալի ձեռքբերումներ է արձանագրել թե որակյալ բժշկական անձնակազմի համալրման և թե՛ նոր բժշկական սարքավորումների և ծառայությունների ստեղծման առումով, որոնք հենք են դարձել ազգաբնակչության վստահության ու տեղում իրենց բուժումը կազմակերպելու համար:
Կենտրոնում գործում են անեսթեզիոլոգիական և վերակենդանացման,ընտանեկան բժշկություն և ընդհանուր վիրաբուժական ծառայություն, վարակիչ հիվանդությունների, մանկաբուժական, նյարդաբանական, ուրոլոգիական, սրտաբանական և մի շարք այլ բաժանմունքներ՝ ներառված ծառայություններ»,-այսպես սկսվեց մեր զրույցը «Աբովյան բկ»-ի տնօրեն ՎԱՐԴԱՆ ՄԱՆՈՒԿՅԱՆԻ հետ, ով անդրադառնալով մատուցվող ծառայություններին և կենտրոնի հաջողության գրավականին հավելեց. -Մեզ մոտ բուժծառայություններն կազմակերպվում են որակյալ և պատշաճ:Մեր մոտեցմամբ կենտրոնի վարկանիշի հեղինակությունը և առաջընթացը պայմանվորված է 3 բաղադրիչներից:
- Որակյալ կադրերի ներգրավվածություն, արդյունավետ կազմակերպում և կառավարում:
- Ծառայությունների որակյալ մատուցում, ինչպես նաև արդիականացում նոր բուժսարքավորումներով:
- Ճիշտ և մատչելի գնային քաղաքականության կառավարում:
Վերոնշյալ գործոնները տալիս են ցանկալի արդյունք, կենտրոնն ազգաբնակչության կողմից դառնում է վստահելի և նախընտրած առողջապահական հիմնարկ:Իսկ փոխադարձ համագործակցությունն առավել մեծ պատասխանատու և կայուն զարգացող է դարձնում մեր կլինիկան:Կարծում եմ այս մեթոդները ծառայում են հաջողության գրավականը բարձրացնելու հետ կապված:
–Կարելի՞ է ասել, որ համայնքային բկ–երի վերջին տարիների գրանցած առաջընթացը մարզակենտրոնի քաղաքականության արդյունք է։
– Մարզային իշխանությունների աջակցության շնորհիվ զգալի առաջընթաց է ապրել մեր կենտրոնը:Ցանկացած հարցում մարզպետը աջակցում է և լուծումները տալիս է ի օգուտ ազգաբնակչության:
Կառավարությունը և մարզային իշխանությունները հանձինս մարզպետ՝ ԱՀԱՐՈՆ ՍԱՀԱԿՅԱՆԻ միջնորդությամբ կրկին կատարվելու են այնպիսի դինամիկ փոփոխություններ և ծրագրեր, որոնք նախատեսված են թե՛ շենք-շինության պայմանների ավելացման, և թե՛ ընդհանուր բարեփոխումների շրջանում:
–Ինչպե՞ս փակեցիք 2023թ.-ը, եւ ի՞նչ անելիքներ ունեք 2024թ.ին:
-2023թ.-ը ավարտեցինք արդյունավետ` բկ-ն չունի ոչեւէ տեսակի պարտք, ավելին՝ տարին փակեցինք շահույթով:Կենտրոնը ձեռքբերումներ առձանագրեց նոր բժշկական սարքավորումների մասով ինչպես նաև դիմելիության աճի բարձրացումով, որը ի դեպ աննախադեպ է՝ վերջին շրջանում, քանի-որ մեզ են դիմում հանրապետության տարբեր մարզերից՝ բուժառուներ, նույնիսկ մայրաքաղաքից են գալիս մեր կենտրոն: Կլինիկան դրական ցուցանիշով ինքնաբավ կենտրոն է , որը տարևերջին մեր սեփական եկամուտների հաշվին մարզպետի հետ քննարկումների արդունքում նախատեսեցինք պարգևավճարներ տրամադրել խրախուսելով մեր աշխատակիցներին:
Գալիք տարում նախատեսում ենք նոր ժամանակակից KT եվ MRT սարքավորումների և համապատասխան ծառայությունների վերազիննում, ինչպես նաեւ կրծքավանդակի վիրահատության նոր ծառայության ներդրմամբ:Կառավարության ծրագրով ևս ունենք պայմանավորվածություն մեր մարզպետ՝ ԱՀԱՐՈՆ ՍԱՀԱԿՅԱՆԻ հետ քննարկման ժամանակ բարձրացրել ենք Շտապ օգնության բրիգադի ավելացման խնդիրը , որին տրվել է դրական եզրակացություն:Մեր հնգամյա զարգացման ծրագրով նախատեսել ենք շատ աշխատանքներ, սակայն կարծում եմ , ընթացիկ տարում կմեկնարկվի դրանցիցի մի քանիսը:
–Պարոն Մանուկյան, զարգացման հնգամյա ծրագրով նախատեսված ի՞նչ խնդիրներ եք լուծելու:
-Ինչպես արդեն ասացի շենքային պայամնների բարելավում և ընդլայնում, որը օբյեկտիվորեն պայմանավորված է մեր բուժառուների թվի և ծառայությունների աճով:
Բացի այդ ունենք մի գաղափար , որն հանրապետությունում միակն է մինչ այժմ ՝ դա լինելու է հետադարձ կապի էֆեկտ կապված հիվանդի և կլինիկայի միջև՝ գաղափարը կայանում է նրանում, որպեսզի կենտրոն դիմած քաղաքացին մեր առողջապահական ցանկացած ծառայությունից օգտվելուց հետո, իր կարծիքն արտահայտի մեր համապատասխան մասնագետների հետագա զանգերի միջոցով: Կարծում եմ այստեղից շատ խնդիրներ և առավելություններ մեր համար կպարզենք և ձեռնամուխ կլինենք դրանց արդյունքների հետ հաշվի նստել և հետևողական:
Հնգամա ծրագրով նոր մոտեցում ունենք նաև Գիտական ներգրավվածութունը մեր կենտրոնի շրջանակներում:Տրամաբանությունը լինելու է համալսարանի պրոֆեսորադասախոսական անձնակազմի համագործակցությունը մեր բուժանձնակազմի հետ ,մասնավորապես երիտասարդ մեր բժիշկների հետ համատեղ աշխատելն ու փորձի փոխանակումը: Ինչպես նաև նախատեսում ենք նոր ծառայությունների արդիականացում, վերազինում՝ ժամանակակից սարքավորումների ներդրմամբ, որը կտա ծառայությունների արդիականացման ցանկալի արդյունք:
Վերջում պարոն ՄԱՆՈՒԿՅԱՆԸ օգտվելով առիթից իր շնորհակալությունը հայտնեց Կառավարությանը եւ Կոտայքի մարզպետ ԱՀԱՐՈՆ ՍԱՀԱԿՅԱՆԻՆ մարզակենտրոնի ակտիվ գործունեության եւ առողջապահական համակարգի նկատմամբ սրտացավ վերաբերմունքի համար:
Զրույցը՝ ԿԱՐԻՆԵ ՍԱՐԳՍՅԱՆԻ