ՌԴ նախագահ Վլադիմիր Պուտինը հայտարարել է, որ Ռուսաստանը յուրահատուկ ժամանակներ է ապրում, որակապես փոխվում է ներսից և դառնում առավել ինքնաբավ երկիր, գրում է «Комсомольская правда»-ն։
«Ռուսաստանը որակապես փոխվում է ներսից՝ դառնալով ավելի ինքնաբավ, ինքնիշխան և ինքնավստահ։ Սա Ռուսաստանի ժամանակն է»,- ասել է նա՝ ելույթ ունենալով «Ուժեղ գաղափարներ նոր ժամանակի համար» ֆորումի լիագումար նիստում։
Պուտինի խոսքով՝ Ռուսաստանին մեկուսացնելու նպատակները, որոնք իրենց առջեւ դրել էին Արեւմուտքի երկրները, տապալվել են։