2023 թվականի դեկտեմբերի դրությամբ եկամուտ (հարկման բազա) ապահոված աշխատատեղերի քանակը կազմել է 741,726, ինչը 2018 թվականի մայիսի համեմատ ավելի է 193 737-ով կամ 35,4%-ով: Այս մասին ասված է ՀՀ կառավարության ծրագրի (2021-2026թթ) 2023 թվականի կատարման ընթացքի և արդյունքների մասին զեկույցում։
Եկամուտ (հարկման բազա) ապահոված աշխատատեղերի ամսական միջին թվաքանակը կազմել է շուրջ 716 000, ինչը 2022 թվականի նույն ցուցանիշից ավելի է շուրջ 41 000-ով, 2021 թվականի ցուցանիշից` շուրջ 80 000-ով, իսկ 2018 թվականի ցուցանիշից` շուրջ 156 000-ով կամ 27,8%-ով:
Ընդ որում՝ 2023 թվականի դեկտեմբերի դրությամբ.
– մինչև 150 000 ՀՀ դրամ վարձատրությամբ աշխատատեղերի թվաքանակը կազմել է ընդհանուր աշխատատեղերի 43,3%-ը՝ 2022 թվականի նույն ժամանակահատվածի 48,1%-ի, 2021 թվականի 51,4% և 2018 թվականի 60,4%-ի համեմատ,
– 150,001-500,000 ՀՀ դրամ վարձատրությամբ աշխատատեղերի թվաքանակը կազմել է ընդհանուր աշխատատեղերի 40,6%-ը՝ 2022 թվականի նույն ժամանակահատվածի 37%-ի, 2021 թվականի 36,4%-ի և 2018 թվականի 31,2%-ի համեմատ,
– 500,001 և ավելի ՀՀ դրամ վարձատրությամբ աշխատատեղերի թվաքանակը կազմել է ընդհանուր աշխատատեղերի 16,1%-ը՝ 2022 թվականի նույն ժամանա-կահատվածի 14,9%-ի, 2021 թվականի 12,2%-ի և 2018 թվականի 8,4%-ի համեմատ,
– միջին ամսական աշխատավարձի ֆոնդը (հարկման բազա) կազմել է շուրջ 206,6 մլրդ ՀՀ դրամ, ինչն ավելի է 2022 թվականի նույն ցուցանիշից շուրջ 36 մլրդ ՀՀ դրամով, 2021 թվականի նույն ցուցանիշից շուրջ 67 մլրդ ՀՀ դրամով, իսկ 2018 թվականի ցուցանիշից շուրջ 105,6 մլրդ ՀՀ դրամով կամ 104,6 %-ով,
– 2023 թվականի հունվար-դեկտեմբեր ամիսներին եկամուտ ստացող աշխատողների միջին հարկման բազան (եկամուտը) կազմել է 288 000 դրամ, ինչն ավելի է 2022 թվականի նույն ցուցանիշից շուրջ 36 000 ՀՀ դրամով, 2021 թվականի ցուցանիշից շուրջ 68 000 ՀՀ դրամով, իսկ 2018 թվականի ցուցանիշից 108 221 ՀՀ դրամով կամ 60,1%-ով: