Թուրքական լիրան դոլարի նկատմամբ պատմական նվազագույնի է հասել

Երկուշաբթի օրը թուրքական լիրան թարմացրել է իր պատմական նվազագույնը դոլարի նկատմամբ, իսկ ամերիկյան արժույթի միավորը վաճառվում է ավելի քան 32 լիրայով։ Այս մասին են վկայում առցանց առևտրի տվյալները։

Առայժմ օրվա ընթացքում փոխարժեքը բարձրացել է մինչև 32,02 լիրա՝ մեկ դոլարի դիմաց։ Առևտրի նախորդ փակման մակարդակը 31,93 էր:

Եվրոն նույնպես վաճառվում է լիրայի նկատմամբ իր պատմական առավելագույն մակարդակով: Մարտի 8-ին եվրոն արժեր 34,98, իսկ այս պահին եվրոպական արժույթի մեկ միավորի համար տալիս են 35,06 լիրա։

Ստամբուլի BIST100 բորսայի հիմնական ֆոնդային ինդեքսը փետրվարի 28-ից մարտի 5-ն ընկած ժամանակահատվածում կտրուկ անկում է գրանցել 9193-ից մինչև 8744 կետ։ Սայայն, մինչև երկուշաբթի այն սկսեց վերադառնալ բարձր մակարդակի և երկուշաբթի բարձրացավ մինչև 9263 կետ: