Plus-size-ի մոդել Հանթեր Մաքգրեյդին հպարտանում է իր մարմնով եւ կարծում է, որ սեքսուալ կարող է լինել ամեն ոք։ Sports Illustrated-ի 31-ամյա մոդելը Fox News-ին պատմել է իր մարմնի ինկլյուզիվության հույսի մասին՝ ներկայացնելով ամսագրի իր վերջին շապիկը։
Նրա խոսքով՝ իրեն շատ ժամանակ է հարկավոր եղել, որպեսզի սիրի իր ծալքերը եւ սովորի ընդունել մարմնի կազմվածքը։
«Դա շատ բանով կապված է այն բանի հետ, որ երբ 15 տարեկան էի, ես սովորական աղջիկ էի։ Երկրորդ չափ էի հագնում։ Ձգտում էի մի ինչ-որ բանի, ինչին չէի կարող հասնել։ Հենց հասկացա, որ դա իմ ճանապարհը չի լինելու, ինձ թույլ տվեցի ապրել եւ երջանիկ լինել։ Ես հպարտանում եմ իմ մարմնով եւ նրանով, ինչ այն արել է ինձ համար»,-ասել է նա։
Նա նշել է, որ ուրախ է գովերգել բոլոր մարմինները. «Ես հավատում եմ, որ սեքսուալությունը բոլոր չափերի էլ լինում է»,- նշել է նա։