ՀՀ ԱԳ նախարարի տեղակալը Դոհայում անդրադարձել է առևտրատնտեսական կապերի ակտիվացմանը

Սեպտեմբերի 1-ին Պրահայում ընթացող «GLOBSEC» համաժողովի շրջանակներում ՀՀ ԱԳ նախարարի տեղակալ Վահան Կոստանյանը հանդիպում է ունեցել Կատարի արտաքին գործերի նախարարության պետնախարար Մուհամմադ բին Աբդուլազիզ Ալ-Խուլեյֆիի հետ: Այս մասին հայտնում են ՀՀ ԱԳՆ-ից։

Ի շարունակություն ՀՀ ԱԳ նախարարի Դոհա կատարած այցի՝ զրուցակիցներն անդրադարձել են երկկողմ հարաբերությունների խորացման, այդ թվում՝ առևտրատնտեսական կապերի ակտիվացման և ներդրումների խրախուսման հնարավորություններին։

Վահան Կոստանյանը և Մուհամմադ բին Աբդուլազիզ Ալ-Խուլեյֆին մտքեր են փոխանակել բազմակողմ հարթակներում փոխգործակցության վերաբերյալ:

Կողմերը նաև տեղեկատվություն են փոխանակել Հարավային Կովկասում և Մերձավոր Արևելքում ընթացող զարգացումների վերաբերյալ: