Ֆրանսիան այս ամիս միջազգային համաժողով կանցկացնի՝ օգնելու մեծացնել Լիբանանին մարդասիրական օգնությունը և ամրապնդել երկրի հարավային հատվածում անվտանգությունը, շաբաթ օրը հայտարարել է Ֆրանսիայի նախագահ Էմանուել Մակրոնը, հայտնում է Reuters-ը։
«Առաջիկա մի քանի շաբաթների ընթացքում մենք համաժողով կանցկացնենք՝ մարդասիրական օգնություն տրամադրելու, միջազգային հանրությանը և լիբանանյան զինված ուժերին աջակցելու անվտանգության ամրապնդման գործում, հատկապես հարավային Լիբանանում», – ասել է Մակրոնը՝ Փարիզում ֆրանսախոս երկրների ներկայացուցիչների հանդիպումից հետո։
Իսրայելն ինտենսիվ ռմբակոծություն է սկսել Լիբանանում և վերջին շաբաթներին զորքեր է ուղարկել սահմանից այն կողմ՝ լիբանանյան «Հեզբոլլահ» շարժման հետ շուրջ մեկ տարի շարունակվող կրակահերթից հետո: