ԿՍՊ առաջին «Նվիրում» մրցանակաբաշխությունը հաջողությամբ կայացավ

ԿՍՊ առաջին «Նվիրում» մրցանակաբաշխությունը հաջողությամբ կայացավ 2024 թ․ դեկտեմբերի 13-ին DoubleTree by Hilton հյուրանոցում տեղի ունեցավ Կորպորատիվ սոցիալական պատասխանատվության (ԿՍՊ) առաջին «Նվիրում» մրցանակաբաշխությունը, որը կազմակերպել էր ԱյՍիՍի Հայաստանի ազգային կոմիտեն՝ համաշխարհային ԱյՍիՍի-ի աջակցությամբ։ Միջոցառումը համախմբեց սոցիալական պատասխանատվության գաղափարին նվիրված հայկական և միջազգային բիզնես ընկերություններին՝ նշանավորելով նրանց ներդրումը շրջակա միջավայրի պաշտպանության, սոցիալական աջակցության և պատշաճ կորպորատիվ կառավարման ոլորտներում։ Հաղթողներն են՝ • Տարվա խոշոր ԿՍՊ ընկերություն՝ Արարատբանկ ԲԲԸ • Տարվա ՓՄՁ ընկերություն՝ Գրանթ Թորնթոն ՓԲԸ • Տարվա ԿՍՊ առաջնորդ՝ Ռալֆ Յիրիկյան, Յուքոմ ՓԲԸ Հաղթողների ընտրությունը կատարվել է անկախ ժյուրիի կողմից, որի կազմում ընդգրկված էին հետևյալ հեղինակավոր մասնագետները՝ • Էրիկ դե Մույնկ՝ ՀՀ-ում Բելգիայի Թագավորության արտակարգ և լիազոր դեսպան • Մերի Փափազյան՝ Սան Խոսեի պետական համալսարանի 30-րդ (նախկին) նախագահ, Համալսարանների և Քոլեջների Կառավարման Խորհուրդների գործադիր փոխնախագահ • Սալվա Նակուզի՝ Հայաստանի ֆրանսիական համալսարանի ռեկտոր • Վազգեն Յակուբյան՝ ՀԲԸՄ Հայաստանի նախագահ • Րաֆի Բաղդջյան՝ Հիմնադրամների խորհրդական (Գիտական նորարարության և կրթության կենտրոն հիմնադրամ) «Նվիրում 2024» մրցանակաբաշխությունը հնարավորություն ընձեռեց ճանաչելու թե՛ խոշոր, թե՛ փոքր և միջին ընկերությունների՝ ԿՍՊ ոլորտում ունեցած նշանակալի ձեռքբերումները։ Միջոցառման ընթացքում առանձնացվեցին այն ընկերությունները, որոնք բացառիկ նվիրվածություն են ցուցաբերել պատասխանատու բիզնեսի մշակույթի ամրապնդմանը Հայաստանում։ Այ Սի Սի Հայաստանի ազգային կոմիտեի գլխավոր քարտուղար Րաֆֆի Սեմերջյանը շնորհակալություն հայտնեց բոլոր մասնակիցներին, գործընկերներին և աջակցողներին՝ այս կարևոր իրադարձությունն անմոռանալի դարձնելու համար։ Նա նշեց, որ մրցանակաբաշխությունը կլինի պարբերական, քանի որ դարձավ ոգեշնչման աղբյուր՝ ընդգծելով մասնավոր հատվածի դերը Հայաստանի սոցիալ-տնտեսական զարգացման և կայուն ապագայի ապահովման գործում։ Այ Սի Սի Հայաստանի ազգային կոմիտե Երևան, Վ․ Սարգսյան 10, Պիացցա Գրանդե շենք, 3-րդ հարկ