Արաբիկա սուրճի բորսայական գները երեքշաբթի օրը հերթական անգամ գերազանցել են պատմական ռեկորդը և անցնելով տոննայի դիմաց 7,9 հազար դոլարի նշագիծը: Այս մասին են վկայում սակարկությունների տվյալները։
Երեքշաբթի օրվա սակարկություններից հետո Արաբիկա սուրճի մարտյան ֆյուչերսների գինն աճել է 2,43%-ով՝ հասնելով 3,577 դոլարի՝ մեկ ֆունտի դիմաց (մոտ 7,886 դոլար մեկ տոննայի դիմաց): Իսկ առուվաճառքի ընթացքում ցուցանիշը բարձրացել է առավելագույնը՝ հասնելով մեկ ֆունտի դիմաց ռեկորդային 3,5875 դոլարի կամ գրեթե 7909 դոլարի՝ մեկ տոննայի դիմաց։
Տարեսկզբից արաբիկայի գինն աճել է ավելի քան 10%-ով՝ դեկտեմբերի ընդհանուր կայուն միտումից հետո, իսկ նոյեմբերին գինը ցատկել է 30%-ով՝ գերազանցելով այդ ամսում 7000 դոլար մեկ տոննայի նշագիծը։ Ընդհանուր առմամբ, 2024 թվականին սուրճի արժեքն աճել է 1,7 անգամ։
Երեքշաբթի օրը ռոբուստա սուրճի մարտյան ֆյուչերսների գինն աճել է 1,56%-ով՝ հասնելով տոննայի համար 5545 դոլարի: