Իրանական կողմից Հայաստանում կատարվող աշխատանքներում որևէ փոփոխություն չի լինի։ Իրանում նույնպես որևէ փոփոխություն չի լինի, բոլոր ծառայությունները ժողովրդին մատուցվում են։ Այս մասին հունիսի 17-ին լրագրողների հետ զրույցում հայտարարեց Հայաստանում Իրանի արտակարգ և լիազոր դեսպան Մեհդի Սոբհանին։
«Պատերազմը տեղի է ունենում Իրանի տարածքում, այլ ոչ թե Հայաստանի։ Հայաստանի տարածքում համատեղ նախագծերն ակտիվորեն իրականացվում են», – նշեց նա։
Նրա խոսքով՝ ֆինանսավորումն իրականացվում է համապատասխան ֆինանսական կառույցների կողմից։
Սոբհանին կոչ արեց չընկնել Իսրայելի թակարդը, որը ձգտում է իրանական հասարակության մեջ հուսահատության կեղծ տպավորություն ստեղծել։