Այսօր Արաքս համայնքի ղեկավար Ղազար Ղազարյանը ոլորտային պատասխանատուների հետ այցելել է Առատաշեն և Խորոնք բնակավայրերի մանկապարտեզներ՝ տեղում ծանոթանալու ներկայումս իրականացվող շինարարական աշխատանքների ընթացքին։
Այցի ընթացքում քննարկվել են կատարված և առաջիկա աշխատանքները՝ շինարարության որակն ու ժամկետները պահելով մշտական ուշադրության կենտրոնում։
Ծրագիրն իրականացվում է համաֆինանսավորման սկզբունքով՝ 40%-ը համայնքի, 60%-ը՝ պետական բյուջեի միջոցներով։Մեր նպատակն է ապահովել երեխաների համար անվտանգ, հարմարավետ և ժամանակակից պայմաններ՝ որակյալ նախադպրոցական կրթություն ստանալու համար։
Արաքս համայնքի ղեկավար Ղազար Ղազարյանը, ոլորտային պատասխանատուների ուղեկցությամբ, աշխատանքային այց է կատարել Ջրառատ բնակավայր, որտեղ ծանոթացել է մշակույթի տան կահավորման և հարակից տարածքի բարեկարգման աշխատանքների ընթացքին։
Ծրագրի պայմանագրային արժեքը կազմում է 94,886,884 դրամ, որի ֆինանսավորումն իրականացվում է՝
65%՝ Արաքս համայնքի բյուջեից, 35%՝ ՀՀ պետական համաֆինանսավորմամբ։Այս պահին իրականացվել է աշխատանքների շուրջ 40%-ը։
Համայնքի ղեկավարը տեղում հետևել է աշխատանքների որակին և ընթացքին՝ ընդգծելով, որ ծրագրի իրականացումը կարևոր նշանակություն ունի Ջրառատի մշակութային կյանքի ակտիվացման և բնակավայրի բարեկարգման համար։ Աշխատանքները շարունակվում են սահմանված ժամանակացույցի համաձայն։
Արաքս համայնքի Արաքս բնակավայրում իրականացվել են բարեկարգման և ենթակառուցվածքների պահպանման աշխատանքներ։
Շառլ Ազնավուր փողոցում մաքրվել և վերանորոգվել է ջրահեռացման ջրատարը՝ երկաթյա խողովակի տեղադրմամբ։ Գետափնյա փողոցի տարածքում իրականացվել են աղբի մաքրման աշխատանքներ՝ ապահովելով տարածքի սանիտարահիգիենիկ պատշաճ վիճակը։Աշխատանքներն իրականացվել են Արաքսի համայնքապետարանի ենթակայությամբ գործող «Կոմունալ սպասարկում և բարեկարգում» ՀՈԱԿ-ի կողմից՝ համայնքի բարեկարգման և բնակիչների համար անվտանգ ու մաքուր միջավայր ապահովելու նպատակով։
Այսօր Արաքսի համայնքապետարանում կայացավ բնակիչների ընդունելության հերթական օրը։
Համայնքի ղեկավար Ղազար Ղազարյանը ընդունեց համայնքի բնակիչներին, լսեց նրանց հարցերն ու առաջարկները, ներկայացրեց անհրաժեշտ պարզաբանումներ և համապատասխան հանձնարարականներ տվեց ոլորտային պատասխանատուներին։
Բնակիչների հետ անմիջական շփումն ու նրանց խնդիրների արդյունավետ լուծումը շարունակում են մնալ համայնքապետարանի գործունեության առաջնահերթություններից։ Հիշեցնենք, որ համայնքի ղեկավարի կողմից բնակիչների ընդունելությունն իրականացվում է յուրաքանչյուր չորեքշաբթի։ Նախապես գրանցվելով բնակիչները կարող են հանդիպել համայնքի ղեկավարին և ներկայացնել իրեց հուզող հարցերը։
ԲԱՐԵԿԱՐԳՄԱՆ ԱՇԽԱՏԱՆՔՆԵՐ ԱՐԱՔՍ ՀԱՄԱՅՆՔՈՒՄ
Արաքս համայնքում շարունակվում են բնակավայրերի ճանապարհային ենթակառուցվածքների բարելավման աշխատանքները։
Այս շրջանակում Գայ բնակավայրի Ա. Խաչատրյան և Ակնաշեն բնակավայրի Բարեկամության փողոցներում իրականացվել են խճաքարի լցման և հարթեցման աշխատանքներ։
Արդյունքում զգալիորեն բարելավվել է ճանապարհների վիճակը՝ ապահովելով առավել հարմարավետ և անվտանգ երթևեկություն բնակիչների և տրանսպորտային միջոցների համար։ 
Աշխատանքներն իրականացվել են Արաքս համայնքապետարանի ենթակայությամբ գործող «Կոմունալ սպասարկում և բարեկարգում» ՀՈԱԿ-ի կողմից։Համայնքային ենթակառուցվածքների բարելավմանն ուղղված ծրագրերը կրում են շարունակական բնույթ և նպատակ ունեն ապահովելու ավելի բարեկարգ, անվտանգ ու հարմարավետ միջավայր համայնքի բոլոր բնակավայրերում։
Այսօր Արաքս համայնքի Խորոնք բնակավայրում տեղի ունեցավ նոր Սպորտային համալիրի շինարարության մեկնարկի հանդիսավոր արարողությունը, որը կարևոր քայլ է համայնքի մարզական ենթակառուցվածքների զարգացման գործում։
Միջոցառմանը ներկա էին ՀՀ տարածքային կառավարման և ենթակառուցվածքների նախարար Դավիթ Խուդաթյանը, Արմավիրի մարզպետ Վահրամ Խաչատրյանը, Արաքս համայնքի ղեկավար Ղազար Ղազարյանը, ինչպես նաև համայնքապետարանի ոլորտային պատասխանատուները։
Կառուցվող սպորտային համալիրի հողամասի մակերեսը կազմում է 680 քմ, իսկ շենքի ընդհանուր մակերեսը՝ 1050 քմ։
Ծրագրի պայմանագրային արժեքը կազմում է 488,997,000 դրամ, որի ֆինանսավորումն իրականացվում է հետևյալ համամասնությամբ՝
70%՝ Արաքս համայնքի բյուջեի միջոցներով, 30%՝ Հայաստանի Հանրապետության պետական բյուջեի միջոցներով։Նոր Սպորտային համալիրը կարևոր ներդրում կլինի համայնքի զարգացման գործում՝ ստեղծելով ժամանակակից պայմաններ մարզական կյանքի ակտիվացման, առողջ ապրելակերպի խթանման և երիտասարդների համար նոր հնարավորությունների ձևավորման նպատակով։
2026 թվականի հուլիսի 20-ին Արաքս համայնքի ղեկավար Ղազար Ղազարյանը, համայնքապետարանի ոլորտային պատասխանատուների ուղեկցությամբ, աշխատանքային այց է կատարել Արաքս բնակավայր։
Այցի ընթացքում համայնքի ղեկավարը հետևել է Սևակի փողոցի ասֆալտապատման աշխատանքների ընթացքին, որոնք ներկայումս գտնվում են ավարտական փուլում։
Ծրագրի ընդհանուր արժեքը կազմում է 62 062 779 դրամ, որի ֆինանսավորումն իրականացվում է համաֆինանսավորման սկզբունքով․ 55%-ը՝ ՀՀ պետական բյուջեի, իսկ 45%-ը՝ Արաքս համայնքի բյուջեի միջոցներով։ Ասֆալտապատվող ճանապարհահատվածի ընդհանուր երկարությունը կազմում է 770 մետր։
Աշխատանքային այցի ընթացքում քննարկվել են շինարարական աշխատանքների ընթացքին վերաբերող հարցեր, տրվել են համապատասխան հանձնարարականներ՝ աշխատանքների որակյալ և սահմանված ժամկետներում ավարտն ապահովելու նպատակով։
Ճանապարհաշինական ծրագրերի իրականացումը շարունակում է մնալ Արաքս համայնքի առաջնահերթություններից մեկը՝ նպաստելով բնակիչների անվտանգ, հարմարավետ և բարեկարգ երթևեկության ապահովմանը։
Սույն թվականի հունիսի 30-ին Արաքս համայնքի ղեկավար Ղազար Ղազարյանը և համայնքապետարանի ոլորտային պատասխանատուները այցելել են Ջրառատ բնակավայր՝ հետևելու սուբվենցիոն ծրագրի շրջանակում իրականացվող՝ մշակույթի տան կահավորման և հարակից տարածքի բարեկարգման աշխատանքների ընթացքին։
Ծրագրի ընդհանուր արժեքը կազմում է 94,888,884 դրամ, որից 65%-ը ֆինանսավորվում է համայնքային բյուջեից, իսկ 35%-ը՝ ՀՀ կառավարության կողմից։
Այցի ընթացքում գնահատվել են իրականացվող աշխատանքների որակն ու ընթացքը, քննարկվել են առկա հարցերը և տրվել համապատասխան հանձնարարականներ՝ աշխատանքների պատշաճ կազմակերպումն ու սահմանված ժամկետներում ավարտն ապահովելու նպատակով։
Արաքս համայնքի առաջնահերթություններից է համայնքի բոլոր բնակավայրերում իրականացնել զարգացմանն ուղղված ծրագրեր, որոնք կնպաստեն մշակութային կյանքի ակտիվացմանը, բնակիչների կյանքի որակի բարելավմանը և առավել հարմարավետ ու բարեկարգ միջավայրի ձևավորմանը։
Արաքս համայնքում շարունակվում են բարեկարգմանն ուղղված հետևողական աշխատանքները։
Այս փուլում համայնքի՝
Մեծամոր,Հայկաշեն,Գայ,Ակնաշեն,Գրիբոյեդով,Առատաշեն,Արտիմետ,Խորոնք բնակավայրերում իրականացվել են փողոցների և մայթերի մոլախոտերի սրսկման աշխատանքներ։
Աշխատանքների իրականացման համար անհրաժեշտ նյութերն ու նոր ձեռք բերված ժամանակակից տեխնիկան տրամադրել է Արաքսի համայնքապետարանը։
Մոլախոտերի սրսկումը բարելավում է սանիտարահիգիենիկ պայմանները, կանխում դրանց հետագա տարածումը և բարձրացնում փողոցների ու մայթերի անվտանգությունն ու տեսանելիությունը։ Այս նախաձեռնությունը կարևոր նշանակություն ունի նաև համայնքի ընդհանուր բարեկարգ տեսքի ապահովման համար՝ նպաստելով մաքուր, խնամված և բնակիչների համար հաճելի միջավայրի ձևավորմանը։
Աշխատանքներն իրականացվել են համայնքապետարանի ենթակայությամբ գործող «Կոմունալ սպասարկում և բարեկարգում» ՀՈԱԿ-ի կողմից, որը հետևողականորեն կյանքի է կոչում համայնքի բարեկարգման ծրագրերը։Արդյունքում ձևավորվում է ավելի կոկիկ, հարմարավետ և բնակիչների առօրյան բարելավող միջավայր։
Ստորև ներկայացնում ենք լուսանկարներ իրականացված աշխատանքներից:Արաքս համայնքի #Ապագա բնակավայրի 22-րդ և 23-րդ փողոցներում իրականացվել են խմելու ջրի նոր ջրագծի կառուցման աշխատանքներ։
Կառուցված նոր ջրագծի ընդհանուր երկարությունը կազմում է 840 մետր։
Աշխատանքների իրականացման համար անհրաժեշտ խողովակները և տեխնիկան տրամադրվել է Արաքսի համայնքապետարանի կողմից։ Գործընթացը կազմակերպվել և իրագործվել է համայնքապետարանի ենթակայությամբ գործող «Կոմունալ սպասարկում և բարեկարգում» ՀՈԱԿ-ի կողմից, որը հետևողականորեն իրականացնում է համայնքի տարածքում նախատեսված բարեկարգման ծրագրերը: Աշխատանքներին ակտիվ մասնակցություն են ունեցել նաև բնակիչները։Ջրամատակարարման համակարգի այս բարելավումը կարևոր և երկարաժամկետ ներդրում է համայնքի զարգացման գործընթացում։ Այն բարձրացնում է բնակիչների կյանքի որակը և ապահովում է խմելու ջրի կայուն ու վստահելի մատակարարում։ Նման ծրագրերը նպաստում են նաև համայնքային ենթակառուցվածքների ամրապնդմանը և հետագա զարգացման համար ամուր հիմք են ձևավորում։Ուրախությամբ օգտագործեք, սիրելի բնակիչներ։