«Հարեւանուհիս տարեց կին է, հիվանդ ոտքերով, խնդրեց, որ բերեմ ընտրության, ես էլ բերեցի, դրանից հետո ինձ բերման ենթարկեցին»,- NEWS.am-ի հետ զրույցում պատմեց ավագանու թեկնածուն` նշելով, որ բերման են ենթարկել նաեւ տարեց կնոջը:
Նա նշեց, որ ոստիկանությունում իրեն հարցեր չեն տվել եւ մոտ 1 ժամ պահելուց հետո բաց են թողել:
Սինանյանի փաստաբան Արմեն Մելքոնյանն էլ մեզ հետ զրույցում ասաց, որ ոստիկանապետը ասել է, որ բերման չեն ենթարկել ավագանու թեկնածուին, այլ հրավիրել են ոստիկանություն եւ խնդրեց մինչեւ 20:00 այլեւս նման «հրավիրատոմսեր» չտան դաշինքի ներկայացուցիչներին:
Փաստաբանը նշեց, որ այս մասին ահազանգել են ՄԻՊ-ին եւ Ոստիկանությանը: