Քաղաքապետն ասաց, որ դա իր անձնական որոշումն է։
Հարցին՝ արդյոք իր նկատմամբ ճնշումներ չե՞ն եղել, Գեւորգյանը պատասխանեց. «Ես ճնշվողներից չեմ, հիշում եք 2019 թվականը։ Երկու անգամ աշխատել եմ այս պաշտոնում, կարծում եմ՝ հերիք է։ Այն ծրագրերը, որոնք եղել են, բոլորն իրականացրել ենք»։
Հարցին՝ ինչո՞վ է զբաղվելու քաղաքապետի պաշտոնը թողնելուց հետո՝ Գեւորգյանն ասաց. «Փառք Աստծո, մի բանով կզբաղվեմ, տենց խնդիր չունեմ։ Ժամանակին փորձագետ եմ եղել թե երեւանյան գրասենյակում, թե խորհրդարանում, թե տարբեր կազմակերպություններում. պարապ չեմ մնա»։
Նշենք՝ մամուլում լուրեր է շրջանառվում, որ ամենասուր պայքարը, ենթադրվում է՝ Աբովյան քաղաքում է լինելու, որտեղ ՔՊ-ի կողմից առաջադրվել է «Հայանտառ» ՊՈԱԿ-ի տնօրեն Պավել Ցուգունյանը, որը առավել հայտնի է «Պաշ» մականվամբ։