«Զրույց» թերթը «Progressarmenia.com» էլեկտրոնային կայքը շարունակում են հանդիպումները դեկտեմբերի 5-ին սպասվող համայնքների խոշորացման և ավագանու ընտրություններին մարզերում:
Այցի շրջանակներում հանդիպեցինք վանաձորցիներին , ովքեր մեծ հաշվով հիասթափված էին երկրի դրությունից և ընտրություններին մասնակցելու ցանկություն չունեին: Այս ֆոնին սակայն ԲՀԿ կողմից առաջադրված թեկնածու Էդգար Բոջուկյանին ճանաչում և ընդունում են, որպես իրենց տղա և հպարտանում նրանով, որպես վանաձորցի անվանի մարզիկ: Իսկ թե ի՞նչու հաջողակ սպորստմենին, հարգված անձնավորությանը, ինչը ստիպեց դուրս գալ քաղաքական մրցապայքարի մեջ մենք փորձեցինք հետաքրքրվել անձամբ ԲՀԿ-ական Էդգար Բոջուկյանից, ով մասնավորապես ասաց.
-Ես 2011թվականից ԲՀԿ անդամ եմ , վերջերս ինձ վստահվեց նաև Վանաձոր-Գուգարք տարածաշրջանի «Բարգավաճ Հայաստան» կուսակցության ղեկավարի պատասխանատվությունը: Մենք վերակառուցում ենք մեր կուսակցությունը, նրա շարքերը այսօր համալրվում են երետասարդ և պատասխանատու մարդկանցով: Ծառուկյանը միակ մարդն է , ով կարողացել է իր գործով կյանքի կոչել բոլոր ծրագրերը: Նա նվիրյալ մարդ է և մենք նրա շուրջը համախմբվելով փորձելու ենք ամեն հնարավոր բան անել մեր վանաձորցիների կյանքի որակը բարձրացնելու և ներկա վիճակից հանելու համար: Մեզ Բոջուկյան եղբայրներիս բոլորը ճանաչում են և կարող ենք վստահաբար ասել , որ մենք արդարացնելու ենք մեր ժողովրդի սպասելիքները ընտրվելու դեպքում , մեր խոսքը գործի է վերածվելու և այդ է պատճառը, որ ես որոշեցի մասնակցել ընտրապայքարին առաջադրվելով , ԲՀԿ քաղաքական թիմի կողմից: Իսկ այսօր մեր երկրի առջեւ ծառացած են բազմաթիվ խնդիրներ` անվտանգայինից մինչեւ սոցիալական: Ուզում եմ ժողովրդիս խնդիրների լուծմանը նպաստել համայնքային խնդիրների լուծմամբ:
-Պարոն Բոջուկյան, որո՞նք են այն համայնքային նշանակության խնդիրները, որոնք ծառացած են Վանաձորի համար, որոնք առաջնահերթության կարգով ընտրվելու դեպքում կլուծեք:
-Գիտեք մեր թիմի կողմից ընդունվել է 17 կետից բաղկացած համայնքի զարգացման ու շենացման համար ծրագիր, որոնք բոլորն էլ կարևոր են ու հրատապ լուծում պահանջող խնդիրներ են: Պարոն Ծառուկյանը այս տարիներին ապացուցել է, որ իր կողմից առաջ քաշված բոլոր ծրագրերը դարձել են գործ: Նույնը մենք իրականացնելու ենք Վանաձորի համար, բոլոր կարևոր ծրագրային աշխատանքները դարձնելու ենք մեր ամենօրյա աշխատանքի բանաձև: Մեր առջև դրել ենք նպատակ սոցիալական հարցերին, հաշմանդամներին, բազմազավակ ընտանիքներին , տարեցներին շարունակական աջակցություն ենք ապահովելու: Մեր քաղաքին անհրաժեշտ է աղբահանության և ջրահեռացման համակարգերի խնդիրների վերացում և լիարժեք գործարկում, բոլոր խնդիրներին կտրվեն անհրաժեշտ և արդյունավետ լուծումներ քանի-որ մենք ապացուցել ենք՝ ոչ թե խոսքով այլ գործով: Սակայն այս ամենին զուգահեռ մեր քաղաքացիների համար առաջնային կարևորություն կտրվի սոցիալական բնակարանաշինությունը և բազմաբնակարան շենքերի բարեկարգմանը և տանիքների վերանորոգմանը: Կստեղծվի նոր ավան , որտեղ սոցիալապես անապահով ինչպես նաև նորաստեղծ ընտանիքները կունենան իրենց նոր բնակարանները, վերջնականապես վերացնելով «տնակային ավան» հասկացությունը, սեղմ ժամկետներում ներդնել սոցիալական բնակարանաշինության հիմքերը, մեկ տարվա ընթացքում ստեղծել քաղաքային եւ միջքաղաքային տրանսպորտի նոր ցանց, հասցեական աջակցություն արցախյան պատերազմներում զոհված եւ վիրավորված զինծառայողների ընտանիքներին եւ այսպես շարունակ: Պատահական չէ, որ մենք առաջնորդվում ենք «Եկել է գործելու ժամանակը» կարգախոսով: Գալու ենք իսկապես գործելու` ի նպաստ հայրենի Վանաձորի:Մեր համաքաղաքացիները մեզ ճանաչում են , որ մենք մեր ապրած կյանքով եղել ենք ուղիղ , ժողովրդի հետ ու նրանցից մեկը, Աստված մեր սրտում է, և ուրեմն մեր ժողովուրդն իմաստուն էթող կատարի իր ընտրությունը և հետո քաղի իր ընտրության պտուղները:
-Պարոն Բոջուկյան դժվա՞ր չի այսօր լինել արտախորհարդարանական ընդդիմադիր քաղաքական ուժ և մասնակցել ընտրապայքարին: Հաշվի առնելով մյուս քաղաքական ուժերին մասնավորապես՝ իշխանական թիմի թեկնածուին նրա զբաղեցրած պաշտոնն ու դիրքը:
-Ոչ՛: Ես ավելի ուրախ եմ , որ այսօր չկանք Խորհրդարանում, իշխանության մեջ , նախկինում ևս մենք իշխանության մաս չենք եղել : Մենք եղել ենք ժողովրդի կողքին և շարունակում ենք լինել նրա հետ անկախ նրանից Խորհրդարանում կլինենք թե ոչ մենք վարում ենք ակտիվ քաղաքականություն , քանի-որ մեզ չի հետաքրքրում ոչ պաշտոնը ոչ էլ մանդատը, մեր նպատակը ժողովրդին այս ճգնաժամից վեր հանելն է, անվտանգության ապահովումն ու մեր ազգի բերկեցիկ ապրելը , իր ստեղծագործ կյանքով արարելու լիարժեք հնարավորություններով ապահովվելը: Մեր քաղաքական թիմի կամքը եղել և շարունակում մնալ այդ բոլորը իրականցնելու համար: Անկախ նրանից մենք կլինենք իշխանության թե ոչ , մենք մեր ժողովրդի կողքին ենք:
-Ի՞նչ հարաբերությունների մեջ եք Ձեր քաղաքական մրցակիցների հետ, կա արդյո՞ք կոշտ մրցապայքար:
– Մենք ոչ մեկի հետ խնդիր չունենք և ոչ մեկը չի կարող մեր նկատմամբ ոտնձգություն արել: Ես մինչ այսօր դեռ ականատես եմ նորմալ ընտրապայքարի, չգիտեմ թե ինչպես կզարգանան իրադարձությունները , բայց ես վստահ եմ , որ բոլոր կողմերն էլ խելամիտ կգտնվեն և կանցկացնեն առողջ և թափանցիկ քարոզարշավ, պահպանելով խաղաղ մթնոլորտ:Սակայն մեկ անգամ ևս ուզում եմ ասել, որ անկախ ամեն ինչից մեր դեմ չեն կարող սադրիչ և նենք գործողություններ անել քանի-որ մենք չունենք մռայլ անցյալ ու մեր ապրածը մաքուր է և խաղաղ, ասեմ ավելին ՝բոլոր 10 թեկնածուների հետ ունենք շատ ջերմ, ընկերական, նորմալ հարաբերություններ և կոչ ենք անում մեր ժողովրդին գնահատել առողջ և ընտրություններին մասնակցել Աստծո սիրով և հանուն մեր զարգացող Վանաձորի:
Հարցազրույցը՝ ԿԱՐԻՆԵ ՍԱՐԳՍՅԱՆԻ