Նոյեմբերի 13-ին՝ ժամը 09:00-ի սահմաններում, հայտնաբերվել է ՊՆ N զորամասի զինծառայող Նարեկ Խաչատուրի Գրիգորյանի դին: Հայտնում են ՀՀ Պաշտպանության նախարարությունից: Դեպքի հանգամանքներն ամբողջովին պարզելու նպատակով ընթանում է քննություն: Պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին ու ծառայակից ընկերներին: Ավելի վաղ հայտնել էինք, որ ՀՀ ՊՆ ռազմական ոստիկանության Իջևանի ռազմական ոստիկանության կարգապահական գումարտակում զինծառայող է մահացել:

Թուրքիայի նախագահ Ռեջեփ Թայիփ Էրդողանը հայտարարել է, որ առաջվա պես հուսով է՝ Սիրիայի նախագահ Բաշար ալ-Ասադի հետ հաշտեցումը հնարավոր կլինի, ինչը  վերջ կդնի երկու հարևան երկրների միջև ավելի քան տասնամյա լարվածությունը, հաղորդում են թուրքական լրատվամիջոցները: Սաուդյան Արաբիա և Ադրբեջան կատարած այցերից վերադառնալուց հետո լրագրողների հետ զրույցում Էրդողանն հայտարարել է, թե կարծում է՝ հարաբերությունների կարգավորումը կօգնի կայունացնել իրավիճակը Սիրիայում և «պաշտպանել նրա տարածքային ամբողջականությունը»: «Ես դեռ հույս ունեմ Ասադի հաշվով: Դեռ հույս ունեմ, որ կարող ենք միավորվել և սիրիա-թուրքական հարաբերությունները բնականոն հունի վերադարձնել»,-ըստ  Anadolu-ի՝ նշել…

Աշխարհի տարբեր երկրներում ադրբեջանական իշխանությունների նախաձեռնությամբ ստեղծվում են բազմաթիվ կազմակերպություններ, որոնք, պատմական իրադարձությունները խեղաթյուրելով, նպատակաուղղված են միջազգային հանրության աչքին այլակերպել հայկականը։ Սփյուռքի հետ աշխատանքի Ադրբեջանի պետական կոմիտեի նախաձեռնությամբ աշխարհի տարբեր երկրներում ստեղծվում են, այսպես կոչված, «Ադրբեջանական տներ» կազմակերպություններ, որոնք «միտված են համախմբելու արտերկրում բնակվող ադրբեջանցիներին»: Արտերկրում գործունեություն ծավալող «Ադրբեջանական տներ»-ի աշխարհագրությունը Հարկ է նշել, որ «արտերկրում բնակվող ադրբեջանցիներին համախմբել»-ով՝ այդ կազմակերպություններն իրականում երկրից դուրս այլ գործառույթ ունեն՝ իրականացնել հակահայկական քարոզչություն, ընդդեմ հայկականի՝ կազմակերպել ցուցահանդեսներ և միջոցառումներ։ Այսպես՝ «Ադրբեջանական…

Թմրամոլության և ապօրինի թմրաշրջանառության դեմ պայքարը ՆԳՆ ոստիկանության առաջնահերթություններից է, և այս ուղղությամբ իրենց լուրջ ներդրումն ունեն Պարեկային ծառայության ստորաբաժանումները։ Ի թիվս այլ հանցանք-զանցանքների կանխարգելման ու բացահայտման, պարեկները նաև հայտնաբերում են թմրանյութ ապօրինի պահելու և օգտագործելու դեպքեր։ Մասնավորապես, անցած շաբաթ մայրաքաղաքում իրականացված ծառայության ընթացքում հայտնաբերվել է նման 63 դեպք, արձանագրվել է նաև սառը զենք պահելու 8 դեպք։ Անզիջում պայքարը շարունակվում է։

Առաջին անգամ Հայաստանում Քրեյգ Դեյվիդը հանդես կգա իր լեգենդար TS5 շոուով։Համաշխարհային մակարդակի ցնցող շոու, որի տոմսերը սպառվում են հաշված րոպեների ընթացքում։ TS5-ը բացառիկ փակ երեկույթ էր, կազմակերպված արտիստի Մայամիի պենտհաուսում, իսկ այժմ այն դարձել է գլոբալ սենսացիա՝ միավորելով արդեն սիրված և ժամանակակից հիթերը R&B, Garage և House ժանրերում։ Դեկտեմբերի 2-ին, Կարեն Դեմիրճյանի անվան մարզահամերգային համալիրում, ժամը 19։00-ին, կվայելենք միասին ձեր սիրելի 7 Days, Fill Me In և Walking Away երգերը՝ այս շոուի համար ստեղծված բացառիկ…

Համաձայնեցվել են Հայաստանի հետ խաղաղության համաձայնագրի նախագծի հիմնական կետերը. Ինչպես հաղորդում է ԱՊԱ-ն, այս մասին լրագրողներին ասել է Ադրբեջանի արտգործնախարար Ջեյհուն Բայրամովը։ «Թվերը հիմա չեմ ուզում հրապարակել, բայց դեռ կարևոր կետեր կան, որոնք պետք է համաձայնեցվեն»,- ասել է նախարարը։ Նրա խոսքով, ադրբեջանական կողմը հաստատակամ է Հայաստանի հետ բանակցություններն ավարտին հասցնելու հարցում։ «Այդ գործընթացը կախված է երկու կողմերից»,- ընդգծել է Բայրամովը։

Հայաստանի տարածքում նոյեմբերի 13-ին սպասվում է առանց տեղումների եղանակ։ Քամին՝ հյուսիս-արևմտյան՝ 2-5 մ/վրկ արագությամբ:  «Հայպետհիդրոմետ»-ից հայտնում են Երեւանում սպասվում է առանց տեղումների եղանակ։ Առաջիկա գիշերը մայրաքաղաքում կլինի 0+2, վաղը ցերեկը՝ +10+12։ Օդի ջերմաստիճանը մարզերում. Շիրակում՝ գիշերը՝ -4-9, ցերեկը՝ +6+10, Կոտայքի լեռներ՝ գիշերը՝ -4-7, ցերեկը՝ +6+9, Կոտայքի նախալեռներ՝ գիշերը՝ -1+2, ցերեկը՝ +7+10, Սևանա լճի ավազանը՝ գիշերը՝ -2-6, ցերեկը՝ +6+8, Լոռի՝ գիշերը՝ -1-6, ցերեկը՝ +9+12, Տավուշ՝ գիշերը՝ +1+4, ցերեկը՝ +11+14, Արագածոտնի լեռներում՝ գիշերը՝ -4-7, ցերեկը՝ +5+8, Արագածոտնի նախալեռներ՝…

Կարևորելով հանրային կարծիքը և հասարակության լայն շերտերի ներգրավվածությունը ՆԳՆ բարեփոխումների գործընթացում՝ Ներքին գործերի նախարարությունը հայտարարում է մուլտիմեդիա նախագծերի, հոդվածների կամ լրատվական նյութերի բաց մրցույթ։ Մրցույթի նպատակն է` ՆԳՆ-հասարակություն կապի ամրապնդումը, թափանցիկ, հաշվետվողական համագործակցության ապահովումը՝ շեշտադրելով ոլորտային հիմնական ուղերձների հասցեական փոխանցումը, խնդիրների վերհանումը և դրանց մասնակցային լուծումների ապահովումը։ Մրցույթի թեմաներն են՝ 1. Ճանապարհային երթևեկության կանոնների խախտումներ, 2. Թմրամիջոցների ապօրինի շրջանառությունը անչափահասների շրջանում, 3. Կանայք ոստիկանությունում․ մարտահրավերներ, կարծրատիպեր, առավելություններ (մրցանակը տրամադրվում է Եվրոպական միության ֆինանսական աջակցությամբ): Նշված…

Հարգելի´ քաղաքացիներ, ՆԳՆ Փրկարար ծառայությունը տեղեկացնում է, որ հանրապետության տարածքում ավտոճանապարհներն անցանելի են։ Նշենք, որ Սյունիքի մարզի Քաջարան քաղաքում, «Մեղրու սար» կոչվող հատվածում և Լծեն գյուղից «Զանգեր» կոչվող հատվածում տեղում է ձյուն: Հաշվի առնելով եղանակային պայմանները՝ ՆԳՆ ոստիկանությունը հորդորում է հատկապես բարձրադիր բնակավայրեր ուղևորվելիս երթևեկել բացառապես ձմեռային անվադողերով, խստորեն պահպանել ճանապարհային երթևեկության կանոնները: Մաղթում ենք անվտանգ երթևեկություն։