Մայիսի 17-ին, ժամը 16:15-ի սահմաններում, ականի պայթյունի հետևանքով վիրավորում է ստացել հանրապետության հյուսիս-արևելյան ուղղությամբ տեղակայված զորամասերից մեկի պայմանագրային զինծառայող, շարքային Արմեն Հրանտի Բաբայանը: NEWS.am–ին Պաշտպանության նախարարությունից տեղեկացնում են, որ նրա կյանքին վտանգ չի սպառնում:  Տարվում է քննություն` դեպքի հանգամանքները լիարժեք պարզելու համար:

Կոտայքի մարզպետ՝ Ահարոն Սահակյանը ֆեսբուքյան իր էջում նշում է՝ 2022 թվականի պետական բյուջեով մեր մարզում հիմնանորոգվում են հանրապետական նշանակության երկու ճանապարհահատվածներ: Նոր Գեղի-Արգել-Արզական-Հրազդան հանրապետական նշանակության ավտոճանապարհի 10.8 կմ երկարությամբ հատվածը, որը Բջնիից հասնում է մինչև Հրազդան: Ասֆալտապատումն արդեն մեկնարկել է:Այս տարի կհիմնանորոգվի նաև նույն ճանապարհի ևս 10 կիլոմետր հատված, որը սկիզբ է առնում Նոր Գեղիից և հասնում Արգել։Ավարտը նախատեսված է մինչև 2022 թվականի վերջ։Կոտայքի մարզի մի շարք համայնքներով անցնող հանրապետական նշանակության այս ճանապարհի երկու հատվածների…

Հայաստանի Հանրապետության վարչապետ Նիկոլ Փաշինյանը մայիսի 16-ին աշխատանքային այցով ժամանել է Ռուսաստանի Դաշնություն: Փաշինյանը Մոսկվայում պետք է մասնակցի ՀԱՊԿ անդամ պետությունների առաջնորդների հանդիպմանը: Հայաստանի Հանրապետության վարչապետ Նիկոլ Փաշինյանը մայիսի 16-ին աշխատանքային այցով ժամանել է Ռուսաստանի Դաշնություն, հայտնում են կառավարության մամուլի ծառայությունից։Նիկոլ Փաշինյանը Մոսկվայում՝ Կրեմլում, կմասնակցի ՀԱՊԿ անդամ պետությունների առաջնորդների հանդիպմանը:Մայիսի 12–ին ՌԴ նախագահի մամուլի քարտուղար Դմիտրի Պեսկովն ասել էր, որ ՀԱՊԿ գագաթնաժողովից հետո նախատեսված է Հայաստանի և Ռուսաստանի առաջնորդների հանդիպում և նրանց առանձին շփում՝ աշխատանքային նախաճաշի ձևաչափով:Նշենք, որ…

Հայտնի են Լիբանանում տեղի ունեցած խորհրդարանական ընտրությունների նախնական տվյալները: «Արեւելք»-ի Բեյրութի աղբյուրի հաղորդմամբ արդեն իսկ հայտնի  են   այն  վեց հայ պատգամավորների անունները, որոնք նոր խորհրդարանի մաս կկազմեն: Ըստ նախնական տվյալների՝ այս ընտրություններում հաջողություն են գրանցել Հակոբ Բագրատունին, Հակոբ Թէրզյանը, Փոլա Յագուպյանը, Ժան Թալուզյանը, Արամ Մալյանը եւ   Ճորճ  Պուչիքյանը:

Իրանը եւ Ռուսաստանի Դաշնությունը  լավ լուծումներ են գտել նավթագազային ոլորտում համագործակցության համար, Թեհրանը Մոսկվային է հանձնել ոլորտի «համագործակցության քարտեզը», «ՌԻԱ Նովոստի»-ի հարցազրույցում ասել է Մոսկվայում Իրանի դեսպան Քազեմ Ջալալին։ Նրա խոսքով՝ Իրանի նախագահ Իբրահիմ Ռայիսիի գլխավորած կառավարության օրակարգում է ռուսական ընկերությունների եւ Ռուսաստանի կառավարության հետ էներգետիկայի տարբեր ոլորտներում համագործակցության ուղղությունների լուրջ դիտարկումը։ «Կողմերը բանակցություններ են վարել եւ հասել լավ լուծումների նավթագազային հանքավայրերի արդյունահանման, զարգացման, վերամշակման, նավթազտման եւ սարքավորումների ու տեխնոլոգիաների փոխանցման ոլորտներում, որոնք ռազմավարական նշանակություն…