Փետրվարի 17-ին տեղի է ունեցել Սննդամթերքի անվտանգության տեսչական մարմնի կառավարման խորհրդի արտահերթ նիստը, որը վարել է խորհրդի նախագահ, ՀՀ էկոնոմիկայի նախարար Գևորգ Պապոյանը։ ՍԱՏՄ ղեկավարի տեղակալի երկու թափուր հաստիքները լրացնելու նպատակով՝ Խորհրդի քննարկմանն են ներկայացվել Գրիգոր Մկրտչյանի և Արա Եղոյանի թեկնածությունները: Ծանոթանալով թեկնածուների կենսագրությանն ու աշխատանքային գործունեությանը, հստակեցնելով նրանց համակարգմանը ենթակա ոլորտները՝ ՍԱՏՄ կառավարման խորհրդի անդամները միաձայն կողմ քվեարկեցին՝ հաստատելով վերջիններիս պաշտոնավարման նպատակահարմարությունը:

Հայաստանի առանձին շրջաններում փետրվարի 18-ին սպասվում են տեղումներ, լեռներում՝ ձյան և թաց ձյան, իսկ նախալեռնային ու հովտային գոտիներում՝ անձրևի տեսքով: Օդերևութաբանները կանխատեսում են նաև հարավարևմտյան քամու ուժգնացում՝ առանձին վայրերում մինչև 14-17 մ/վրկ, իսկ լեռնային շրջաններում՝ բուք և ցածր տեսանելիություն: Օդի ջերմաստիճանը ևս մի փոքր կբարձրանա: Ինչպես «Հայպետհիդրոմետից» հայտնել են Երևանում գիշերը և առավոտյան հնարավոր են անձրևներ, իսկ օրվա մնացած ժամերին կդիտվի առանց տեղումների եղանակ: Այս գիշեր մայրաքաղաքում սպասվում է +3+5, վաղը ցերեկը՝ +15+17 աստիճան: Օդի…

Հիպոթալամուսի (ուղեղի նեյրոէնդոկրին գործունեության կարգավորիչի) գերակտիվ նյարդային բջիջները կարող են խթանել հիպերտոնիայի զարգացումը։ Նման եզրակացության են եկել Միսսուրիի և Օքսֆորդի համալսարանների գիտնականները։ Հետազոտության արդյունքները հրապարակվել են Cardiovascular Research (CRes) ամսագրում։ Արյան բարձր ճնշումը մնում է ինսուլտի և ինֆարկտի հիմնական ռիսկի գործոններից մեկը։ Սովորաբար այն կապում են ապրելակերպի, երիկամների հիվանդությունների կամ հորմոնալ խանգարումների հետ։ Սակայն նյարդային համակարգի դերը հիպերտոնիայի զարգացման գործում մինչ օրս բավարար չափով ուսումնասիրված չէր։ Առնետների վրա կատարված փորձի ընթացքում գիտնականները կենտրոնացել են հիպոթալամուսի…

  Այսօր Բաքվի զինվորական դատարանում ընթերցվել է Ռուբեն Վարդանյանի դատավճիռը, ով Ադրբեջանում մեղադրվում է «խաղաղության և մարդկության դեմ ուղղված հանցագործությունների, պատերազմական հանցագործությունների, ահաբեկչության, ահաբեկչության ֆինանսավորման և այլ ծանր հանցագործությունների մեջ»։ Դատարանի որոշմամբ Վարդանյանը դատապարտվել է 20 տարվա ազատազրկման: Պաշտպանական կողմը և միջազգային իրավապաշտպան կազմակերպությունները հայտարարում են, որ ներկայացված մեղադրանքները քաղաքականապես մոտիվացված են ու կեղծ, իսկ բուն գործընթացը դիտարկվում է որպես միջազգային իրավունքի նորմերի և արդար դատաքննության սկզբունքների խախտում։

  Մենք հստակ տեղեկություններ ունենք, որ էլեկտրաէներգետիկ համակարգում վթարների թիվն աճել է 40%-ով այն բանից հետո, երբ «Հայաստանի էլեկտրական ցանցեր» ընկերության կառավարումն անցավ իշխանություններին, թեև վերջիններս փորձում են թաքցնել այդ թվերը և հայտարարում են, որ աճ չկա։ Այս մասին փետրվարի 17-ին լրագրողների հետ հանդիպման ժամանակ հայտարարել է «Հայաստանի էլեկտրական ցանցեր» ՓԲԸ-ի նախկին գլխավոր տնօրենի պաշտոնակատար, «Ուժեղ Հայաստան» կուսակցության վարչության անդամ Դավիթ Ղազինյանը։ Նա տարօրինակ է համարել այն, որ իշխանությունները կառավարման այն համակարգը, որի դեպքում վթարների…

Իրանի գերագույն առաջնորդ Ալի Խամենեին հայտարարել է, որ ԱՄՆ նախագահ Դոնալդ Թրամփին չի հաջողվի կործանել Իսլամական Հանրապետությունը, ինչպես դա չի հաջողվել նաև ԱՄՆ նախկին առաջնորդներին: «ԱՄՆ նախագահն ասել է, թե Միացյալ Նահանգներն արդեն 47 տարի է ինչ չի կարողանում կործանել Իսլամական Հանրապետությունը: Սա լավ խոստովանություն է: Ես ասում եմ՝ դու նույնպես չես կարողանա», – ասել է նա IRIB հեռուստաալիքի եթերում՝ Իրանի բնակիչների հետ հանդիպման ժամանակ: Խամենեին հավելել է, որ նույնիսկ «ամենաուժեղ բանակը», ինչպիսին իրենց համարում…

  Փետրվարի 16-ին Կոտայքի մարզ կատարած աշխատանքային այցի շրջանակում Մարդու իրավունքների պաշտպան Անահիտ Մանասյանը Հրազդանում հանդիպել է մարզում գործող հասարակական կազմակերպությունների ներկայացուցիչների, իրավունքի ոլորտով հետաքրքրված երիտասարդների, ինչպես նաև հանրակրթական ուսումնական հաստատությունների ուսուցիչների և ղեկավար անձնակազմի հետ։ «Հայի բռունցք» հասարակական կազմակերպության գրասենյակում կազմակերպված հանդիպումը տեղի է ունեցել Ազգային ժողովի պատգամավոր Լիլիթ Ստեփանյանի հետ համատեղ, մասնակցել են նաև ՄԻՊ աշխատակազմի ներկայացուցիչները: Ողջունելով ներկաներին՝ Պաշտպանն ընդգծել է նման ձևաչափով հանդիպումների կարևորությունը՝ նշելով, որ քաղաքացիական հասարակության ներկայացուցիչների հետ բաց…

Կառավարությունը փոփոխություններ և լրացումներ է կատարել պետական հանրակրթական ուսումնական հաստատության տնօրենի թափուր պաշտոնի մրցույթի հայտարարագրման, անցկացման, մասնագիտական հանձնաժողովի ձևավորման, տնօրենի նշանակման և բողոքարկման կարգում: Առաջարկվող փոփոխություններից է ուսումնական հաստատության տնօրենի մրցութային գործընթացի ամբողջական թվայնացումը: Հստակ ամրագրվում է, որ տնօրենի թափուր տեղի մրցույթի հայտարարությունը հրապարակվում է բացառապես Կրթության կառավարման տեղեկատվական համակարգում ձևավորված հարթակում: Նույն հարթակում հրապարակվում են նաև ուսուցչի և ոչ մանկավարժական հաստիքների թափուր տեղերի հայտարարությունները: Ըստ որոշման՝ տնօրենի հավակնորդները մասնակցության հայտերն ու զարգացման ծրագրերը նույնպես…

Շրջակա միջավայրի նախարարության փոխանցմամբ ՝ Հռոմում կայացել է Կենսաբազմազանության մասին կոնվենցիայի առաջիկա նախագահության ներկայացման միջոցառումը․ Հայաստանը ներկայացրեց 2026 թվականին Երևանում կայանալիք համաժողովի տեսլականը : Փետրվարի 16-ին Հռոմում, Կենսաբազմազանության մասին կոնվենցիայի իրականացման հարցերով օժանդակ մարմնի 6-րդ նիստի շրջանակում, Հայաստանի Հանրապետության պատվիրակության նախաձեռնությամբ անցկացվեց առաջիկա նախագահության ներկայացման տեղեկատվական միջոցառում։ Այն հարթակ էր՝ ներկայացնելու Հայաստանի՝ որպես հաջորդ համաժողովի նախագահող կողմի մոտեցումները և 2026 թվականին Երևանում կայանալիք COP17 նախապատրաստական աշխատանքների հիմնական ուղղությունները։ Միջոցառման ընթացքում Շրջակա միջավայրի նախարար Համբարձում Մաթևոսյանը…

Փետրվարի 16-ին Կոտայքի մարզ կատարած աշխատանքային այցի շրջանակում Մարդու իրավունքների պաշտպան Անահիտ Մանասյանն այցելել է «Առաքելություն Հայաստան» հասարակական կազմակերպության «Հրազդանի ցերեկային խնամքի կենտրոն» և «Երեխաների աջակցության հիմնադամի» երեխաների ցերեկային խնամքի և զարգացման կենտրոն։ Այցերը տեղի են ունեցել Ազգային ժողովի պատգամավոր Լիլիթ Ստեփանյանի հետ համատեղ, մասնակցել են նաև ՄԻՊ աշխատակազմի ներկայացուցիչները: Հաստատություններում Պաշտպանն իրականացրել է շրջայցեր, ծանոթացել շահառուներին՝ տարեցներին և երեխաներին մատուցվող ծառայությունների, զարգացման և խնամքի ծրագրերին, ինչպես նաև ուսումնասիրել հաստատության կենսապայմանները, այդ թվում՝ անձնակազմի աշխատանքային…