Թուրքիայի նախագահ Ռեջեփ Թայիփ Էրդողանը և նրա ռուս գործընկեր Վլադիմիր Պուտինը Ռուսաստանի ղեկավարի Անկարա այցի ընթացքում կքննարկեն Ուկրաինայի պատերազմը և հացահատիկի գործարքը, երեքշաբթի ասել է Թուրքիայի արտգործնախարար Հաքան Ֆիդանը, փոխանցում է Reuters-ը։ Միևնույն ժամանակ, Թուրքիայի արտգործնախարարը չի նշել ՌԴ նախագահի այցի ժամկետը։ Անցյալ շաբաթ թուրք պաշտոնյան Reuters-ին հայտնել էր, որ Պուտինը Թուրքիա կայցելի փետրվարի 12-ին։ Մալթայի մայրաքաղաք Վալետայում կայացած մամուլի ասուլիսում Ֆիդանը ասել է, որ Թուրքիան աշխատում է Ուկրաինայի և Ռուսաստանի հետ՝ համաձայնագիրը վերակենդանացնելու ուղղությամբ:…

Պարենային անվտանգության ապահովումը պետական քաղաքականության գերակա ուղղությունն է, քանի որ ընդգրկում է ազգային, տնտեսական, սոցիալական, ժողովրդագրական եւ բնապահպանական գործոնների լայն շրջանակ: Այս մասին, այսօր՝ փետրվարի 6-ին, ԱԺ-ում հայտարարությունների ժամին իր ելույթում ասաց «Հայաստան» խմբակցության պատգամավոր Մհեր Մելքոնյանը: Նա, մասնավորապես, նշել է. «Պետության պարենային անվտանգության աստիճանը կախված է գյուղատնտեսական արտադրության բազային ներուժից։ Պարենային անվտանգության ապահովման բնագավառում ագրարային քաղաքականությունը պետք է ուղղված լինի հայրենական գյուղատնտեսական արտադրողին օգնություն ցուցաբերելուն՝ պետական հովանավորչության ռազմավարության օգտագործմամբ: Հայաստանի Հանրապետության  քաղաքացիների պարենային անվտանգությունն…

Եթե ​​համեմատենք Ադրբեջանով և Հայաստանով անցնող դեպի Սև ծով երթուղիները, ապա կտեսնենք, որ այդ երթուղին Հայաստանի տարածքով կարելի է անցնել երկու օր ավելի շուտ։ Այս մասին փետրվարի 6-ին լրագրողների եւ փորձագետների հետ հանդիպման ժամանակ հայտարարել է Հայաստանում Իրանի արտակարգ եւ լիազոր դեսպան Մեհդի Սոբհանին։ Հայաստանով անցնող ճանապարհի գրավչությունն էլ ավելի բարձրացնելու համար անհրաժեշտ է ազատականացնել օրենքները, նվազեցնել մաքսատուրքերը, կառուցել նոր ճանապարհներ կամ բարելավել գոյություն ունեցողները, հավելել է դիվանագետը։ Նա նշեց, որ առաջիկայում նախատեսվում է անցկացնել…

Պարզվել են Տավուշի մարզի չորս բնակիչների կողմից Երևան քաղաքի 36-ամյա բնակչի առևանգման, վերջինիս նկատմամբ ինքնիրավչություն  կատարելու դեպքի հանգամանքները: Այդ մասին տեղեկություն է տարածվել, որ ՀՀ քննչական կոմիտեի ՀԿԳ քննության գլխավոր վարչության ընդհանուր բնույթի և ընտրական հանցագործությունների քննության վարչությունում քննվող քրեական վարույթով իրականացված քննությամբ հիմնավորվել է, որ Տավուշի մարզի 49-ամյա բնակիչ Մ.Մ.-ն, մի խումբ անձանց՝ եղբոր, նույն մարզի 53-ամյա բնակիչ Ա.Մ.-ի, վերջինիս որդու՝ 27-ամյա Յ.Մ.-ի և  Ա.Մ.-ի ընկերոջ՝ Տ.Հ.-ի հետ, նախնական համաձայնությամբ, առողջության համար վտանգավոր բռնություն…

Փետրվարի 6-ին Հայաստանյայց Առաքելական Սուրբ Եկեղեցին տոնախմբեց Սուրբ Ղևոնդյանց քահանաների հիշատակը։ Այս առիթով Արմավիրի թեմի Սուրբ Աստվածածին եկեղեցում (ք․Վաղարշապատ), Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ, մատուցվեց Սուրբ Պատարագ։ Սրբազան արարողությանը ներկա էին hայաստանյան թեմերից  Սուրբ Էջմիածնում համախմբված 243 եկեղեցականներ, թեմակալ առաջնորդներ, Մայր Աթոռի միաբանությունը և բազմաթիվ հավատավոր հայորդիներ։ Պատարագիչն էր Արմավիրի թեմի առաջնորդանիստ Սուրբ Գրիգոր Նարեկացի եկեղեցու հոգևոր սպասավոր Արժանապատիվ Տ. Ահարոն քահանա Գրիգորյանը։ Տեր Հայրը, իր քարոզում անդրադառնալով օրվա խորհրդին,…

Հայաստանի Ազգային ժողովի խորհուրդը փետրվարի 5-ին գումարել է նիստ: Այն վարել է խորհրդարանի նախագահ Ալեն Սիմոնյանը: Քննարկվել և հաստատվել են Ազգային ժողովի ութերորդ գումարման յոթերորդ նստաշրջանի օրակարգում լրացումներ կատարելու մասին և փետրվարի 6-ին գումարվող հերթական նիստերի օրակարգի նախագծերը: Խորհրդի որոշմամբ սահմանվել են նաև հերթական նիստերի օրակարգային հարցերի քննարկման հաջորդականությունն ու տևողությունը: «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ և լրացումներ կատարելու մասին» և կից ներկայացված օրենքների նախագծերի փաթեթի քննարկման տևողությունը սահմանվել է մինչև երեք ժամ:…

ԱՄՆ դոլարի փոխարժեքն այսօր՝ փետրվարի 5-ին, կազմել է 404.03 դրամ՝ նախորդ օրվա համեմատ աճել է 0.03 դրամով: Այդ մասին տեղեկանում ենք Կենտրոնական բանկի պաշտոնական կայքից։ Եվրոյի փոխարժեքը կազմել է 434.29 դրամ (նվազել է 5.46 դրամով), բրիտանական ֆունտի փոխարժեքը կազմել է 508.84 դրամ (նվազել է 6.91 դրամով), իսկ ռուսական ռուբլու փոխարժեքը կազմել է 4.43 դրամ (նվազել է 0.03 դրամով): Հայաստանյան բանկերում դոլարը գնվում է 401-403 դրամով, վաճառվում է 406.50-408 դրամով: Եվրոն բանկերում գնվում է 426-432 դրամով,…

Մենք վճռականորեն դատապարտում ենք ԱՄՆ եւ Մեծ Բրիտանիայի ռազմական հարձակումները Եմենի դեմ եւ ԱՄՆ ագրեսիան Իրաքում եւ Սիրիայում։ Այս մասին Х սոցցանցի իր բլոգում գրել է Իրանի արտաքին գործերի նախարար Հոսեյն Ամիր-Աբդոլահիանը։ «Մեծ Բրիտանիայի արտաքին գործերի նախարար Դեւիդ Քեմերոնի հետ հանդիպման ժամանակ ես հստակ ասացի. «Պատերազմի շարունակումը լուծում չէ»։ Դուք չեք ցանկանում, փորձել տարածաշրջանի ցասումը։ Մենք Իրաքի, Սիրիայի, Եմենի եւ Պաղեստինի (Գազա եւ Արեւմտյան ափ) անվտանգությունը համարում ենք տարածաշրջանի անվտանգություն»,- գրել է նա։

Երևանում կկառուցվի նոր բժշկական կենտրոն` նոր ստանդարտներով, վերջին սարքավորումներով։ Այս մասին գործակարգավարական նիստում տեղեկացրել է Երևանի քաղաքապետ Տիգրան Ավինյանը։ «Դետալները քննարկել ենք, ֆինանսական հոսքերը գիտենք, միջազգային ֆինանսական գործընկերների շրջանակը նույնպես հասկանալի է»,- մանրամասնել է քաղաքապետը։ Ավինյանի խոսքով՝ սա կարևոր ծրագրերից մեկն է, որը քաղաքապետարանը պարտավորվել է իրականացնել։

Վաղը մեկնարկելիք ԱԺ նիստից առաջ այսօր «Քաղաքացիական պայմանագիր» խմբակցությունը նիստ է անելու։ Օրակարգի հարցերից բացի, ըստ  տեղեկությունների ՔՊ–ականները քննարկելու են նաև օրերս էկոնոմիկայի նախարարությունում ԱԱԾ–ի բացահայտած կոռուպցիոն սկանդալը։ Մասնավորապես խմբակցության պատգամավորներից շատերը անընդունելի են համարում հատկապես  մայրական կաթով սնվող երեխայի մորը նախնական կալանք տալը։ Ի դեպ, այս օրերին «Քաղաքացիական պայմանագիր» խմբակցության պատգամավորները խուսափում են խոսել այս աղմկահարույց գործի մասին։