ԱՄՆ դոլարի փոխարժեքն այսօր՝ մարտի 20-ին, կազմել է 399.77  դրամ՝ նախորդ օրվա համեմատ նվազել է 1.50 դրամով: Այդ մասին տեղեկանում ենք Կենտրոնական բանկի պաշտոնական կայքից։ Եվրոյի փոխարժեքը կազմել է 433.35 դրամ (նվազել է 1.79 դրամով), բրիտանական ֆունտի փոխարժեքը կազմել է 507.51 դրամ (նվազել է 1.34 դրամով), իսկ ռուսական ռուբլու փոխարժեքը կազմել է 4.31 դրամ (նվազել է 0.03 դրամով): Հայաստանյան բանկերում դոլարը գնվում է 395-398 դրամով, վաճառվում է 401-403.5 դրամով: Եվրոն բանկերում գնվում է 424-432 դրամով,…

Մարտի 21-22-ին Մատենադարանում տեղի կունենա «Պատկերի պոեզիան» խորագրով հայ-իրանական գիտաժողով` նվիրված իրանահայ գեղանկարիչ Անդրե Սևրուգյանի 130-ամյակին: Մեսրոպ Մաշտոցի անվան Մատենադարանի տնօրեն Արա Խզմալյանի գլխավորած պաշտոնական պատվիրակությունը հունվարի 26—31 Իրանի Իսլամական Հանրապետություն կատարած այցի շրջանակում կարևոր քննարկումներ էր ծավալվել Իրանի խոշորագույն ձեռագրական և գիտական կենտրոնների ղեկավարների հետ։ Գրավոր ժառանգության ուսումնասիրման և հրատարակման գիտահետազոտական կենտրոնում, Իրանի Ազգային գրադարանում և արխիվում, Կրոնների և դավանանքի մասնագիտացված համալսարանում, Այաթոլահ Մարաշի Նաջաֆիի անվան գրադարանում, առաջատար հրատարակչան տներում տեղի ունեցած հանդիպումներում ձեռք…

Մարտի 22-ին ժամը 17-ն Հայաստանի նկարիչների միությունում  տեղի կունենա  բեմանկարիչ, ՀԽՍՀ վաստակավոր նկարիչ՝ Արշալույս Չիֆլիկյանի  ցուցահանդեսի  բացումը: Արշալույս Չիֆլիկյանը երևույթ է հայ կերպարվեստում, արգասավոր նկարիչ, գրող, հանրագիտակ, մեծահմուտ մանկավարժ, որի մարդկային ու մտավոր արժանիքները բարձր են գնահատել ժամանակակիցները։ Նա միանգամայն արժանիորեն էր կրում Հայաստանի վաստակավոր նկարչի կոչումը (1970 թ.): Նրա ներկայությունը կար մշակույթի տարբեր ոլորտներում՝ նկարչություն, թատրոն, պոեզիա, դրամատուրգիա և այլն, որտեղ իր դեմքն ու տեղն ուներ[1]։ Արշալույսը դպրոց է հաճախել 13 տարեկանում։ Ուսումնառության տարիներին նա ապրել է Գայֆեճյանի բնակարանում։ Արշալույսի համար Գայֆեճյանի բնակարանում ապրելու շրջանը հարուստ է եղել մտավորականության հետ…

ՀՀ բարձր տեխնոլոգիական արդյունաբերության նախարարության փոխանցմամբ  ՝  հայտարարում է 2024թ. մայիսի 22-25-ը  Ֆրանսիայի Հանրապետության մայրաքաղաք Փարիզում  կայանալիք Եվրոպայի ամենախոշոր տեխնոլոգիական միջոցառման՝ «VivaTech 2024» 8-րդ ամենամյա միջազգային ցուցահանդեսի մասնակցության հայտադիմումների ընդունման մասին: Հայտադիմումների ընդունման վերջնաժամկետը մարտի 25-ն է։ Ցուցահանդեսին նախարարությունը մասնակցելու է «ՀԱՅԱՍՏԱՆ» (ARMENIA) միասնական տաղավարով՝ ներկայացնելով հայկական ոլորտային ընկերություններին: Ցուցահանդեսի թեմատիկ բաժինների, անցկացվող միջոցառումների, ինչպես նաև ստարտափ ընկերությունների համար նախատեսված մրցույթների վերաբերյալ առավել մանրամասն տեղեկատվության համար անցնել հետևյալ հղումով: Նախարարությունը հոգալու է ցուցահանդեսային տարածքի վարձակալության, կառուցապատման և ցուցահանդեսի մուտքի…

Ազգային ժողովի խորհուրդը մարտի 18-ին գումարել է նիստ, որը վարել է խորհրդարանի նախագահ Ալեն Սիմոնյանը: ԱԺ-ից  հայտնում են, որ քննարկվել և հաստատվել են Ազգային ժողովի ութերորդ գումարման յոթերորդ նստաշրջանի օրակարգում լրացումներ կատարելու մասին և մարտի 19-ին գումարվող հերթական նիստերի օրակարգի նախագծերը: Խորհրդի որոշմամբ սահմանվել է նաև հերթական նիստերի օրակարգային հարցերի քննարկման հաջորդականությունը: Մարտի 19-ին գումարվող հերթական նիստերի օրակարգի նախագծում ընդգրկվել է 20 հարց:

Մի քանի տասնյակ հասարակական կազմակերպությունները պահանջում են ՀՀ Կառավարությունից որևէ պայմաններում և հանգամանքներում չհրաժարվել Ադրբեջանի դեմ ներկայացված միջպետական դատական գանգատներից և՛ Մարդու իրավունքների եվրոպական դատարանում (ՄԻԵԴ), և՛ ՄԱԿ Արդարադատության միջազգային դատարանում։ Կազմակերպությունները խիստ մտահոգիչ են և անընդունելի են համարում ՀՀ կառավարության և  Ազգային ժողովի ղեկավարների կողմից արտահայտած դիրքորոշումները։ Հասարակական կազմակերպությունների պահանջը բխում է հետևյալ հիմնավորումներից՝ Դատական հայցերով հայցվող իրավունքների պաշտպանությունը որևէ կերպ չի կարող ստորադասվել կամ փոխարինվել քաղաքական գործընթացներով և դրա արդյունքում ընդունվող քաղաքական փաստաթղթերով,…

Հարավից հզոր ցիկլոնի ներթափանցմամբ պայմանավորված՝ մարտի 19-ին և 19-ի լույս 20-ի գիշերը Շիրակում, Լոռիում, Տավուշի նախալեռներում, Արագածոտնի, Կոտայքի, Վայոց ձորի լեռներում, Գեղարքունիքում, Սյունիքի լեռնային և նախալեռնային գոտիներում սպասվում են ձյան առատ տեղումներ, առանձին հատվածներում՝ բուք, ցածր հորիզոնական տեսանելիություն։ Այս մասին Facebook-ի իր էջում հայտնել է ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ը:

Էտալոնային մակնիշի նավթի գինը երկուշաբթի առավոտյան բարձրանում է։ Brent մակնիշի նավթի մայիսյան ֆյուչերսների գինը Լոնդոնի ICE Futures բորսայում կազմել է մեկ բարելը 85,64 դոլար, ինչը 0,3 դոլարով (0,35 տոկոս) ավելի բարձր է նախորդ նիստի ցուցանիշներից։ Ուրբաթ այդ պայմանագրերը էժանացել էին 0,08 դոլարով (0,1 տոկոս)՝ մեկ բարելը 85,34 դոլար։ WTI-ի ապրիլյան ֆյուչերսների գնանշումները Նյու Յորքի ապրանքային բորսայի (NYMEX) էլեկտրոնային աճուրդներում առավոտյան բարձրացել են 0,35 դոլարով (0,43 տոկոս)՝ մեկ բարելը 81,39 դոլար։ Նախորդ աճուրդների արդյունքներով՝ այդ պայմանագրերի…

ԱՆ հիվանդությունների վերահսկման և կանխարգելման ազգային կենտրոնը ներկայացրել է կարմրուկով պայմանավորված իրավիճակը Հայաստանում: 2024-ի մարտի 18-ի դրությամբ հաստատվել է կարմրուկով վարակման 165 դեպք, որից 108-ը՝ երեխա, 57-ը՝ մեծահասակ: 18 մարդ հոսպիտալացված է:

Մարտի 18-ի նիստում ԵՄ Խորհուրդը կքննարկի Հայաստանին աջակցության եւ հայ-ադրբեջանական կարգավորման հարցը։ Եվրամիության 27 երկրների արտաքին գործերի նախարարների Բրյուսելում ընթացող  նիստի օրակարգում, այլ հարցերի թվում, կներառվեն Հայաստանին աջակցությունը Եվրամիության կողմից եւ Երեւանի եւ Բաքվի հարաբերությունների կարգավորումը, տեղեկացրել է ՏԱՍՍ-ը՝ հղում կատարելով ԵՄ բարձրաստիճան ներկայացուցչին։