ՀՀ սննդամթերքի անվտանգության տեսչական մարմնի «Հանրապետական անաասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ը շարունակում է ընդլայնել և զագացնել գործունեության շրջանակը։ 2024 թվականի ընթացքում հավատարմագրվել և շահագործման է հանձնվել Այրում-Բագրատաշենի սահմանային հսկիչ լաբորատորիան, որտեղ մասնագիտական վերապատրաստում անցած մասնագետների կողմից իրականացվում են  միջատաբանական  փորձաքննություններ։ Կենտրոնը վերազինված է արդի սարք-սարքավորումներով, որոնց օգնությամբ առավել ճշգրիտ իրականացվում են ԵԱՏՄ տեխնիկական կանոնակարգերով պահանջվող փորձարկումները։ Սա նաև նշանակում է, որ տնտեսավարողները խնայելու են ժամանակ ու ռեսուրսներ՝ անհարկի ձգձգումներն ու բեռների կուտակումները…

ԱՄՆ պաշտպանության նախարար Լլոյդ Օսթինը և Իսրայելի պաշտպանության նախարար Յոավ Գալանտը շաբաթ և կիրակի կայացած բազմաթիվ հեռախոսազրույցների ընթացքում քննարկել են Իսրայելի և լիբանանյան «Հեզբոլլահ» շարժման միջև հակամարտությունը, հաղորդում է Իսրայելի կառավարության մամուլի ծառայությունը։ Հեռախոսազրույցների ընթացքում Օսթինին տեղեկացրել են Բեյրութին իսրայելական հարվածի մասին, որի հետևանքով սպանել է «Հեզբոլլահի» հրամանատար Իբրահիմ Աքիլը, նշվում է հաղորդման մեջ։ Նրանք նաև քննարկել են Իսրայելի «պաշտպանական դիրքը և «Հեզբոլլահի» բազմաթիվ հրթիռային հարձակումների դեմ գործողությունները»: Զրույցի ընթացքում Գալանտն իր ամերիկացի գործընկերոջը հայտարարել…

Քլիվլենդի կլինիկայի հետազոտությունը ցույց է տվել, որ 2-րդ տեսակի դիաբետ, ճարպակալում եւ երիկամների քրոնիկական հիվանդություն ունեցող պացիենտների մոտ բարիատրիկ վիրահատությունը ասոցիացվում է երիկամների քրոնիկական հիվանդության զգալի նվազման հետ նրանց համեմատ, ովքեր ստացել են GLP-1 դեղեր դիաբետի բուժման համար։ Աշխատանքը հրապարակվել է Annals of Surgery ամսագրում։ ԱՄՆ հիվանդությունների վերահսկման եւ կանխարգելման կենտրոնների տվյալներով՝ 7 մեծահասակ ամերիկացուց մեկը տառապում է երիկամների քրոնիկական հիվանդություններով, որոնք կարող են հանգեցնել երիկամային անբավարարության։ Հետազոտությունում ներառվել է 425 մեծահասակ պացիենտ (18-75 տարեկան), որոնք…

Երեխային համոզելու փորձերը, որ ուտի այն, ինչը չի ցանկանում, կարող են ապարդյուն լինել։ Արցունքներ, հիստերիկա. շատ ծնողների այս զգացողությունը շատ լավ է ծանոթ։ Նոր հետազոտությունը, որն իրականացրել են Լոնդոնի Համալսարանական քոլեջի, Թագավորական քոլեջի եւ Լիդսի համալսարանի գիտնականները,  ցույց է տվել, որ երեխաների սննդի հետ կապված քմահաճությունը «զգալի չափով գենետիկ գիծ է», այն դեպքում, երբ այլ գործոններ, ինչպիսին են մթերքների տեսքը, որոնք ուտում են երեխաները տանը, եւ դրանք ընդունելու տեղը, կարող են նշանակություն ունենալ միայն այն…

Նախագահ Վահագն Խաչատուրյանն ուղերձ է հղել Հայաստանի Անկախության օրվա առթիվ։ Դրանում ասված է․ «Սիրելի հայրենակիցներ, Այսօր մենք նշում ենք Հայաստանի Հանրապետության անկախության 33-րդ տարեդարձը: Մեր երիտասարդ հանրապետությունն անցած երեք տասնամյակների ընթացքում հաղթահարեց ծանր փորձություններ երբեմն նաև անասելի ջանքով, որովհետև նորանկախ պետականությունը հարկադրված էր բախվել պատերազմի, տնտեսական ճգնաժամի, պետական կառավարման համակարգի արմատական վերափոխումների մարտահրավերներին գրեթե միաժամանակ: Բայց մենք կարողացանք որպես ժողովուրդ, որպես պետություն, ամրանալ ու ոտքի կանգնել՝ ունենալով նաև անդառնալի ու ծանր կորուստներ, գտնելով ելքեր՝ անելանելի…

ՀՀ վարչապետ Նիկոլ Փաշինյանը շնորհավորական ուղերձներ է ստանում Հայաստանի Հանրապետության անկախության 33-րդ տարեդարձի առիթով: Ռուսաստանի Դաշնության նախագահ Վլադիմիր Պուտինի շնորհավորական ուղերձում ասված է. «Հարգելի Նիկոլ Վովայի, Ընդունեք շնորհավորանքներս Հայաստանի Հանրապետության Անկախության տոնի առթիվ։ Ռուս-հայկական բարեկամական, դաշնակցային հարաբերությունների հետագա զարգացումը, ինչպես նաև ընդհանուր ինտեգրացիոն միավորումների շրջանակներում կառուցողական փոխգործակցությունը, անկասկած, համապատասխանում են մեր ժողովուրդների հիմնարար շահերին։ Մաղթում եմ Ձեզ առողջություն և հաջողություններ, իսկ Հայաստանի բոլոր քաղաքացիներին՝ երջանկություն և բարեկեցություն»։

ԱՄՆ նախագահ Ջո Բայդենի շնորհավորական ուղերձում ասված է. «Հարգելի պարոն վարչապետ, Միացյալ Նահանգների ժողովրդի անունից մեր բարեմաղթանքներն եմ հղում Ձեզ և Հայաստանի ժողովրդին Անկախության 33-րդ տարեդարձի առիթով։ Հայաստանն ու Միացյալ Նահանգները, կապված լինելով մեր ժողովուրդների միջև խորը կապերով, միասին աշխատում են ստեղծելու ավելի լավ ապագա, այդ թվում՝ բարձրացնելով մեր հարաբերությունները դեպի ռազմավարական գործընկերություն: Սա կխթանի մեր համագործակցությանն ամբողջ ծավալով՝ սկսած անվտանգության և պաշտպանության մեր գործընկերության ամրապնդումից մինչև մաքուր էներգիայի և առևտրի դիվերսիֆիկացման մեր նախաձեռնությունների արագացում:…

Հայաստանի Հանրապետության անկախության վերականգնման 33-րդ տարեդարձը կարևոր առիթ է արժևորելու անկախ պետականության կայացումը, ինչպես և անդրադառնալու մեր պետության առջև ծառացած մարտահրավերներին: Այս մասին ասվում է Հայ Յեղափոխական Դաշնակցության Բյուրոյի շնորհավորական ուղերձում: «Անկախ պետականությունը յուրաքանչյուր ազգի ինքնակազմակերպման բարձրագույն ձևն է և բաղձալի երազանքը: Այս նվաճումը պահպանելն ու զարգացնելը պահանջում են հետևողական և համառ պայքար: Հայ ժողովուրդն հերթական անգամ պատմական ընտրության առջև կանգնեց 1991 թ. և արցախյան գոյամարտի բովում կյանքի կոչեց ազատ ու անկախ ապրելու դարավոր իղձը:…

Երախտագիտության մեդալով են պարգևատրվել «Հարավկովկասյան երկաթուղի» ՓԲԸ գլխավոր տնօրեն Ալեքսեյ Մելնիկովը և «Ռուսական երկաթուղիներ» ՓԲԸ-ի խորհրդի նախագահ Օլեգ Բելոզերովը․ տեղեկանում ենք ՀՀ նախագահ Վահագն Խաչատուրյանի հրամանագրից։ «Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի և «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին մասի. Հայ-ռուսական բարեկամական հարաբերությունների ամրապնդման և Հայաստանում տեղի ունեցած աղետալի ջրհեղեղի հետևանքների վերացման գործում ներդրած նշանակալի ավանդի համար Երախտագիտության մեդալով պարգևատրել` Օլեգ Վալենտինի ԲԵԼՈԶՅՈՐՈՎԻՆ «Ռուսական երկաթուղիներ» բաց բաժնետիրական…

Հայաստանի Հանրապետության 33 տարի առաջ ձեռք բերված անկախության տոնի առթիվ իր շնորհավորական ուղերձն է հղել«ԱՌԱՋԱԴԵՄ ՀԱՅԱՍՏԱՆ /PROGRESSEVE ARMENIA» քաղաքացիական նախաձեռնությունը: