Քաղաքացին դիմել է Մարդու իրավունքների պաշտպանին՝ խնդրելով աջակցել որդուն զինվորական գրքույկի կամ զինվորական հաշվառման վերաբերյալ տեղեկանքի տրամադրման և անձնագրավորման հարցում։ Մասնավորապես, անձը տեղեկացրել է, որ որդին 2025 թվականի ձմեռային զորակոչի ընթացքում առողջական խնդիրների պատճառով, ճանաչվել է ոչ պիտանի զինվորական ծառայության համար։ Միևնույն ժամանակ հայտնել է, որ որդուն արտերկրում հրատապ վիրահատական միջամտություն իրականացնելու անհրաժեշտություն է առաջացել, առկա է նաև համապատասխան բժշկական ցուցում։ Քաղաքացու հավաստմամբ՝ որդին դեռևս չի ստացել զինվորական գրքույկ, իսկ տարածքային զինվորական կոմիսարիատը հրաժարվել է…

Փետրվարի 25-ին Հայաստանի որոշ շրջաններում սպասվում են տեղումներ, լեռներում՝ ձյան և ձնախառն անձրևի, իսկ նախալեռներում և հովիտներում՝ անձրևի տեսքով։ Օդերևութաբանները կանխատեսում են նաև հարավարևմտյան քամիների ուժգնացում, որը որոշ տեղերում կհասնի 15-19 մ/վրկ արագության։ Ինչպես հայտնեցին Հայպետհիդրոմետ ծառայությունից, գիշերը Երևանում սպասվում է կարճատև անձրև, իսկ օրվա մնացած մասը կանցնի առանց տեղումների։ Մայրաքաղաքում գիշերը ջերմաստիճանը կտատանվի 1-ից 3 աստիճանի սահմաններում, իսկ վաղը ցերեկը կհասնի 12-ից 14 աստիճանի։ Օդի ջերմաստիճանը մարզերում՝ Շիրակում՝ գիշերը՝ -4-9, ցերեկը՝ +2+6 Կոտայքի լեռներում՝…

«Հայաստանի էլեկտրական ցանցեր» ՓԲ ընկերության Անվտանգության և վերահսկողության ու Տեխնիկական տնօրինությունների կողմից ՀՀ ողջ տարածքում իրականացված լայնածավալ ստուգայցերի արդյունքում վերհանվել են մի շարք լուրջ թերություններ, այդ թվում՝ 15 ենթակայանների կրիտիկական վիճակ։ Այս մասին հաղորդագրություն է տարածել ՀԷՑ–ը։ «Ժամանակավոր կառավարիչ Ռոմանոս Պետրոսյանի գլխավորությամբ տրվել են անհապաղ հանձնարարականներ՝ տեխնիկական և անվտանգային խնդիրների շտկման, ինչպես նաև վերակառուցման և արդիականացման ծրագրերի մշակման ուղղությամբ։ Նախօրեին «Հայաստանի էլեկտրական ցանցեր» ՓԲ ընկերության գլխամասային գրասենյակում ժամանակավոր կառավարիչ Ռոմանոս Պետրոսյանի գլխավորությամբ տեղի ունեցավ աշխատանքային…

ՀՀ-ում օտարերկրյա քաղաքացիներն աշխատանքային գործունեություն կարող են իրականացնել՝ նախապես ստանալով աշխատանքի թույլտվություն և ժամանակավոր կացության կարգավիճակ։ Այս մասին տեղեկացնում են ՀՀ աշխատանքի և սոցիալական հարցերի նախարարությունից: Այս նպատակով գործատուն կարող է հայտ ներկայացնել առցանց եղանակով՝ ՀՀ ներքին գործերի նախարարության միգրացիայի և քաղաքացիության ծառայության workpermit.am միասնական էլեկտրոնային հարթակում։ Աշխատանքի թույլտվության և ժամանակավոր կացության կարգավիճակը տրամադրվում կամ մերժվում է հայտը ներկայացնելու օրվանից հետո առավելագույնը 30 օրվա ընթացքում։ Հայաստանի Հանրապետությունում աշխատանքային միգրանտների իրազեկման ուղեցույցը՝ այստեղ:

Այսօրվա Հայաստանում մենք լուծել ենք և լուծված ենք համարում մի պատմական խնդիր, որի մասին խոսել ենք դեռևս 2018 թվականին: Այդ խնդիրը հետևյալն է, որ մենք, ինչպես այն ժամանակ ձևակերպել էինք, պետք է կարողանանք հաղթահարել պատմությունից մեզ հասած ծանր ցիկլը, երբ Հայաստանը, աշխարհաքաղաքական հանգամանքների բերումով, երբեմն իրենից չկախված հանգամանքների բերումով ստանում է անկախություն, հայ ժողովուրդը ստանում է պետականություն, հետո էլի աշխարհաքաղաքական հանգամանքների բերումով՝ շատ դեպքերում՝ չկախված իր որոշումներից և իրենից, այդ պետականությունը և անկախությունը կորցնում է:…

Սննդամթերքի անվտանգության տեսչական մարմնի Երևանի կենտրոնի տեսուչները «Էվրի Դեյ» ՓԲԸ-ին պատկանող խմելու ջրի արտադրամասում (Վայոց ձորի մարզ, ք․ Ջերմուկ) անցկացվող վերահսկողական միջոցառման ընթացքում պարզել են, որ սանիտարահիգիենիկ սահմանված նորմերն այստեղ խախտվել են: Այս մասին NEWS.am–ին տեղեկացնում են ՍԱՏՄ-ից: Ի մասնավորի՝ պահեստային մասի և արտադրամասի պատերի մակերևույթները պատված չեն եղել անջրանցիկ, լվացվող, ախտահանվող նյութերից, որոշ հատվածներ եղել են խոնավ և բորբոսով պատված, առաստաղը նորոգ չի եղել, ինչը չի կանխարգելում կեղտի կուտակումը, բորբոսի առաջացումը և առաստաղից մասնիկների թափվելու…

Սննդամթերքի անվտանգության տեսչական մարմնի Երևանի կենտրոնի տեսուչները «Բաբիկ-90» արտադրական կոոպերատիվին պատկանող մսամթերքի արտադրամասում (Երևան, Հաղթանակ 4-րդ թաղամաս) իրականացրած վերահսկողական միջոցառումների ընթացքում լաբորատոր փորձաքննության են հանձնել նմուշներ առկա արտադրատեսակներից (ապրանքանիշը՝ «DG»): Նմուշներից երկուսը՝ «կոտլետ հավի կիևյան, սառեցված մսային աղացած կիսապատրաստվածքներ» արտադրատեսակի նմուշը (արտադրված 20․01․2026թ.) «ախտածին ա/թ սալմոնելաներ» ցուցանիշով, իսկ ««Մոսկովյան երշիկ» կիսաապխտած երշիկ մսային պաղեցված» արտադրատեսակի նմուշը (արտադրված 20․01․2026թ.) «նատրիումի նիտրիտ վերահաշվարկված ըստ NaNO2-ի» ցուցանիշով չեն համապատասխանել Մաքսային Միության տեխնիկական կանոնակարգերի պահանջներին: Մսամթերքի արտադրամասի արտադրական գործունեության…

2025 թվականին կոռուպցիայի ընկալման համաթիվը 46 է եղել։ Այս մասին փետրվարի 23-ին լրագրողների հետ հանդիպման ժամանակ հայտարարել է «Transparency International» հակակոռուպցիոն կենտրոնի փորձագետ Վարուժան Հոկտանյանը։ Նա պարզաբանել է, որ աշխարհում կոռուպցիայի ընկալման համաթիվը չափվում է 1-ից 100 միավորի միջակայքում: Փորձագետը հիշեցրել է, որ 2018 թվականին այս ցուցանիշը կազմել է ընդամենը 35, ինչն արտացոլել է 2017 թվականի արդյունքները: Սակայն դրանից հետո այն կտրուկ աճել է՝ հասնելով 42-ի, իսկ այնուհետև՝ 49-ի: «2019-20 թվականներին կոռուպցիայի համաթիվը կտրուկ լավացել…