Author: nazaryan.vigen.99.vn

Հունիսի 12-ի դեպքերից հետ կապված բոլոր հարցադրումներին ՆԳՆ-ն որոշակի պատասխաններ ուղարկել է. միաժամանակ տեղեկատվության հետ կապված հատուկ նախազգուշացում կա, որ դրանց որոշ մասը նախաքննական գաղտնիք է: Այս մասին, այսօր՝ սեպտեմբերի 5-ին, կառավարության նիստից հետո լրագրողների հետ զրուցում ասաց Մարդու իրավունքների պաշտպան Անահիտ Մանասյանը՝ պատասխանելով հարցին, արդյո՞ք ՆԳՆ-ից իրեն պատասխանել են, թե հունիսի 12-ին ԱԺ մոտ կիրառե՞լ են «Զարյա 3», թե՞ ոչ։ Նա նշեց, որ պատկան մարմիններին կոմունիկացրել է, որ սա հանրային հետաքրքրություն ներկայացող հարց է,…

ԲԴԽ անդամներ Երանուհի Թումանյանցը, Քրիստինե Մկոյանը, Կարեն Թումանյանը և Հայկ Գրիգորյանն այսօր ընդունել են ԵԽ Մարդու իրավունքների և իրավունքի գերակայության հարցերով գլխավոր տնօրեն Քլեր Օվեյին, ՄԻԵԴ վճիռների կատարման բաժնի ներկայացուցիչներ Պավլո Պուշկարին և Տատյանա Կոժոկարուին: Այս մասին  տեղեկացնում են Դատական իշխանությունից: Հանդիպմանը մասնակցել են նաև Միջազգային իրավական հարցերով ներկայացուցչի գրասենյակի ղեկավար Լիպարիտ Դրմեյանը, նրա տեղակալը ու Վճիռների և որոշումների կատարման վարչության պետը։ Քննարկման առանցքային թեման եղել է ԲԴԽ որոշումների բողոքարկման ինստիտուտի ներդրումը, դրա համապատասխանեցումը միջազգային ստադարտներին,…

Սեպտեմբերի 6-ին հանրապետության առանձին վայրերում սպասվում են կարճատեւ անձրեւներ եւ ամպրոպ։ Օդերեւութաբանները կանխատեսում են հարավարեւմտյան քամու ուժգնացում՝ 18-22 մ/վրկ։ Օդի ջերմաստիճանը ցերեկային ժամերին կիջնի մի քանի աստիճանով։ Ինչպես  տեղեկացրել են «Հայպետհիդրոմետում», Երեւանում գիշերը եւ օրվա երկրորդ կեսին սպասվում են կարճատեւ տեղումներ եւ ամպրոպ, ամպրոպի ժամանակ քամին կուժեղանա՝ 17-20 մ/վրկ։ Առաջիկա գիշեր մայրաքաղաքում կլինի +18+20, վաղը ցերելը՝ +39+31։ Օդի ջերմաստիճանը մարզերում. Շիրակում գիշերը՝ +9+14, ցերեկը՝– +20+23, Կոտայքի լեռներում գիշերը՝+8+13, ցերեկը՝ +20+22, Կոտայքի նախալեռներում գիշերը՝ +16+18, ցերեկը՝ +27+29,…

ՀՀ կառավարության որոշմամբ 2024 թվականի պետական բյուջեում կատարվել է վերաբաշխում և դրամական խրախուսում է տրամադրվել մշակույթի ոլորտի միջազգային հեղինակավոր փառատոներին և մրցանակաբաշխություններին մասնակցած և մրցանակի արժանացած մշակույթի 3 գործչի և 2 խմբի: Այս մասին տեղեկացնում են ԿԳՄՍՆ-ից: Փոփոխությունը կատարվել է՝ համաձայն ՀՀ կառավարության 2024 թվականի փետրվարի 29-ի N305-L որոշմամբ հաստատված «Մշակույթի ոլորտի միջազգային հեղինակավոր փառատոների և մրցանակաբաշխությունների մասնակցած և մրցանակի արժանացած մշակույթի գործիչներին դրամական խրախուսում տրամադրելու ծրագրի»: Դրամական խրախուսումը նախատեսվում է հատկացնել «Ամերիկացին» հայկական ֆիլմի ստեղծագործական…

Եվրոպայի խորհրդի (ԵԽ) երկրների արդարադատության նախարարները սեպտեմբերի 5-ին Վիլնյուսում կայանալիք միջազգային համաժողովում ծրագրում են քննարկել Ուկրաինայում Ռուսաստանի միջազգային հանցագործությունները հետաքննող Հատուկ տրիբունալի ստեղծման հետագա քայլերը: Այս մասին հայտնում է լիտվական LRT հեռուստաընկերությունը՝ հղում անելով երկրի արդարադատության նախարարության հայտարարությանը։ Նախարարության համաձայն՝ «Ուկրաինայում միջազգային հանցագործությունների համար պատասխանատվություն» բարձր մակարդակի համաժողովը Եվրոպայի խորհրդի Նախարարների կոմիտեում Լիտվայի նախագահության առանցքային իրադարձություններից մեկն է։ Լրագրողները նշել են, որ համաժողովի ընթացքում ԵԽ արդարադատության նախարարները կքննարկեն Ուկրաինայի դեմ Ռուսաստանի չպատճառաբանված ագրեսիայի համար քրեական…

  Անհատ ձեռնարակատեր Լիանա Գրիգորյանին պատկանող կաթնամթերքի վերամշակման արտադրամասում (Սյունիքի մարզ, գյուղ Ակներ) իրականացված վերահսկողական միջոզառումների ընթացքում ՀՀ սննդամթերքի անվտանգության տեսչական մարմնի Սյունիքի մարզային կենտրոնի տեսուչները հատնաբերել են սանիտարահիգիենիկ բնույթի խախտումներ, որոնք հակասում են իրավական ակտերով սահմանված պահանջներին: Մասնավորապես՝ -արտադրական շինությունների նախագծումը, դրանց կառուցվածքը, դասավորվածությունը և չափսը չեն բացառել կենդանիների (այդ թվում՝ կրծողների և միջատների) ներթափանցումը, -հատակների, պատերի, առաստաղների մակերևույթները պատրաստված չեն եղել անջրանցիկ, լվացվող, ախտահանվող նյութերից, չի ապահովվել պաշտպանությունը կեղտի կուտակումներից, մասնիկների թափվելուց, բորբոսի…

ԱՄՆ դոլարի փոխարժեքն այսօր՝ սեպտեմբերի 5-ին, կազմել է 387.30 դրամ՝ նախորդ օրվա համեմատ նվազելով 0.33 դրամով: Այդ մասին տեղեկանում ենք Կենտրոնական բանկի պաշտոնական կայքից։ Եվրոյի փոխարժեքը կազմել է 429.86 դրամ (աճել է 1.41 դրամով), բրիտանական ֆունտի փոխարժեքը կազմել է  509.88 դրամ (աճել է 1.54 դրամով), իսկ ռուսական ռուբլու փոխարժեքը կազմել է 4.29 դրամ (նվազել է 0.05 դրամով): Հայաստանյան բանկերում դոլարը գնվում է 384-386.5 դրամով, վաճառվում է 389.5-391 դրամով: Եվրոն բանկերում գնվում է 418-427 դրամով, վաճառվում…

Ներքին գործերի նախարարությունը, պայմանավորված համակարգում ընթացող համընդգրկուն բարեփոխումներով, ընթացիկ աշխատանքները նոր տրամաբանությամբ կազմակերպելու անհրաժեշտությամբ, հավաքագրում է մասնագետների տվյալներ, որոնք կհամալրեն նախարարության թափուր հաստիքային միավորները, այդ թվում՝ հայեցողական պաշտոններ, քաղաքացիական աշխատանք և տեխնիկական սպասարկման ապահովման հաստիքներ։ Այդ մասին  հայտնում են ՆԳՆ-ից: «Արդյունքում՝ կձևավորվի կադրային բանկ, ինչը թույլ կտա, ըստ անհրաժեշտության, ՆԳ նախարարության համապատասխան թափուր հաստիքները զբաղեցնելու համար սեղմ ժամկետներում ընտրել մասնագետներ։ Հայտեր ներկայացնելու համար անհրաժեշտ է ուղարկել ինքնակենսագրություն (CV) և դիմում՝ հայտը տվյալների բանկում ներառելու մասին։ Փաստաթղթերը…

Գիտնականները կապ չեն գտել բջջային հեռախոսների օգտագործման և ուղեղի քաղցկեղի միջև, հայտնում է HealthDay-ը։ Առողջապահության համաշխարհային կազմակերպության (ԱՀԿ) պատվերով գիտնականները վերլուծել են հինգ հազար հետազոտություններ, որոնք հրապարակվել են 1994-ից 2022 թվականներին: Նրանք փորձում էին պարզել, թե արդյոք անլար էլեկտրոնիկայի (ներառյալ բջջային հեռախոսների) ռադիոհաճախականությունների ազդեցությունը կարող է մեծացնել ուղեղի քաղցկեղի զարգացման հավանականությունը: Հեղինակները կենտրոնացել են 63 ուսումնասիրությունների վրա: Նրանք չեն հայտնաբերել ռիսկի բարձրացում նույնիսկ երկարաժամկետ (10 տարի և ավելի) կամ հաճախակի բջջային հեռախոս օգտագործելու դեպքում: Բացի…

Ադրբեջանի իշխանությունը ոչնչացնում է Արցախի  հոգևոր-մշակութային ժառանգությունը,  իսկ ՀՀ-ի իշխանությունները լռում են, «Ապառաժ»-ին տված հարցազրույցում ասել է Հայ Առաքելական Եկեղեցու Արցախի թեմի առաջնորդ Տեր Վրթանես եպիսկոպոս Աբրահամյանը։ «Ցավոք սրտի, եթե սա մի ժողովրդի հոգևոր-մշակութային ժառանգության ոչնչացում է և այդ ժողովրդի իշխանության կողմից իրավական, քաղաքական գնահատական չի տրվում, հասարակ ժողովուրդը ոչինչ չի կարող անել, եկեղեցին իր ամբողջ ուժականությամբ չի կարող ազդել, սա պետական քաղաքականություն է, ոչնչացումը տեղի է ունենում Ադրբեջանի իշխանության կողմից, իսկ ՀՀ-ի իշխանությունները լռում…