Քաղաքականություն

Կառավարությունն իր այսօրվա՝ հունվարի 25-ի նիստում հավանություն տվեց Հայաստանի միացմանը Ենթակառուցվածքային Ներդրումների Ասիական Բանկի ստեղծման Համաձայնագրին՝ 374 բաժնեմասի բաժանորդագրմամբ: Որոշման հիմնավորման մեջ ասվում է. «Ենթակառուցվածքային Ներդրումների Ասիական Բանկին (ԵՆԱԲ) անդամակցում են 106 հաստատված անդամ երկրներ, իսկ հիմնադիր 57 անդամ երկրների թվում են՝ Իրանը (2,541 բաժնեմաս), Վրաստանը (539 բաժնեմաս), Թուրքիան (26,099 բաժնեմաս) և Ադրբեջանը (2,541 բաժնեմաս)։ Բանկին ՀՀ անդամակցության գործընթացի հետ կապված բանակցությունները սկսվել են դեռևս 2016 թվականից։ Բանկին անդամակցության գործընթացը նախատեսում է բաժանորդագրում Բանկի բաժնետիրական…

Այսօր «Քաղաքացիական պայմանագիր» խմբակցությունը Ազգային ժողովում հանդիպել է Արտաքին գործերի նախարար Արարատ Միրզոյանի հետ: Հայտնում են ՀՀ Ազգային ժողովի   «Քաղաքացիական պայմանագիր» խմբակցության   ղեկավար Հայկ Կոնջորյանի գրասենյակից: Քննարկվել է Հայաստան-Ադրբեջան հարաբերությունների կարգավորման գործընթացը: Մտքեր են փոխանակվել Հայաստան-Թուրքիա հարաբերությունների կարգավորման, ինչպես նաև տարածաշրջանային և միջազգային զարգացումների շուրջ:        

Նախագահ Պուտինն անձամբ որոշիչ դեր է խաղացել այն հարցում, թե ինչպես հնարավոր եղավ դադարեցնել պատերազմը 2020 թվականի նոյեմբերին, և ինչպես են համաձայնեցվել մի քանի եռակողմ փաստաթղթեր ամենաբարձր մակարդակով՝ հայ-ադրբեջանական-ռուսական, որոնք սահմանում էին կարգավորման առանցքային պարամետրերը, այդ թվում՝ խնդիրները՝ սահմանների սահմանազատման, առևտրի և տրանսպորտային ուղիների ապաշրջափակման և խաղաղության պայմանագրի ստորագրման մասին: Այս մասին հայտարարել է ՌԴ ԱԳ նախարար Սերգեյ Լավրովը ՄԱԿ-ի Անվտանգության խորհրդի միջոցառումներին մասնակցության արդյունքներին հաջորդած մամուլի ասուլիսում։ Նա նշեց, որ երեք երկրների փոխվարչապետների մակարդակով…

ՀՀ Արտգործնախարար Արարատ Միրզոյանը հաստատել է, որ Ադրբեջանը խնդիրներ է տեսնում Հայաստանի Անկախության հռչակագրի մեջ։ «Բարձրաձայն էլ իրենք այդ մասին ասել են, այո։ Իրենք համարել են, որ դա խնդիր է  և իրավական հարցեր են ներկայացրել։ Մենք էլ համապատասխանաբար նույն կերպ խնդրահարույց ենք համարել իրենց մոտ ձևակերպումները», – «Ազատության» հետ զրույցում հայտարարել է նախարարը։ Հայաստանի գործող Սահմանադրության նախաբանում հղում է արվում Անկախության հռչակագրին, որտեղ հիշատակում կա նաև Հայաստանի և Արցախի վերամիավորման մասին։ Օրեր առաջ Հայաստանի վարչապետը…

Պաղեստինի հարցը հիմնարար է իսլամական աշխարհի համար և պահանջում է արդար կարգավորում: Այս մասին Անկարայում հայտարարել է Իրանի նախագահ Էբրահիմ Ռաիսին Թուրքիայի նախագահ Ռեջեփ Թայիփ Էրդողանի հետ բանակցություններից հետո, փոխանցում է TRT Haber հեռուստաալիքը։ Նա նաեւ հայտարարեց, որ անհրաժեշտ է համատեղ ջանքեր գործադրել նոր, արդար աշխարհակարգ հաստատելու եւ այդ ուղղությամբ Թուրքիայի հետ համագործակցելու համար։ «Էրդողանի հետ բանակցություններում մենք պայմանավորվեցինք աջակցել պաղեստինյան կողմին և դիմադրության առանցքին», – ասել է Ռաիսին՝ հանդես գալով Գազայում կատարված հանցագործությունների համար…

Թուրքիայի խորհրդարանը հավանություն է տվել Շվեդիայի` ՆԱՏՕ-ին միանալու արձանագրության նախագծին, հայտնում է Anadolu-ն։ Դեկտեմբերի վերջին Թուրքիայի խորհրդարանի համապատասխան հանձնաժողովը հավանություն է տվել նախագծին։ Վերջին երկիրը, որը հավանություն չի տվել Շվեդիայի անդամակցությանը ՆԱՏՕ, Հունգարիան է։ Ավելի վաղ, Հունգարիայի վարչապետ Վիկտոր Օրբանը հայտնել էր, որ Շվեդիայի վարչապետ Ուլֆ Քրիստերսոնին հրավիրել է Բուդապեշտ, և իրենց հանդիպման առանցքային թեման լինելու են Շվեդիայի՝ ՆԱՏՕ-ին անդամակցելու բանակցությունները։        

Հայաստանը բարձր և ամենաբարձր մակարդակով շարունակում է երկխոսությունը Ռուսաստանի Դաշնության հետ։ Այս մասին հունվարի 23-ին  անցնող տարվա արդյունքներին նվիրված մամուլի ասուլիսում հայտարարել է ՀՀ ԱԳ նախարար Արարատ Միրզոյանը։ Նրա խոսքով՝ կայացել է Փաշինյան-Պուտին երկու հանդիպում, 9 հեռախոսազրույց։ ԱԳ նախարարների մակարդակով կայացել է 6 հանդիպում, համաժողովին մասնակցելու նպատակով ՀՀ Նախագահն այցելել է Սանկտ Պետերբուրգ։ Նախարարն ԱՄՆ-ի հետ երկխոսությունն անվանել է ռազմավարական՝ հավելելով, որ շարունակվում է հարաբերությունների ամրապնդումն ու ընդլայնումը մի շարք ոլորտներում, մասնավորապես՝ ժողովրդավարության, կոռուպցիայի դեմ…

ՀՀ ԱԺ նախագահ Ալեն Սիմոնյանը հունվարի 23-ին ընդունել է Հայաստանի Հանրապետությունում Նորվեգիայի Թագավորության նորանշանակ արտակարգ և լիազոր դեսպան Բերգլյոտ Հովլանդին (նստավայրը՝ Թբիլիսի): ԱԺ նախագահը շնորհավորել է դեսպան Հովլանդին նշանակման առթիվ՝ հաջողություն մաղթելով պաշտոնավարման ընթացքում: «Հայաստանը մշտապես զգացել է բարեկամ Նորվեգիայի աջակցությունը: Մենք երախտագիտությամբ հիշում ենք նորվեգացիներ Ֆրիտյոֆ Նանսենին, Բոդիլ Բյորնին, ովքեր օգնություն են տրամադրել հայերին Հայոց ցեղասպանության ժամանակ: Այսօր եւս շնորհակալ ենք Նորվեգիայի կառավարությանը՝ Լեռնային Ղարաբաղից բռնի տեղահանված մեր հայրենակիցների կարիքներին ուղղված աջակցության համար»,- նշել…

Հայաստանի եւ Թուրքիայի միջեւ պայմանավորվածությունների կատարման հարցում կա՛մ չկան էական բովանդակային քայլեր, կա՛մ արդյունքներ չկան։ Այս մասին հունվարի 23-ին լրագրողների հետ հանդիպման ժամանակ ասաց ՀՀ ԱԳ նախարար Արարատ Միրզոյանը։ Նա ասել է, որ պայմանավորվածությունները քննարկվել են Թեհրանում իր թուրք գործընկերոջ հետ հանդիպմանը։ Հայաստանը պատրաստ է բացել սահմանը քաղաքական և ենթակառուցվածքային առումով, Թուրքիայի կողմից որոշում չկա, նշել է արտգործնախարարը։        

Հայաստանի իշխանություններն աշխատում են ականների մասին տեղեկություններ ստանալու ուղղությամբ։ Այս մասին հունվարի 23-ին լրագրողների հետ հանդիպման ժամանակ հայտարարեց Հայաստանի արտգործնախարար Արարատ Միրզոյանը։ «Փոխադարձ կառուցողական մոտեցման և վստահության ամրապնդման դեպքում մենք կկարողանանք վերականգնել հավաստի տեղեկատվությունը և այն փոխանցել Ադրբեջանին։ Բայց այս գործընթացը պետք է տեղի ունենա միջազգային գործընկերների միջոցով։ Սա թույլ կտա համոզվել, որ հայկական կողմը հավաստի տեղեկատվություն է փոխանցում»,- նշեց նա։