Հայաստանը բարձր և ամենաբարձր մակարդակով շարունակում է երկխոսությունը Ռուսաստանի Դաշնության հետ։ Այս մասին հունվարի 23-ին անցնող տարվա արդյունքներին նվիրված մամուլի ասուլիսում հայտարարել է ՀՀ ԱԳ նախարար Արարատ Միրզոյանը։
Նրա խոսքով՝ կայացել է Փաշինյան-Պուտին երկու հանդիպում, 9 հեռախոսազրույց։ ԱԳ նախարարների մակարդակով կայացել է 6 հանդիպում, համաժողովին մասնակցելու նպատակով ՀՀ Նախագահն այցելել է Սանկտ Պետերբուրգ։
Նախարարն ԱՄՆ-ի հետ երկխոսությունն անվանել է ռազմավարական՝ հավելելով, որ շարունակվում է հարաբերությունների ամրապնդումն ու ընդլայնումը մի շարք ոլորտներում, մասնավորապես՝ ժողովրդավարության, կոռուպցիայի դեմ պայքարի, դատական համակարգի։
Անցած տարվա ընթացքում Փաշինյանի և Բլինկենի միջև տեղի է ունեցել 8 հեռախոսազրույց, և Սամանթա Փաուերը Հայաստան է այցելել Արցախի դեմ Ադրբեջանի ագրեսիայից հետո։ Այս ընթացքում Միրզոյան-Բլինկեն 3 հանդիպում է կայացել։