«Լիզինգի ներդնումը լինելու է ԱՄԻՕ ԲԱՆԿԻ մրցակցային առավելություններից մեկը շուկայում»,- համոզված է «Լիզինգատուների ասոցիացիա» ՀԿ նախագահ Արսեն Բազիկյանը:
Ամիօ բանկում լիզինգ ֆինանսական գործիքի ներդրման ավարտի և դրա շրջանակներում կազմակերպված դասընթացի մասնակիցներին հավաստագրեր հանձնելու կապակցությամբ իր խոսքում նա ընդգծեց հաճախորդներին լիզինգային ծառայությունների մատուցման անհրաժեշտության մասին:
Բանկում «Լիզինգ» ֆինանսական գործիքի ներդրման կապակցությամբ Արսեն Բազիկյանի կողմից անցկացվել էին մուդուլային դասընթացներ բանկի համապատասխան ստորաբաժանումների աշխատակիցների և ղեկավարների համար: Միաժամանակ հաջողությամբ իրականացվել է լիզինգի տրամադրման գործընթացին բանկի համապատասխան ստորաբաժանումների ինտեգրումը:
ԱՄԻՕ ԲԱՆԿԻ Կորպորատիվ հաճախորդների սպասարկման բաժնի պետ Միսակ Ավագյանը, շնորհակալություն հայտնելով Լիզինգատուների ասոցիացիայի նախագահին, կարևորել է լիզինգ գործիքի ներդրումը՝ հատկապես վերաբրենդավորումից հետո հաճախորդների պահանջներին և ակնկալիքներին ընդառաջ գնալու և ֆինանսական հասանելիություն ապահովելու տեսանկյունից:
Նշենք, որ ավելի վաղ, ԱՄԻՕ ԲԱՆԿԸ, կարևորելով լիզինգային շուկայի արագ զարգացման տեմպերը և լիզինգային գործարքների իրականացման համար առավել բարենպաստ գործունեության միջավայրը, անդամակցել էր ՀՀ Լիզինգատուների Ասոցիացիային:
ԱՄԻՕ ԲԱՆԿԸ վերահսկվում է ՀՀ կենտրոնական բանկի կողմից
