Ճանապարհաշինության ոլորտում երկարամյա և վաստակաշատ ինժեներ ՀՐԱՉԻԿ ՍԱՐԳՍՅԱՆԸ հանրապետությունում ճանաչված և ոլորտի առաջատար մասնագերտներից է , այդ մասին փաստում են նրա կատարած աշխատանքները , որոնք երկար են ծառայում հանրությանը և նրա համար ստեղծում են ճանապարհ իր մասնագիտական հնարավորությունները դրսևորելու կազմակերպության ներսում:
Ինժեները շատ պատասխանատու ծրագրեր է իրականացրել հանրապետության՝ համայնքին, միջպետական – հանրապետական ինչպես նաև այսօր ՀՀ կառավարության կողմից պատվիրակված Հայաստան – Թուրքիա սահմանի ճանապարհի վերականգնման մի հատվածը:
«Զրուց» թերթի եվ «progressarmenia.com» կայքի հյուրն է բազմավաստակ ինժեներ Հրաչիկ Սարգսյանը
-Պարոն Սարգսյան ներկայացրեք խնդրեմ նախորդ տարվա Ձեր կողմից կատարված աշխատանքների մասին՝ մասնավորապես Արարատ միավորված համայնքում:
– Նախորդ տարի Զանգակատան կենտրոնական ճանապարհի, Պարույր Սևակի տուն – թանգարան տանող ճանապարհին ասֆալտապատում ենք իրականացրել: Նախորդ տարի զգալի աշխատանքներ ենք կատաարել Արարատի մարզում ինչպես նաև Արարատ միավորված համայնքի տարածաշրջանում, իսկ պատվիրատուն եղել է ՀՀ տարածքային կառավարման և ենթակառուցվածքների նախարարությունը մասնավորապես Երևան – Երասխ – Մեղրի ավտոճանապարհի 53 – 65 կմ միջպետական ճանապարհի ասֆալտապատումն է իրականացվել և Տիգրանաշենի հատվածը 77 կմ մինչև 82 կմ ասֆալտապատվել է որակական չափանիշներին նորմատիվներին համապատասխան` ներառյալ ջրահեռացման, ենթակառուցվածքների անվտանգության պահպանմամբ նորմատիվների համպատասխան: Ծրագրի արժողությունը՝ Երևան Երասխ ճանապարհի 53 – 65 կմ համար կազմել է 1 մլրդ. 192 մլն դրամ, մյուս 77 – 82 կմ ճանապարհի ասֆալտապատման համար 1 մլրդ. 98 մլն դրամ:
–Մենք գիտենք, որ նախորդ տարի կառավարության սուբվենցիոն ծրագրով տարածաշրջանում ասֆալտապատման աշխատանքներ ևս իրականացրել եք:
– Ա՛յո: Զանգակատուն բնակավայրում կատարված աշխատանքները եղել է 45 տոկոս համայնքի և 55 տոկոս կառավարության սուբվենցիոն ծրագրով, իսկ 17 մլն դրամ Զանգակատան գերեզմանատուն տանող ճանապարհն էլ իրականացվեց բացառապես Արարատ համայնքի սեփական միջոցներով: Ճանապարհների ասֆալտապատում իրականացվել է նաև Վեդի խոշորացված համայնքում՝ Ոսկետափ, Եղեգնավան և Արալեզ գյուղական բնակավայրերում և Վեդի քաղաքում: Ծրագիրն իրականացրել ենք կառավարության սուբվենցիոն ծրագրով, որտեղ մի դեպքում համայնքի մասնաբաժինը կազմել է 45 տոկոս, իսկ կառավարության մասնաբաժինը 55 տոկոս, մյուս դեպքերում ավելի տարբեր:
–Պարոն Սարգսյան ի՞նչպես կնկարագրեք այսօրվա մրցակցությունը շինարարական կազմակերպությունների միջև հաշվի առնելով կատարած աշխատանքների որակը:
-Գիտեք գործող կազմակերպություններից յուրաքանչյուրն իր դիրքն ունի: Ես իմ փոխարեն կարող եմ խոսել և երաշխավորել: Կարծում եմ ցանկացած կազմակերպություն առաջին հերթին աշխատանքները պետք է կատարի բարձր որակով և երաշխիքով պետության կողմից առաջարկված բոլոր նորմատիվներին համապատասխան, որպեսզի այն ծառայի մեր ժողովրդի ու պետության երկարաժամկետ:
Հարցազրույցը՝ Կարինե Սարգսյանի