Մենք, անշուշտ, տեսել և լսել ենք նյութեր այս հարցի վերաբերյալ։ Սեպտեմբերի 9-ին Երևանում պաշտոնապես հայտարարություններ արվեցին Հայաստանի Հանրապետության և Եվրամիության միջև վիզային ռեժիմի ազատականացման շուրջ երկխոսության մեկնարկի մասին: Սեպտեմբերի 11-ի ճեպազրույցում դրա մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Ըստ նրա՝ «ռազմավարական վեկտորի շրջանակում հայ գործընկերների նպատակաուղղված աշխատանքը Հայաստանի ինքնիշխան իրավունքն ու որոշումն է»։
«Ու գոնե հարց տայիք՝ մեզ հետ դա քննարկվե՞լ է: Ոչ, չի քննարկվել։
Զախարովան այնուհետև նշել է, որ 2000 թվականի սեպտեմբերի 25-ի համապատասխան միջկառավարական համաձայնագրի հիման վրա Ռուսաստանի և Հայաստանի միջև առանց վիզայի ռեժիմի գործարկման վրա նման բանակցությունների որևէ բացասական կողմ կամ ազդեցություն Մոսկվայում չեն տեսնում:
Ընդսմին, ըստ նրա՝ նշված թեման կարող է դառնալ տարբեր մակարդակներում մոտակա երկկողմ շփումների թեմաներից մեկը։
«Ես կբացատրեմ, թե ինչու: Պարզապես, առաջին հերթին, հյուպատոսական ծառայությունների, այսպես ասած, սահմանային ծառայությունների և այլնի համապատասխան խնդիրներ և նրբերանգներ կան։
Բայց կա ևս մեկ կետ: Ինձ թվում է՝ բոլորն արդեն հիանալի հասկանում են, որ աշխարհաքաղաքական ներկայիս իրողություններում արևմուտքցիները նման մեծահոգությունը միշտ պետք է զգուշությամբ ընկալել։ Եվ կասկած չկա, որ վիզաների ազատականացման հարցը զուտ պատեհապաշտական բնույթ ունի»,-նշել է Զախարովան։
Դա թելադրված է Հարավային Կովկասում իր ազդեցությունը տարածելու Եվրամիության առճակատման գծով և տարածաշրջանում աշխարհաքաղաքական մրցակցություն հրահրելու փորձերով։ Բայց, փաստորեն, իրենք՝ արևմուտքցիները, դա ձևակերպում են որպես Ռուսաստանի դեմ երկրորդ ճակատի բացում»,- ասել է ռուս դիվանագետը։
Նրա համոզմամբ՝ ԵՄ-ն «բացահայտ մանիպուլացնում է իրավիճակը տարածաշրջանում»։
«Ի դեպ, նրանք երկար տարիներ բացահայտ մանիպուլացնում են վիզաներին առնչվող հարցերը նույն կերպ, խոստումներ են տալիս՝ սկսած ներդրումների ներհոսքի վաղանցիկ խոստումներից մինչև Եվրամիությանն անդամակցություն, բայց նպատակն իրականում մնում է նույնը՝ հպատակեցնել տարածաշրջանային պետություններին. ստիպել ծառայել իրենց շահերին, գժտեցնել այստեղ գտնվող պատմական ժողովուրդներին, մասնավորապես՝ Ռուսաստանի և Հայաստանի ժողովուրդներին և խոչընդոտել մեր բազմաբնույթ դաշնակցային հարաբերությունների զարգացմանը։
Ըստ Զախարովայի՝ Բրյուսելի և Երևանի միջև վիզային երկխոսության սցենարը որևէ կերպ չի տարբերվի հետխորհրդային այլ երկրների հետ ԵՄ բանակցություններից։ Իսկ դրական արդյունքի երաշխիքներ ոչ ոք չի տալիս։
Ընդհակառակը, եվրոպացիները միտումնավոր կձգձգեն գործընթացը՝ ամեն անգամ ներկայացնելով ավելի ու ավելի նոր պայմաններ, որոնք ենթադրում են հավատարմություն, ենթադրում են միակողմանի զիջումներ Եվրամիության երկրների կողմից և, ընդհանրապես, դիրքերի զիջում»,-նշել է ՌԴ ԱԳՆ պաշտոնական ներկայացուցիչը։
Նրա կարծիքով, Հայաստանի շարքային քաղաքացիները եվրոպացիների պարբերաբար հյուսվող քաղաքական խարդավանքների պատանդ են դառնում, և հիմա նման բախտ է բաժին ընկել նաև Հայաստանին։
«Իսկ մինչ այդ նրանք հիմնականում դա անում էին ամենուր, ներառյալ՝ Հարավային Կովկասում»,- հայտարարել է Մարիա Զախարովան։