Լրագրողական դասընթացի և մրցույթի հրավեր.«Երիտասարդ ժուռնալիստների ասոցիացիա»ՀԿ

«Երիտասարդ ժուռնալիստների ասոցիացիա» հասարակական կազմակերպությունը նախաձեռնել է դասընթաց միգրացիայի լուսաբանման, տվյալների հավաքագրման, վիզուալիզացիայի, ԱԲ նորագույն գործիքների կիրառմամբ դրանց ներկայացման և խնդրի իրավական կողմերի լուսաբանման առանձնահատկությունների մասին։ Այն կանցկացվի նոյեմբերի 29-01 դեկտեմբերի Աղվերանում։

Դասընթացը կվարեն Տաթևիկ Բեժանյանը (միգրացիա), Սամվել Մարտիրոսյանը (տեղեկատվական տեխնոլոգիաներ և ԱԲ) և Վարդուհի Պետրոսյանը (լուսաբանման իրավական և էթիկական հարցեր)։

Երկօրյա աշխատարանի ավարտից հետո մասնակիցները հնարավորություն կունենան դիմելու լրագրողական հրապարակումների մրցույթին և ստանալու մրցանակային երեք տեղերի համար նախատեսված դրամական պարգևներից մեկը (1-ին տեղի մրցանակ՝ 400.000 դրամ, 2-րդ՝ 200.000 դրամ, 3-րդ՝ 100.000 դրամ)։

   Դիմումների ընդունման վերջնաժամկետն է նոյեմբերի 28-ը, ժամը 24:00-ն։

Մեկնումը Աղվերան՝ նոյեմբերի 29-ին աշխատանքային օրվա ավարտին, վերադարձը՝ դեկտեմբերի 1-ին, ժամը 18:00-ին։ Մասնակիցների տեղափոխության և կեցության ծախսերը հոգում են կազմակերպիչները։

  Մանրամասների և գրանցման համար խնդրում ենք անցնել հետևյալ հղումով․ https://shorturl.at/jXyhl :